Itaia 14:6 - Te B'aib'ara

⁶ ake a kiunuun ma n aki toki ni kabuakakaia aomatan botannaomata ake tekorakina.

Itaia 14:6 ပူးပေါင်းရင်းမြစ်များ

2.Rongorongo 36:17

Ao e kanakoa uean B'aburon are Nebukaneta te UEA b'a e na buakana Ierutarem. Ao Nebukaneta, e tiringiia rorobuaka n ataei ake n te Tembora, ao bon akea nanoangaan temanna i rouna, e ngae ngke te m'aane ke aine, te ataei ke te kara. E karaoia te Atua b'a e na tiringiia aomata ni kabane n te kaawa are e buubura arei.

Iobi 9:13

E teimatoa unin te Atua, ao E kamanatuaia Ana kairiribai ake a buoka Raaba, are manin taari ae kakamaaku, are e aki toki ni kakaitaraa te Atua.

Taeka n Rabakau 21:30

Kam bon aki konaa ni konaa te UEA e ngae ngkana e m'aiti ami atatai ke tera ami kawai.

Taeka n Rabakau 28:15

Ti te bo ma te raian ae e bekorara ke te bea ae e karana kanana, te tia tautaeka ae e aki karaoa ae e aki riai nakon ane e maiu ni kainano.

Itaia 10:14

I a tia ni kataenikaia te aonnaba ae e b'anin! E rangi ni beebete anaakin te bunimoa n te ngao ae akea ae e teiakinna. Akea ae e na uboi baina ni kiba ke ni katanga te bu ni katounakoai.

Itaia 14:5

E a tia ni kamanatuai m'aakaia uea ake a buakaka te UEA,

Itaia 33:1

Ko konaiia au aomata. Ko a reke n te kangaanga! Ko tuai man ururuakaki, ma ko nang uruakaki; ko tuai man kam'aneaki; ma ko nang kam'aneaki. Ngkana e a bane am uruuru ma am kam'aam'ane, ao ko nang manga uruakaki ma ni kam'aneaki n aron anne.

Ieremia 25:26

ao aaba ake i meaang, ake a kaan ma aika a raroa. I nakon aaba nako i aon te aonnaba, teuana i mwiin teuana, ao n te kabanea I a roko i B'aburon.

Ieremia 25:9

ao ngkai N nang kanako ia botannaomata mai meang b'a a na buakaningkami, bon mai roun au toro are Nebukaneta mai B'aburon. Kam na uruanaki ngkami ma botannaomata akana i rarikimi nako ao kam na tiku n uruaki n aki toki. A na tiaoki aomata akana a noora aron uruakin ami kaawa, ma a na b'ainingarei ngkami.

Ieremia 48:17

N na tuangiia botannaomata aika a kaan b'a a na tanginiwenei i bukimi ao a na kaangai, E koaua b'a e bon aki kananokawaki? E tautaekaniia tabem'aang ngkoa Moaba, ma ngkai e a tia ni maaenako m'aakana are e mimitong.”

Ieremia 50:31

B'aburon, ko riai n aranaki b'a, “Te aomata ae e kamoamoa.” Ma e a tia n roko te tai are N na katuaaeko iai Ngai ae te UEA ae Moan te M'aaka.

B'aeb'aeti 1:21

“Ongora n au b'aeb'aeti; bon akea temanna ae na kabebeteai. A rangi ni kukurei au kairiribai ngkai Ko karokoa te kaanganga i aou. Karokoa te bong are Ko a tia ni berita iai; ao manga karokoa te kaangaanga i aoia au kairiribai n ai aron are e roko irou.

Taniera 4:35

E taraia aomatan te aonnaba b'a kaanga baika akea bonganaia; a mena i aan Ana babaire anera ake i karawa, ma aomata aika i aon te aba. Bon akea ae e kona ni kaitaraa Ana iango ke ni waea te b'ai ae E karaoia.

Ab'akuka 1:17

A na teimatoa ni kamanena aia kabaang man tiringiia botannaomata n akea aia nanoanga?

Ab'akuka 2:5

Te kaub'ai bon te tia m'am'anaa te aba. Aomata aika a m'angai-n-rang a kamoamoa ao akea aia motirawa. A bon aki kona n rauaki nanoia n ai aron te mate (rua-ni-mate). Ao bon anne bukina are a buakani man taui aaba teuana i mwin teuana.

Iakobo 2:13

B'a ane aki nanoangaea te aba, ao e na motikaki taekana n aki nanoangaki; ma e totokanikai te nanoanga n te motiki-taeka.