Itaia 14:20 - Te B'aib'ara

²⁰ Ko na aki taunaki ma taiani uea: ko urua abam ao ko tiringiia am aomata. Bon te mannikaakang ngkoe ae e buakaka! Ti kaantaningaia b'a a na m'anuokinaki taekaia am utu n aki toki.

Itaia 14:20 ပူးပေါင်းရင်းမြစ်များ

2.Uea 9:35

Ma ngke a otinako b'a a na tauna rab'atana, ao a kunea b'a ai ti tab'anouna n tiku, ao riini baina ake uaai ma waena ake uaai.

Iobi 18:16

E na riki b'a kaanga aron te aroka ae mate man wakaana nakon m'angana ake i eta.

Iobi 18:17

Ao e a toki uringana n te auti, ao n taabo nako; bon akea ae manga ururingnga.

Iobi 18:19

Akea ana kariki, ao akea naba te nikira ni maiu i rouia kaain te auti are e mamaeka iai.

Taian Areru 109:13

A bia bane ni mate ana kariki, ao e bia aki uringaki taekana n te roro ae na roko.

Taian Areru 21:10

Akea temanna irouia aia kariki ae na maiu; E na bane ni kamateia te uea.

Taian Areru 37:28

E tangira te kaetitaeka ae eti te UEA, ao E aki kitaniia ana Aomata aika kakaonimaki: E kakawakiniia n aki toki, ma a na kakioaki nako aia kariki aomata aika buakaka.

Te Minita 6:3

E konaa n rangi n ab'ab'aki maium, ao ni karikiia natim iai aika tebubua m'aitiia. Ma e raoiroi riki nakoim te ataei ae e bungiaki ni mate, ti ngkana ko kukurei n te maiu, ao ko taunaki raoi ni matem.

Itaia 1:4

Iteraera, bon te botannaomata ngkoe ae ko buubure, ao ko onrake n te kaairua. Ko rangi ni buakaka, ao ko kam'araa ao ko a tia n tannako mai roun te UEA, ae Atuaia Iteraera ae te Atua ae tabu.

Itaia 31:2

E a aki baba te UEA! E karaoi baika e a tia ni berita iai ni kabane, ao e konaa ni karokoa te kangaanga. Ngkana ko bon buakaka naba, ao ko na bon kamaunaaki.

Itaia 9:17

E a un te UEA irouia ana Aomata ao e bon teimatoa naba ni katuuaia, i bukina ngke a tia ni kaaitaraa. A buakaka ao a taetae n nanobaba. Ao bon anne bukina are e aki nanoangaiia aia roronrikirake ke aia aine aika a tia ni mate buuia ao ataei aika akea aia karo.