Itaia 14:23 - Te B'aib'ara

²³ E na kanakoia aomata te UEA, ao e na riki te aba b'a te tabo ae e aoneinei ae nneia maan aika a aki manana.

Itaia 14:23 ပူးပေါင်းရင်းမြစ်များ

1.Uea 14:10

Ao i bukin aei, ao N na kamaunaa am utu n tiringiia m'anena ni kabane ma ataei ni m'anena, aika tooro ke aika inaomata. N na kamaunaa am utu, n aron te ai ngkana e kabuoka te maange.

2.Uea 21:13

E a rangi buakaka Ierutarem n aron Aaba ma kaain Taamaria. Ma ngaia are, N na kamaunaa Ierutarem ma ni katiaa taekana, n ai aron temanna ae e taea nako te ran mai nanon te raurau b'a e na m'au.

Itaia 13:20

Ane a na akea ae e na maeka i B'aburon. E na bon akea naba taani m'am'ananga aika a na maeka ni kaaniia, ao a na aki kariaia aia nanai n tiibu taani kaawakin tiibu b'a a na katoki kuaia ikekei.

Itaia 13:6

Kam na tang ma ni katuu ranin matami! E a roko te bong are e na karokoa iai te urub'ai te UEA ae Moan te M'aaka.

Itaia 21:1

Aio rongorongon te rereua are i rarikin taari: A na buaka kairiribai man aia botannaomata kairiribai kaanga te ukeukenanti man Rereuan Maiaki.

Ieremia 50:26

Kam roko mai keraroa, ngkami aika ana kairiribai B'aburon! Kab'arikoi taian uita man ana autinib'ai nako, ao kabuoki ni kabane, n reitaki ma b'aai ni kabane.

Ieremia 50:3

E na roko mai meaang buakanakiia kaain B'aburon; a na kaai ni biri nako ma aia man, ma ni katuka te aba ma akea kaaina.

Ieremia 51:62

ao i mwiina, ko na tataro ni kaangai, “Ara UEA, Ko berita ngkoa b'a Ko na onika te tabo aei nakon te rereua ike akea aomata ke taiani man ae a na maiu iai.”

Teb'ania 2:14

E na riki b'a nneia ni maeka nanai ni man n aekaia nako. E na maeka te aure i marenan baina aika a uruaki, man tangitang man kamamaa, ao e tangitang te reeben i matan mataroa. Ana bane n taekaki nako kain autina ake a karaoaki man taian tiira.

Te Kaotioti 14:8

Ao te anera temanna, ae te kauoman, e ri mwin are te moa n anera, ao e kaangai, “E a b'aka, e a b'aka B'aburon are te kaawa are kakannato, are kamoiia botannaomata ni kabaneia n ana wain, are bon nanona ae korakora ni kani wene ni bure.”

Te Kaotioti 18:2

Ao e taetae n te b'ana ae korakora, ao e kaangai, “E a b'aka B'aburon are kakannato! e a b'aka ao e riki b'a neia ni maeka taimonio. Ao neia ni kabureaki tamnei aika kam'ara ni kabaneia, Ao neia ni kainaki maan aika ribaki ni kabaneia.