Itaia 14:29 - Te B'aib'ara

²⁹ Kam na aki kukurei kaain Biritia ti i bukina ngkai e a uruaki te kai are kam oreaki iai. E na manga riki te kai b'a te naeta ae moan te boitin, ao i mwiina, e a manga riki b'a te raakon ae te ai rab'atana ae e kibakiba.

Itaia 14:29 ပူးပေါင်းရင်းမြစ်များ

2.Uea 18:8

E kataenikaiia kaawan Biritia ni karokoa Kaata, ni moa naba ma ni kaawa aika a uarereke ni karokoa kaawa aika a rangi ni korakora ake a nonoaki.

2.Rongorongo 26:6

Ngke e uea Utia, ao e waakina te buaka ni kaitaraia kaain Biritia. E urui oon taiani kaawa aika a buubura ake Kata, Iabene, ao Atota, ao e a manga karaoi taiani kaawa ake i rarikin Atirota ao ni m'akoron Biritia ake tabeua.

2.Rongorongo 28:18

A reke irouia kaawa ake Beta-Temeti, Aiiaron, Keterota, Toko, Timna, ao Kimto, n reitaki ma kaawa aika a uarereke ake i rarikina nako. Ao i mwiina, a m'ananga tabeman kaain Biritia ni maeka n taabo aikai. E kanakoa ana rongorongo Aati nakon uean Aturia are Tikerata Biretera ni buubutiia buokana.

Taeka n Rabakau 24:17

Ko na tai kukurei ngkana ko noora am kairiribai b'a e bae waena ma ni b'aka.

Itaia 11:14

Ma a nang ikoikotaki ni buakana Biritia i maeao. Ao i mwiina, a na kataenikaia kaain Etom, kaain Moaaba, ao kaain Ammon ake i mainiku. A na tautaekaniia aomata aikai ma n anai mairouia b'aai ake a tangiri.

Itaia 11:8

A na takaakaro ataei i rarikin b'angaia taian naeta. A na karin baiia i nanon b'angaia taian naeta aika a rangi ni boitin ao a na aki ikoaki.

Itaia 14:31

Kam na tang ma ni katuu ranin matami ni mataroan nako taiani kaawa. ngkami aika kaain Biritia! E a roko te bubu mai meang, ao a bane n tauraoi taiani tautia.

Itaia 2:6

Ara UEA, ko a tia ni kiitaniia am Aomata aika Iteraera, i bukina ngke a katotoongi kateia botannaomata ake mai mainiku. A taromauriia antiia kaain Biritia ao a rangi ni iraorao ma taian ianena.

Itaia 30:6

Aio rongorongoia manin te Rereua are maiaki: “Ngkami aomata aika kam uouoti kaub'aimi i aon taian aati ma kamero. Kam m'ananga nakon te botannaomata ae e mamaara ri nanon te rereua ae e kaangaanga ae e onrake n taian raian ao taian raakon aika a tiritiri aika a kiikiba.

Ieremia 47:1

I m'aain buakanakin te kaawa are Kata i roun uean Aikubita, ao E tuangai te UEA b'a N na taetae nako ia kaain Biritia ni kaangai:

B'aeb'aeti 2:17

E a tia ni kakoroa bukin Ana babaire te UEA: E a tia ni kamaunaira ao ake riki Ana nanoanga n ai aron are E taekinna ngkoa. E anga te tokanikai nakoia ara kairiribai, E kakukureia ni konaakira.

Etekiera 25:15

E taku te UEA ae te Atua, “A tia kaain Biritia aika a iowawa ni kareke kaiia aia kairiribai n taai aika m'aiti ma ni kataia ni kamaunaiia.

Etekiera 26:2

Etekiera ae natin te aomata, a tia kaain Turo ni karaoa aia bootaki ni kukurei i bukin b'akan Ierutarem ni kunaia ae e kaangai, “E a tia ni b'aka Ierutarem! bon te tabo ni kaboob'ai ngkoa, ae e rangi ni korakora. E kamaaenikunaaki ami kaawa ngkai, ao ko na onea mwiina.”

Etekiera 35:15

n arom naba ngke ko karaoa am bootaki ni kukurei ngke e kamaunaaki Iteraera. E na riki n akea manenan am botannaomata ae Etom b'a e na riki b'a te aba ae akea manenana. Ao ane ko na ataia iai b'a bon te UEA Ngai.

Otea 9:1

Ko na aki karaoa am bukamaru Iteraera ke ni kakarongoa n aroia botannaomata ake tem'angina. Ko a tia n aki kakaonimaki nakon Atuam. Kam karaoa kateia ainen matawa ngkana kanakoaki kunin te uita b'a kam kukurei n te m'ane are kam karekea.

Ioera 3:4

E aera ngkai kam karaoa aei ngkami aika kaain Turo ao Titon? Kam kataia ni karokoingkami Irou? N na kabooa mwiin ae ko karaoia i m'aain ae ko ataa te b'ai ae e na riki.

Amota 1:6

E taku te UEA “A teimatoa ni kakaraoa te bure kain Kata, ao N na bon katuaaia i bukin aei. A tia ni uotia nako au botannaomata man kabooia nakoia I-Etom b'a tooro.

Amota 1:8

N na kam'aeia nako taan tautaeka n te kaawa ae Atitota ao Atikeron. N na orea te kaawa ae Ekeron, ao nikiraia I-Biritia ake a maiu ana bane ni mate.”

Ob'aria 1:12

Ko bon riai n aki ngareakina tarim ae Iuta i nanom ngkai e a reke n te kangaanga Ko bon riai n nanokawaki n te bong are e buakanaki iai aia kaawa Ko bon riai n aki kakanikoia ngke a taonaki n te rawaawata.

Mika 7:8

Bon akea uaan ngareakinara irouia ara kairiribai. Ti a tia ni konaaki irouia, ma ti na manga tokanikai. Ti mena n te rootongitong ngkai, ma E na anganiira te oota te UEA.

Teb'ania 2:4

Bon akea ae e na tiku i m'aiu i Kata. E na riki b'a te tabo ae akea kaina. Ana kanakoaki i Atitota n te tawanou ao aomatan Ekiron ana kanakoaki man aia kaawa.

Teb'ania 2:5

Ngkami i Biritia aika kam nimamate, ngkami aika kam maeka i rarikin taari E a tia bairean taekam iroun te UEA. E na tiringi ngkami, ao bon akea ae na tiku ni maiu.

Teb'ania 3:11

N te tai arei, ao N na kam'awaia taan kairiri aika a kamoamoa mani kainikatonga, ao ane ko na aki manga kainikatonga n au maunga are e tabu.

Tekaria 9:5

A na kaai n ruru ni maaku Atikeron ao Kata. E na b'ara nanon Ekeron. E na tiringaki uean Kata, ao e na akea kaain Atikeron.

Warekaia Iteraera 21:8

ao E kaeka ana tataro te UEA ao E taku, “Karaoa te naeta man te buraonti, ao kanimm'a i aon tabon te kai. A na tara te naeta anne aomata akana tenaaki n te naeta, ao ane a na aki mate.”

Iotua 13:3

ma abaia naba taian Awim nako maiaki, (aaba ake man te karaanga are Tiora, are n tian Aikubita, nako iaang nakon tian Ekiron e atongaki b'a abaia I-Kanaan; a maeka uean Biritia i Kata, i Atitota, i Atikeron, ao i Ekiron.)