Itaia 13:6 - Te B'aib'ara

⁶ Kam na tang ma ni katuu ranin matami! E a roko te bong are e na karokoa iai te urub'ai te UEA ae Moan te M'aaka.

Itaia 13:6 ပူးပေါင်းရင်းမြစ်များ

Iobi 31:23

I bon aki kona ni karaoa aei, i bukina b'a I maaka Ana katuua te Atua.

Itaia 10:25

N na katoka marakin nanou iroumi n te tai ae e waekoa ao N na katuaaia i bukin aia bure nako.

Itaia 10:3

Ma tera ae kam nang karaoia ngkana kam buakanaki man katuaaeaki irouia ianena? Kam na biri ni kakaaea buokami ia? Kam na karabai ami b'ai aika a kakaawaki ia?

Itaia 13:9

N na kaota au aki nanoanga ke au aki akoi Ngai ae te UEA ngkana e roko te tai arei. N na kamaunaa te aonnaba ni marakin nanou ao taani bure naba ni kabane akana a maeka i aona.

Itaia 14:23

E na kanakoia aomata te UEA, ao e na riki te aba b'a te tabo ae e aoneinei ae nneia maan aika a aki manana.

Itaia 14:31

Kam na tang ma ni katuu ranin matami ni mataroan nako taiani kaawa. ngkami aika kaain Biritia! E a roko te bubu mai meang, ao a bane n tauraoi taiani tautia.

Itaia 2:12

E a tia te UEA ae Moan te M'aaka n rinea te bong are a na b'aka iai aomata ake a kamoamoa ao a kainikatonga.

Itaia 23:1

Aio te rongorongo man te abam'akoro ae e raroa nako ae taekan te kaawa ae e buubura are Turo: Kam na tang ngkami aika kaibuke ni m'am'ananga! A na wene n uruaki autin Turo ni kabane.

Itaia 34:2

E a rangi ni un te UEA irouia botannaomata ni kabane; E a tia ni kabuakakaia b'a a na tiringaki.

Itaia 34:8

E a tia te UEA ni katea te ririki ma te bong, are e na irantaanga iai ao n roko i Tion i bukin kamanoana.

Itaia 47:11

Ma e na oro te kabuanib'ai n akea te katauraoi ao a na aki konaa ni buobuoki m'aakan am tabunea.

Itaia 52:5

ao ngkai ai manga te botannaomata teuana e a manga uotiko nako b'a te taenikai ao bon akea naba bukina teuana. A ngirangira am taani kairiiri ni maraki, ao e karereantiaki arau n te bong teuana ma teuana.

Itaia 61:2

Aio te ririki are e E na kaota iai ana nanoanga nakoira te UEA ae te Atua ni katuaaia ara kairiribai nako. E a tia ni kanakoai te UEA b'a N na karaunanoia aika a tang,

Itaia 63:4

I karaoa aei i bukina b'a I irantaanga e a roko te tai i bukin kamaiuaia au aomata.

Itaia 65:14

A na anene ni kim'areirei, ao ngkami kam na tangi ma te uruaki n nano.

Ieremia 25:34

Bon ana nanai te UEA aomata, ao ngkami aika taani kairiiri bon taani kaawakintiibu. Ma ngkai, ai manga ami tai n tiringaki kaanga tiibu. Kam na maaenikun kaanga te b'aata te tano ae e b'aka man te buia. Ma ngaia ae, kam na rabinobino i aon te tano, n tang ma n tanginiwenei.

Ieremia 49:3

Kam na tang kaain Etibon: E na riki ami kaawa b'a b'ariko n atiibu aika a maerikiriki. Ane kam na rairaki n aki akaaka, ma a na bonotaki kawaimi. Karin kunnikai n aki akaaka i aomi ao taang, ngkami aika kaain Rab'a, i bukina b'a a na anaaki bouananti ake kam taromauri nako abaia ianena, n reitaki ma ibongana ao mataniwiin ana Tembora.

Ieremia 51:8

Ma e na rina ni b'aka B'aburon ao e na uruaki. Boni Ngai ae te UEA ae I tuangiia ianena ake a maeka ikekei ni kaangai, “Taang i bukin te kaawa! karekea te b'ainaoraki i bukin ikoakina; tao a na bae n raoiroi.”

Etekiera 13:5

A aki tuangiia aomata taekan te kangaanga ae e nang roko ke n tuangiia kamaamaten karaoan te bure nako iu.

Etekiera 21:12

Ngirangira n nanokawaki Etekiera; e kab'akaaki te kabaang i aoia Au aomata ma aia taani kairiiri. A na mate! Ma ngaia ae ko na kab'araa nanom man am kaantaninga ni kabane.

Taniera 5:26

Ao aikai nanon taeka aikanne: Te Ware, E a tia ni wareki m'aitin am bong te Atua, ao E na karokoa n tokina;

Taniera 5:9

Ao e rikirake te maaku ae e korakora iroun te uea are Beretiata n te aro are e a mainarake moana, ao a aikoa ataa te b'ai ae a na karaoia ana taani iango te uea.

Ioera 1:11

Kam na tang i bukin ara tabo n ununiki ao ara nne n aroka ni kureebe! Ai akea te uita ke te b'aare ni maiu i nanon taian tawaana.

Ioera 1:13

Taang, ngkami aika ibonga aika kam m'akuri n ana baonikarea Atuau. Kangainaa ao kabongnga ni waea te kunnikai ae e mangaingai. A na aki manga uotaki nakon ana Tembora te UEA taian angab'ai are te uita ma te wain.

Ioera 1:15

Ti a reke n te kaangaanga! E nang karokoa te kabuanib'ai te UEA are Moan te M'aaka n te tai ae e aki maan.

Ioera 1:5

Katoka mangingimi taan manging! Takaarua mani kaananau n tang; E a bane nimami te wain.

Ioera 2:1

Katanga te bu i aon Tion are ana tabuki ae e tabu te UEA. Kauringiia aomata nako b'a a na ruru ni maaku! E nang roko ana bong ni motikitaeka te UEA n te tai ae e aki maan.

Ioera 2:11

E kairiia te taanga ni buaka aei te UEA ae te Atua ae e aki konaa ni warekaki, ao a ongotaeka nakon ana kaetieti. E rangi ni kakamaaku ana bong ni motikitaeka n te aro are akea ae e konaa moana.

Ioera 2:31

E na okirikaki taai n rotongitong, ao nam'akaina e na uraura kaanga te raraa i m'aain kaotin te bong are e rangi ni kakamaaku arei.

Amota 5:18

E na bon kanganga nakoimi ngkami ake kam ukoukora ana bong te UEA! Tera raoiroin te bong anne nakoim? Bon te bong ae na rotongitong ma tiaki te ota.

Teb'ania 1:14

E a kaan ana bong te UEA, e a rangi ni kaan, ao e rangi ni waekoa! Te bong ae moan te kakamaaku n te aro are e na bon rotaki naba iai te tautia ae moan te ninikoria.

Teb'ania 1:7

E a kaan ana bong ni motikitaeka te UEA, te tai are E nang karaoa iai ana m'akuri te UEA, ma ngaia are kainab'aabu i matana. E katauraoi te UEA b'a E na anga ana aomata b'a taian karea, ao E kateirakeia kairiribai b'a ana kurib'aia Iuta.

Tekaria 14:1

E na bon roko ana bong te UEA. Ao ngkana e roko, ao a na kaokaki b'aai ni kabane ake a anaaki mai Ierutarem ma n tib'aaki i marenaia kaaina.

Maraki 4:5

I berita Ngai ae te UEA b'a N na kanakoa te burabeti are Eria i m'aain rokon te bong ae e rangi ni kakamaaku anne.

Iakobo 5:1

Ongora ngkai, ngkami akana kam kaub'ai: kam na kanenei b'anaami n tang ni korakai i bukin aaro ni karawaawata aika nangi riki nakoimi.

Te Kaotioti 18:10

A na tei mai kiraroa, b'a a maaku ni marakina; ao a na kaangai, “Ai kaawa ra, ai kaawa ra, te kaawa are kakannato are B'aburon! are te kaawa are korakora! B'a e roko motikan taekam n te aoa ae ti teuana.”