Itaia 14:13 - Te B'aib'ara

¹³ Ko taku i bon iroum, “N na tam'arakea karawa ni kaaki au kaintokanuea iai i etan taian itoi. N na tekateka ikekei ma taian anti ake a raroa nako i meang.

Itaia 14:13 ပူးပေါင်းရင်းမြစ်များ

Iobi 20:6

E ngae ngke e roota karawa m'aakana ma kainikatongana,

Taian Areru 48:2

E rietaata ao e tamaroa Tion, ae ana maunga te Atua; ana kaawa te uea ae kakannato ao e kakukurei nakoia aomata nako i aonnaba.

Itaia 2:2

E na riki b'a te kabanea n rietaata te maunga are e tei iai ana Tembora te UEA ni boong aika a na roko. E na bura i aon taian tabuki nako; ao a na uarurung botannaomata nako iai.

Ieremia 49:16

E burebureingkami te kainikatonga b'a kam na iangoia b'a a taraingkami botannaomata ake tabeua ma te maaku. Kam maeka i buakon taabo aika a katati rikaaki ao i aon taiani maunga kaanga taian ikare, ma bon Ngai ae te UEA ae N na uotiko rikaaki.

Etekiera 27:3

te kaawa are e kateaki i rarikin taari i bukin te kaboob'ai ma botannaomata ake a mena i mataniwiin taari. Ko na tuangiia kaain Turo aei te rongorongo mairou: Turo, ko kainikatonga i bukin nakoraoin tamaroam,

Etekiera 28:2

Etekiera ae natin te aomata, ko na tuanga uean Turo au taeka ae e kaangai: Ko rangi ni kainikatonga b'a ko iangoia b'a te atua ngkoe ao am kaintokanuea te kaawa ae Turo. Ane ko na taekinna b'a te atua ngkoe, ngke bon te aomata ngkoe.

Etekiera 28:9

Ko na bon teimatoa naba n taekinna b'a te atua ngkoe ngkana ko aitara ma aiam? A na buakaniko, ao ko na maraki kaanga aroia aomata tabem'aang.

Etekiera 29:3

Au taeka ae e kaangai: Uean Aikubita, ti te bo ngkoe ma te korokorotaire ae e wene i nanon te karaanga. Ko karaoa aron ae bon am b'ai te Naire ao ko karaoia bon i bukim. Ma ngkai I a riki b'a ami kairiribai Ngai te UEA ae te Atua!

Etekiera 31:10

Uean Aikubita, kakauongo ngkai nakon te b'ai ae I taekinna Ngai ae te UEA ae te Atua, i bukin te aroka anne: E rikirake n rietaata te kai anne n roota karawa ao e rikirake ni kamoamoa ma ni kainikatonga.

Etekiera 40:2

I nanoni miiu E kairai te UEA nako abaia Iteraera ao e uotai nakon te maunga ae moan te rietaata. I noori i matau taian auti aika a m'aiti ae kaanga ai aron te kaawa ae e buubura.

Taniera 11:36

“E na karaoa are e bon tangiria uean Tuuria. E na kamoamoa i bon i rouna n iangoia b'a e korakora riki nakoia anti ni kabane, ao nakon te Atua ae e Moan te M'aaka. E na teimatoa ni karaoa aei ni karokoa are e na katuaaeaki iai iroun te Atua. E na boni karaoa are e a tia ni baaireia te Atua.

Taniera 5:20

Ma i bukina ngke e a manga kainikatonga ma n taningabono, ao n tiritiri, ao e a kam'awaki man ana kaintokanuea ao e bua nnena ni karineaki.

Ob'aria 1:3

Ko rangi ni kamoamoa, kioina ngke ko nonoa atun am tautaeka n taian b'aa aika a matoatoa, ao ko maeka i taubukin maunga aika a ririeta. Ma e kam'aneko am kainikatonga anne ao ko taku i nanom, “Antai ae kona ni katikai rikaaki?

Teb'ania 2:15

Ao bon anne te b'ai ae e na riki nakon te kaawa ae e rangi ni kainikatonga, ao man taku i nanona b'a e rangi ni manoraoi man taiani kanganga. Aomatana a taku b'a bon tii aia kaawa ae moan matoatoa i aon kaawa nako n te aonnaba. E a riki b'a kaanga, te tabo ae e kamaroaa, ae nneia maan ni motirawa! Aomata ake a ri rarikina ana maaku man taua raroaia mai iai.

Mataio 11:23

Ao ngkami aika kaaini Kaberenaum, kam taku b'a kam na tabekaki rake nako karawa? Kam na teweaki nako nako Eriti! B'a ngke arona b'a a karaoaki i Totom m'akuri aika kamimii aika karaoaki i Kaberenaum, ao e na bon aki mauna ni karokoa te bong aei.

Ruka 10:15

Ao ngkoe, Kaberenaum, ko taku b'a ko na karineaki nako karawa? Ko na aki, ko na karinanoaki nako Eriti.

2.I-Tetaronike 2:4

E na ekianako akana atongaki b'a atua ni kabaneia ma baika taromauriaki, ao e na rin n tekateka n um'antabun te Atua ma n taetae ni kaotia b'a aongkoa te Atua ngaia.