Itaia 14:32 - Te B'aib'ara

³² Ngkana e roko te tia uarongorongo man te botannaomata ae e raroa, ao ko na kaangai nakoina: “E karaoa Tion te UEA. Ao e na reke naba ikekei te rau iroun te aomata ae e rangi ni kainano.”

Itaia 14:32 ပူးပေါင်းရင်းမြစ်များ

2.Tamuera 8:10

Ao a uoti naba ana b'aintangira Ioram aika a karaoaki n taian tirewa, koora ao taiani buraati.

Taian Areru 102:16

Ngkana E a manga katea Tion te UEA, Ao E na kaota iai kakannatona;

Taian Areru 102:28

A na maiu ma te rau natira, ao i aan am tararua a na kawakinaki raoi aia kariki iroum.

Taian Areru 48:4

A bootaki uea b'a a na buakana te kaawa,

Taian Areru 87:1

E katea ana kaawa te UEA i aon te maunga are tabu;

Taian Areru 87:5

Ao e na atongaki Tion b'a aia tabo aomata n aekaia nako, Ao e na nene ni matoatoa iroun te Atua are Moan te Rietaata

Taeka n Rabakau 18:10

Bon te taua ae e korakora te UEA ike a konaa ni biri nako iai ana aomata ni kamanoia

Itaia 11:4

E na karaoaki raoi te eti ma te riai nakoia aomata aika a maiu ni kainano ao a tangira buokaia. Ana riki ana taeka b'a taian tua i aon te aba ni kabutaa, ao a na bane n tiringaki taani bure.

Itaia 12:6

Anene, ngkami kaain Tion! Bukamarua kakannaton UEAN Iteraera ae e tabu. E mena ikai te Atua b'a e na buokiko.

Itaia 25:4

Ko a tia n riki b'a te tabo ni kamanomano i bukiia aika a maiu ni kainano ma n tangira buokaia i nanon tain te kaangaanga. A buakaniira ara kairiribai kaanga rokon te karau ae e korakora ke kaanga riringan taai n te tawanou, ma ko bon riki b'a katanara.

Itaia 28:16

Ma ngaia are, E taku te UEA, “I kawenea te aana ae matoatoa i bukin te kaawa are Tion. E kakoauaaki b'a e onimakinaki raoi atiibun te koona ae e kakaawaki; akea temanna ae e onimakinna e na manga b'ara nanona.

Itaia 29:19

Ane a na bootaki ni kukurei ma n takaarua aomata aika a maiu ni kainano ma aika a tangira buokaia i bukin te UEA ae Atuaia Iteraera ae E tabu.

Itaia 37:32

Ngai ae te UEA ae Moan te M'aaka, N na bon kakoauaa anne b'a a na tiku ni maiu aika a maiu i Ierutarem.

Itaia 37:9

Ni bon te tai anne, e a ataia uean Aturia b'a i aoni kawaina uean Itiobia are Terata ni buakanna. Ao i mwiina, e kanakoa ana tia uarongorongo ma taeka aika a kaangai nakon Etekia:

Itaia 39:1

E a uea ngkai te m'aane ae Merotaake Baratan i aoni B'aburon. Ao ngke e ataia ae e a marurung Etekia, ao e a kanakoa ana tia uarongorongo ma taian reta ao taiani b'aintangira nakoina.

Itaia 4:6

E na karekea te nuu i aan riringan taai ao te tabo ni katantan ao ni kamanomano n tain te buaka ma te karau.

Itaia 44:28

Boni Ngai naba are I kaangai, “E na kairiia au aomata Tairati ao e na ongotaeka nakon au babaaire. E na manga karaoaki Ierutarem ao te Tembora.”

Itaia 54:11

Ierutarem, ko nanokawaki, ma n toutourake n te buaka. Ma e na manga katea am kaawa te UEA n taian atiibu aika a tamaroa; b'a aam N na kamanenai taian tabeiro aika a buru.

Itaia 57:13

Ko na bubutiia am bouannanti akanne b'a a na buokiko ngkana ko a reke n te kangaanga. Taratara raoi, e ti ukaki teutana n angin te wii ao e a ubaranako naba. Ma ngkana ko nako mai nako iu ni kamanoko irou, ao e na riki te aba aei ao au Maunga ae e Tabu aei b'a am b'ai n aki toki.

Etekiera 48:35

Ao aran te kaawa ae e boou bon “E mena ikai te UEA.”

Teb'ania 3:12

N na katikuia aomata aika a nimamannei man nanorinano; aika a kawarai ni kan buokaki.

Tekaria 11:11

Taan kabonakoi tiibu ake a nooraki a bon ataia naba b'a bon te rongorongo mairoun te UEA aei.

Tekaria 11:7

Ma ngaia are, I riki b'a te tia kaawakiniia tiibu i bukiia tiibu aika a reke n te kabuanib'ai irouia taan kabonakoi tiibu. Ao I aran taiani kai aika uakai ake I kamanenai ngkoa i bukin kaawakin taian tiibu: e arana teuana b'a “Nanoanga” ao teuana b'a “Katiteuanaki.”

Mataio 16:18

Ao I taku nako im, b'a Betero ngkoe, ao N na katea au ekaretia i aon te b'aa aei; ao e na aki kona n ekianako m'aakan te mate.

Ebera 11:10

B'a Aberaam e kaantaninga te kawa are iai aana ae teimatoa, ae te kawa ae iangoaki arona iroun te Atua ao Ngaia naba ae kateia.

Ebera 12:22

Ma kam kaania te maunga are Tion ma ana kawa te Atua ae maiu, are Ierutarem are i karawa, ma anera aika ngaa ma ngaa,

Iakobo 2:5

Tariu aika kam tangiraki, kam na ongora: tiaki E rineia akana aki kaub'ai ni b'ain aon te aba te Atua b'a a na kau-onimaki, ao a na riki b'a taan abaaba n ueana are E atongnga n te taeka n akoi nakoia ake a tangiria?