Itaia 15:2 - Te B'aib'ara

² A bane n tia ni waerake nakon te Tembora, ao te baangota kaain Ribon ni kabane, n tang ma ni katuu ranin mataia. A na bane n tang kaain Moaaba. A na bane ni koreaki taiani ira ma taiani buai i bukin te b'ai are e riki i Nebo ao Meteb'a.

Itaia 15:2 ပူးပေါင်းရင်းမြစ်များ

2.Tamuera 10:4

Ma ngaia are, e katikiia ana mataniwi Tawita Anun ao e koroibuaia n iteran ubuia are te iterana. E koroi niiniiraia mai aan beebeia, ao i mwiina, e kanakoia.

1.Rongorongo 19:4

Ao Anun, e tauia ana mataniwi Tawita ao e koroi buaia ni kabane ao e korouai niiniiraia rikaaki nakon koreaia, ao e kanako ia ni kaokiia.

Iobi 1:20

Ao e teirake Iobi, ao e raeuai kunnikaina i bukin rawawatan nanona. E koromara atuuna, ao e b'aka ni boobaraaki i aontano, ao n taromauriia te Atua,

Itaia 14:31

Kam na tang ma ni katuu ranin matami ni mataroan nako taiani kaawa. ngkami aika kaain Biritia! E a roko te bubu mai meang, ao a bane n tauraoi taiani tautia.

Itaia 15:3

A bane aomata i nanon te kaawa ma taiani mwenga ni kunnikaia aomata ni kunnikai aika a mangaingai ao a tang n takaarua i nanon te tai ae e maan.

Itaia 16:12

Bon akea boonganan naanakoia kaain Moaaba nakon aia baonikarea n taromauri ao n tataro.

Itaia 16:7

Tuangiia kaain Moaaba ni kabane b'a a na tang i bukin aia botannaomata. Tuangiia b'a a na tang ma ni katuu ranin mataia i bukin kureeben Kiri-Areteta aika a tamaroa.

Itaia 22:12

Ngke a koro bukin b'aai aikai ni kabane, ao e tuangingkami te UEA ae Moan te M'aaka b'a kam na katu ranin matami ma n tang, ma ni koro marai atuumi, ao n kunnikain kunnikai aika a mangaingai.

Itaia 3:24

A na oneaki mwiin taiani boiarara n taiani boiraa; a na oneaki mwiin taian roo n nuuka, n taian roobu; a na oneaki mwiin taian irannatu aika a biraki n taiani mara n atu. A na oneaki mwiin kunnikai aika a boobuaka ni kunnikai aika a raeraeaki; A na oneaki mwiin te botanaine, n taiani m'akam'aka aika a buakaka i aon rab'ataia.

Ieremia 3:21

Kakauongo nakon taian karongoa mai aon taian tabuki! Bon aomatan Iteraera aika a tang ma ni buubutiai b'a N na kaekai aia tataro. A m'aninga taekau ao a rinea te kawai ae e kaairua.

Ieremia 47:2

Bon te UEA Ngai ae I tuangkami b'a ae e na iekaki abami irouia te taanga ni buaka mai meaang. E na uruaki ami kaawa nako ao a na kamaunanakoingkami, ma te tang ao te taakarua.

Ieremia 47:5

E a roko te nanokawaki ae e korakora irouia kaain Kata, ao a na aki kakarongoa kaain Atikeron. Tao a na maanra nikiraia kaain Biritia n tanginiwenei?

Ieremia 48:1

E tuangai te UEA ae Moan te M'aaka ae Atuaia Iteraera, b'a N na kaangai nako ia kaain Moaba: Ko a reke n te kangaanga te kaawa ae Nebo; E na tauaki Kiriataim ao e na kab'ainrangaki, ao a na bon uruakaki nonona ao e na tiku n uruaki.

Ieremia 48:18

Kaain te kaawa ae Ribon, kam na aki manga oki ni karineaki, ma ngaia ae, kam na tekateka i buakon te baareka. Ane a na raeuaakaki oon ami kaawa ngkana a roko ami kairiribai ni buakaningkami.

Ieremia 48:31

Ma ngaia are, N na tang ma n tanginiwenei i bukin Moaba ao kaawana are Kira Ereti.

Ieremia 48:35

N na karaoi taekaia aomata ni kabane ake a kaakabuoka te b'ai ni kaboiarara nakon antiia kaain Moaba ke n anga taiani karea i aon aia baangota nako. Bon aei Au taeka Ngai ae te UEA.

Ieremia 49:3

Kam na tang kaain Etibon: E na riki ami kaawa b'a b'ariko n atiibu aika a maerikiriki. Ane kam na rairaki n aki akaaka, ma a na bonotaki kawaimi. Karin kunnikai n aki akaaka i aomi ao taang, ngkami aika kaain Rab'a, i bukina b'a a na anaaki bouananti ake kam taromauri nako abaia ianena, n reitaki ma ibongana ao mataniwiin ana Tembora.

Ieremia 7:29

Kam na kamaraa atuumi ao tewenakoi irami. Kam na anenea te anene ni mate i aon te tabuki ae akea kain aona. Kam a tia ni kaunai ngkami aika aomata, ao kam a tia ni kiitanai.

Etekiera 27:31

a koromaraia ao a kunnikainiia n te kunnikai ae e mangaingai ngke a tabe n tang ni korakai.

Etekiera 30:2

Etekiera ae natin te aomata, ko na tuangiia kaain Aikubita Au taeka ae e kaangai: Ko na tang ni korakai,

Etekiera 7:18

Kam na kunnikainingkami ni kunnikai aika a mangaingai i bukin kaotan nanokawakimi, ma ane e na taoningkami te maaku. E na koreaki taekan te kamaamaaeaki i aon matami, ao ane kam na korobuataui atuumi ma te korakai.

Nakoaia Ibonga 13:40

Ngkana e mm'aa iran te aomata mai bukin atuuna ke moan atuuna,

Nakoaia Ibonga 21:5

Tai korea iran atuum ke tao buaim, ke tao ni korokoroiko ni kaotia ae ko nanokawaki.

Amota 8:10

N na onika ami bootaki nakon bootaki ni mate, ao N na oniki naba ami anene ni kukurei nakon taian tanginiwenei. Ao ane kam na kamarai atuumi ao kam na kunnikaini kunnikai aika a raeraeaki, ao kam na katotongiia utu aika a tanginiweneia natiia te m'aane ae te rikitemanna. E na bon rangi ni maai te bong arei mai moana ni karokoa tokina.

Warekaia Iteraera 21:28

A m'aati nakon te buaka ana taanganibuaka kaanga ai aron uran te ai, ma ni kabuoka te kaawa are Are, ma ni kamaunai taian tabuki ake i rarikin te karaanga are Arenon.

Warekaia Iteraera 21:30

Ti kataenikaia raoi Moaba. Kaawa aika Etibon ma Ribon, ao Nob'a (Nob'a) ma Meteb'a kam a urubekebeke ma ni mauna nako.

Warekaia Iteraera 32:3

“E a tia te UEA ni buokiira ni karekei aaba aika i rarikin kaawa aika Atarota, Ribon, Iatera, Nimra, Etibon, Ereare, Tebam, Nebo, ao Beon.

Warekaia Iteraera 32:38

Tibema, ao ai uana naba ma kaawa aika a ataaki n araia ngkoa aika Nebo, ao B'aara Meon. A manga bitii aran taabo aikai.

Te Tua-Kaua 14:1

Kaain Iteraera, bon Ana ataei te UEA ngkami, ma ngaia are, ngkana kam tang i bukin te mate, ao kam na aki korokoroi rab'atami, ke ni koromarai moan atuumi.

Te Tua-Kaua 34:1

Ao i mwiin tabeua te tai, ao e kiitan aaba ake a rinano ake i Moaaba Moote. Ao e waerake man te Maunga are Bitika nako taubukin te Maunga are Nebo, are e mena n iteran te Karaanga are Ioretan ni kaaitaraa Ieriko. Ao E kaotii taian aba ni kabane nakoina ni karokoa Kireata i meang ma te kaawa are Taan.