Itaia 14:31 - Te B'aib'ara

³¹ Kam na tang ma ni katuu ranin matami ni mataroan nako taiani kaawa. ngkami aika kaain Biritia! E a roko te bubu mai meang, ao a bane n tauraoi taiani tautia.

Itaia 14:31 ပူးပေါင်းရင်းမြစ်များ

Itaia 13:6

Kam na tang ma ni katuu ranin matami! E a roko te bong are e na karokoa iai te urub'ai te UEA ae Moan te M'aaka.

Itaia 14:29

Kam na aki kukurei kaain Biritia ti i bukina ngkai e a uruaki te kai are kam oreaki iai. E na manga riki te kai b'a te naeta ae moan te boitin, ao i mwiina, e a manga riki b'a te raakon ae te ai rab'atana ae e kibakiba.

Itaia 16:7

Tuangiia kaain Moaaba ni kabane b'a a na tang i bukin aia botannaomata. Tuangiia b'a a na tang ma ni katuu ranin mataia i bukin kureeben Kiri-Areteta aika a tamaroa.

Itaia 20:1

Ao e anga ana taeka Uean Aturia are Tarekon nakon ana mataniwi n taanga ni buaka b'a e na tauaki te kaawa ae e buubura are Atetota.

Itaia 24:12

A uruakaki taiani kaawa aika a buubura; ao a kamaaenikunaki ni kab'akaaki mataroan taiani kaawa.

Itaia 26:1

E a roko te tai are a na anene iai kaain Iuta n te anene ae e kaangai: “E kaawakinaki ara kaawa Bon ara nono te UEA, ao e anganiira te tokanikai.

Itaia 3:26

E na tanginiwenei te kaawa ae e buubura ao a na tekateka i aon te baareka, ao a na akea kaaina.

Itaia 34:16

Ko konaa ni kakaaea ao ni kunea n ana boki te UEA n are e koreaki iai, “E ikoti ni kabane ana karikib'ai te UEA ni m'aakan Tamneina, ao akea temanna ae e bua.”

Itaia 45:2

Ngkana I kairiko, N na kabooraoi taian maunga ao a urui taiani mataroa aika biiti ke mataroan te kaawa aika taiani buraonti.

Ieremia 1:14

E taku te UEA: N na kab'aroa te urub'ai i aon te aba ni kabane.

Ieremia 47:2

Bon te UEA Ngai ae I tuangkami b'a ae e na iekaki abami irouia te taanga ni buaka mai meaang. E na uruaki ami kaawa nako ao a na kamaunanakoingkami, ma te tang ao te taakarua.

Ieremia 47:4

Ngkami aika taenikai mai Kabetora, e a roko ami tai, are N na uruaningkami iai. Bon akea i buakomi ae e na tiku ni buoki kaawan nako Turo ma Titon.