Itaia 13:9 - Te B'aib'ara

⁹ N na kaota au aki nanoanga ke au aki akoi Ngai ae te UEA ngkana e roko te tai arei. N na kamaunaa te aonnaba ni marakin nanou ao taani bure naba ni kabane akana a maeka i aona.

Itaia 13:9 ပူးပေါင်းရင်းမြစ်များ

Taian Areru 104:35

A bia kamaunaki taani bure mai aon te aba; A bia akea aomata aika buakaka. Karaoiroa te UEA, tamneiu! Karaoiroa te UEA!

Taeka n Rabakau 2:22

Ngkana ko karaoa ae e bure ao ko na bon aki manga konaa ni kakoauaaki, ko na bon kouwakaaeaki.

Itaia 13:6

Kam na tang ma ni katuu ranin matami! E a roko te bong are e na karokoa iai te urub'ai te UEA ae Moan te M'aaka.

Itaia 2:12

E a tia te UEA ae Moan te M'aaka n rinea te bong are a na b'aka iai aomata ake a kamoamoa ao a kainikatonga.

Itaia 34:8

E a tia te UEA ni katea te ririki ma te bong, are e na irantaanga iai ao n roko i Tion i bukin kamanoana.

Itaia 63:4

I karaoa aei i bukina b'a I irantaanga e a roko te tai i bukin kamaiuaia au aomata.

Itaia 66:17

Iai tabem'aang mai buakomi aika a katauraoia ao a nakon te nne n aroka b'a a na taromauriia antiia ianena. Kam kang irikon taiani beeki, taian beru, ao taiani kimoa. Ma N na tiringingkami Ngai ae te UEA i bukin karaoa aei.

Itaia 9:19

E rangi ni un te UEA ae Moan te M'aaka ao e kabonganaiia b'a kaanga te b'aa ni kanaiai are e tiringa aon te aba. A manga bon rairi buareia i bon irouia

Etekiera 13:5

A aki tuangiia aomata taekan te kangaanga ae e nang roko ke n tuangiia kamaamaten karaoan te bure nako iu.

Etekiera 30:3

i bukina ngkai ko na waekoa ni katuaaeaki! Bon anne tain te rootongitong ao te b'aka i bukiia botannaomata nako.

Ioera 1:15

Ti a reke n te kaangaanga! E nang karokoa te kabuanib'ai te UEA are Moan te M'aaka n te tai ae e aki maan.

Ioera 2:1

Katanga te bu i aon Tion are ana tabuki ae e tabu te UEA. Kauringiia aomata nako b'a a na ruru ni maaku! E nang roko ana bong ni motikitaeka te UEA n te tai ae e aki maan.

Ioera 2:31

E na okirikaki taai n rotongitong, ao nam'akaina e na uraura kaanga te raraa i m'aain kaotin te bong are e rangi ni kakamaaku arei.

Naum 1:2

E aki kariaia te UEA ae te Atua taiani buaka; E katuaaia aika a kakaitaraa. E kabooa mwin aia bure n unna.

Naum 1:6

Antai ae e kona ni maiu ngkana E un? Antai ae e kona ni maiu i m'ain uran unna? E otinako unna n ai aron te ai. A maerikiriki b'aa, ma n riki ni bubu i matana.

Naum 1:8

E kamaunaia ana kairiribai n ai aron rokon te ieka. E kamateia ake a kakaitaraa.

Teb'ania 1:15

Bongin unin te UEA, bon bongin te kanganga ma te rawaawata bongin te mauna nako ao te urubekebeke, bongin te i anroo ma te rotongitong, bongin te nubono ma te uananginang.

Tekaria 14:1

E na bon roko ana bong te UEA. Ao ngkana e roko, ao a na kaokaki b'aai ni kabane ake a anaaki mai Ierutarem ma n tib'aaki i marenaia kaaina.

Maraki 4:1

E na bon roko te bong ni motikitaeka. Ao e na riki b'a kaanga te ai ae e korakora ae kabuebue ma urana ae e kab'atataia aomata aika a kainikatonga ao aikai taani bure, b'a kaanga ai aron te b'ariko n uteute. Bon akea m'angana ke wakaana ae na tiku. Bon aei au taeka Ngai ae te UEA ae Moan te M'aaka’

Te Kaotioti 18:8

Ma ngaia ae a na roko baika kamamate i rouna n te bong ae ti te bongina, ae te aoraki ae kamamate, ma te nanokawaki ae bati, ma te rongo; ao e na kabuokaki ni kabaneaki n te ai; b'a E m'aaka te Uea ae te Atua ae motika taekana.