Itaia 14:15 - Te B'aib'ara

¹⁵ Ma ko a mena inano ngkai i abaia maate.

Itaia 14:15 ပူးပေါင်းရင်းမြစ်များ

Itaia 14:16

Ane a na miimi akana a nooriko ao a na taraiko ao a na kaangai, “Aio ngkoa te m'aane are e karurua te aonnaba man ioioi taian abanuea?

Itaia 2:11

Ngkana e roko te UEA, ao a na kananorinanoaki aomata ngkoa ake a kamoamoa, ao e na neboaki te UEA n ti ngaia.

Itaia 2:12

E a tia te UEA ae Moan te M'aaka n rinea te bong are a na b'aka iai aomata ake a kamoamoa ao a kainikatonga.

Etekiera 31:14

Bon akea riki te aroka tekaina ae na manga rikirake n rietaata n aron te aroka aei, e ngae ngke e korakora te ran n reke i rouna. A na bane ni mate aroka nako, n aroia naba aomata ngkai a mamate ma n ruorikaaki nakon aia aonnaba maate.

Etekiera 31:16

E na b'aka ni maerikiriki te aroka aei i aon te tano, ao N na kanakoa nakon te aonnaba are i nano. Ao ane e na toubekaaki irouia botannaomata nako n te aonnaba.

Etekiera 32:23

ao a mena ruanimateia ni m'akoron abaia maate are e rangi n nano. A na bane ni b'aka ana tautia ni kabane n te buaka, ao e na katobibiaki n ruanimatena are n te nangananga ni b'aa. Bon taan kakamaakuia ngkoa aomata ngaiia n abaia ake a maiu.

Ob'aria 1:3

Ko rangi ni kamoamoa, kioina ngke ko nonoa atun am tautaeka n taian b'aa aika a matoatoa, ao ko maeka i taubukin maunga aika a ririeta. Ma e kam'aneko am kainikatonga anne ao ko taku i nanom, “Antai ae kona ni katikai rikaaki?

Mataio 11:23

Ao ngkami aika kaaini Kaberenaum, kam taku b'a kam na tabekaki rake nako karawa? Kam na teweaki nako nako Eriti! B'a ngke arona b'a a karaoaki i Totom m'akuri aika kamimii aika karaoaki i Kaberenaum, ao e na bon aki mauna ni karokoa te bong aei.

Ruka 10:15

Ao ngkoe, Kaberenaum, ko taku b'a ko na karineaki nako karawa? Ko na aki, ko na karinanoaki nako Eriti.

Te Kaotioti 19:20

Ao e tauaki te man are tiritiri, ma te burabeti ni kewe are karaoi kanikina i matana, ake e m'am'anaia iai te koraki ake a kanikinaeaki n ana kanikina te man are tiritiri, ma te koraki naba ake a taromauria te bouananti are karaoaki b'a katotongana. E teweaki nako te man are tiritiri ma te burabeti ni kewe, ngke e maiu, i nanon te nama are te ai are ura n te burimton.