Itaia 14:4 - Te B'aib'ara

⁴ Ao i mwiina, ane kam na b'ainingarea Uean B'aburon n anenei kuuna aikai: E a mate te man ae e kakamaaku! E a aki manga un nakoira.

Itaia 14:4 ပူးပေါင်းရင်းမြစ်များ

2.Rongorongo 36:18

E uoti nako b'aai ni kabane Nebukaneta ake a tiku i nanon te Tembora; e iraea te kaub'ai ao kanoan ana ruunib'ai te uea ma ana mataniwi. E uoti b'aai ni kabane nako B'aburon.

Itaia 13:1

Aio te rongorongo ae I anga i bukin B'aburon:

Itaia 13:19

E mimitong ao e korakora te kaawa ae e buubura ae B'aburon, kakatongaia botannaomata. Ma e na riki b'a kaanga taiani kaawa aika a buubura ake Tootom ao Komora i mwiin uruakana Irou Ngai ae te UEA.

Itaia 14:17

E tauai taian kaawa aika a buubura ni kabane ao e karika te aonnaba b'a te rereua? Boni ngaia are e rawa ni kaokiia buure nakoni mwengaia?”

Itaia 14:5

E a tia ni kamanatuai m'aakaia uea ake a buakaka te UEA,

Itaia 14:6

ake a kiunuun ma n aki toki ni kabuakakaia aomatan botannaomata ake tekorakina.

Itaia 16:4

Kariaia b'a a na maeka ara aomata n abam i bukin karekean mwengaraoia.” Moaaba, e na mauna nako am kairiribai ae e rangi n tiritiri; a na aki manga buakaningkami mani urui abami.

Itaia 21:2

Bon te kaotioti ae e kakamaaku are e kaotaki nako iu te kaotioti i bukin te kam'aam'ane ao te urub'ai. Tuanga Eram ao Miria b'a a na katobibia man buakaniia kaain B'aburon. E a tia n tuea te UEA b'a na katoka te karawaawata are a karikia.

Itaia 47:5

B'aburon, kainab'aabu! Tekateka n te roo. Ko nang aki manga butim'aeaki irouia botannaomata nako b'a aia ueanaine ngkoe.

Itaia 49:26

E na karaoia aomata aika a iowawaa aikai b'a a na bon kana irikoia ao a na mooi boni man raraaia. Ao ane a na ataai aomata nako b'a bon ara Tia kamaiu te UEA; Atuan Iteraera ae Moan te M'aaka are e kamaiuia ana aomata.

Itaia 51:13

I taakina nako taiani karawa ao I kawenea aan te aonnaba. Ma kam a tia ni m'aninga taekau, Ngai ae ami UEA ao te Tia Karikib'ai. Kam katoabong ni maakuia koraki aika a un nanoia ma n taku b'a a na kabuakakako. Ma a mena ia ngkai?

Itaia 51:23

Ma I a anga nakoia am kairiribai nako, ake a karikiko b'a te baareka ma n toubekaiko.”

Itaia 54:14

Ko na kateaki i aon te eti ao ko na aki maakuia akana a kaakaraoa ae e aki eti; a na bane ni kararoaaki mairoum akana ko raraomaeakiniia.

Itaia 9:4

Ko a tia n urua m'aakaia koraki ake a kabuakakaia ao a tautoroniia am Aomata. Ko a tia ni kamaiua n ai aron are ngke ko kamaiuia am Aomata mairouia kaain Miria.

Ieremia 24:9

N na katuaaia n te kabuanib'ai ae moan te kamaamate, ao a na maaku kaain aonnaba ni kabane ngkana a ongo taekana. N na kairoroia kaain Iuta b'a a na nako abaia ianena, ike a na kamaraiaaki ma ni kamamaaeaki iai.

Ieremia 48:17

N na tuangiia botannaomata aika a kaan b'a a na tanginiwenei i bukimi ao a na kaangai, E koaua b'a e bon aki kananokawaki? E tautaekaniia tabem'aang ngkoa Moaba, ma ngkai e a tia ni maaenako m'aakana are e mimitong.”

B'aeb'aeti 4:1

E a bua raneanean ara koora ao e a mangaingai; A wene n raea atiibun te Tembora i nanon te kaawa.

Etekiera 5:15

botannaomata ianena ma ni b'ainingareingkami, ma a na bon tiaoki naba ao ni maaku n te b'ai are I karaoia n uniu.

Taniera 2:38

E a tia ni karikiko b'a te tia tautaeka n taabo nako aika iai kaaina n te aonnaba, ao te tia tautaeka i aoia man aika kawakawa ma mannikiba. Boni ngkoe te atu are te koora.

Ab'akuka 2:17

Ko a tia ni koroi ao ni kab'akai buakonikain Reb'anon, ao ngkai, ko na manga koreaki ni kab'akaaki. Ko tiring manna, ao ana aki karauko maan. Aio te b'ai ae e na riki nakoim i bukin am tiritiri, ao i bukin naba iowawaam nakoia aomatan te aonnaba ma kaawa nako.

Te Kaotioti 17:6

Ao I nora te aine arei b'a e manging n raraaia aomata ake a itiaki, ma raraaia ake a kamateaki i bukin onimakinan Iesu. Ngke I nora neierei, ao I rangi ni mimi.

Te Kaotioti 18:16

ao a na kaangai, “Ai kaawa ra, ai kaawa ra, te kaawa are kakannato, are kunnikaiaki n te rinen ae e raoiroi, ma te kunnikai ae ura-roo, ma ae uraura, are te kaawa are katamaroaaki n te koora ma atibu aika kakawaki ma moomi!

Te Kaotioti 18:20

Ko na kim'areirei, karawa, n te b'ai ae riki nakoina; ao kam na kim'areirei naba ngkami aika kam itiaki, ma taan tuatua, ma burabeti: b'a E karekei kaina te Atua i bukin te baere e karaoi nakoimi.