Itaia 13:22 - Te B'aib'ara

²² A na tangitang taian aiena, ao taiani kameanti man nonon nako B'aburon ao baretina ake a tamaroa. E a roko ana bong!

Itaia 13:22 ပူးပေါင်းရင်းမြစ်များ

Taian Areru 44:19

Ma Ko katikuira b'a kanga maate ngaira i buakoia maan aika aki manana; Ko kakiira n te tabo ae rotongitong.

Itaia 14:23

E na kanakoia aomata te UEA, ao e na riki te aba b'a te tabo ae e aoneinei ae nneia maan aika a aki manana.

Itaia 25:2

Ko a tia n urua nonoia ara kairiribai, ma ni katikuia ma aia kaawa ae e buubura ma te urubekebeke. Bon akea riki te b'ai ae e na manga konaa ni kateaki n te kaawa ane e buubura anne.

Itaia 32:14

E na kiitanaki te bareti, ao a na akea aomata. Ao a na riki taian nono ma taua b'a nneia n takaakaro n aki toki taian aati aika a aki manana ao nnen tawaana n uteute ake kanaia tiibu.

Itaia 34:13

A na onrake ara baareti ma nonona n taian kateketeke; bon ti taian kameanti ma aotireti aika a karaoa mwengaia ikekei.

Itaia 34:14

Ane a na kaai ni kakaaea kanaia katam'anti ao aiena, ao a na takaarua taian taimonio nakoia taian taimonio, ane a na maeka manin te tairiki i buakon b'ai aika a urubekebeke.

Itaia 35:7

Ane e na manga onikaki te tano ae e a b'atata nakon te neinei n ran, e na taorake te tano ae e m'autakataka n taiani koburake n ran. A na rikirake uteute n te tano ae m'aim'ai, ike a karaoa iai mwengaia nanai ni kamea aika a aki manana.

Itaia 43:20

A bane maan aika a aki manana ni karineai, ao ni karokoa naba taian tiakaore ao taian aure. I katauraoa te ran n taian rereua taian karaanga n ran n aaba aika a m'autakataka i bukiia au aomata aika a rineaki.

Ieremia 48:16

N na bon aki baenikai ngkai e na orea Moaba te kabuanib'ai!

Ieremia 51:33

Boni Ngai ae te UEA ae Moan te M'aaka ae Atuaia Iteraera, ao I karaoa te boraraoi aei “E na kaboraoaki B'aburon ma ni kamanatuaaki kaanga te tabo ni kaaki kun ni uita n tain te tai.”

Ieremia 9:11

Ao I ongo ana kaeka te UEA, “Ngkana e tia Au m'akuri, ao e na riki Ierutarem ao kaawan nako Iuta b'a b'ariko ni b'ai aika a uruaki ike ti taian tiakaore aika a maeka iai.”

B'aeb'aeti 4:3

E natinati te kameaanti aine, ma titebo au aomata ma taian tiakaore ake a kikitaniia buniia.

Mika 1:8

E taku Mika, “N na tanginiwenei ma ni b'aeb'aeti i bukin aei. N na nakonako n aki kaunai, ao N na aki kunnikainai b'a kaotan rawawatan nanou. N na tang n nanokawaki n ai aron te tanguoua.

Ab'akuka 2:3

Korobokiia b'a a tuai n roko tain taeka aikai, ma ana bon waekoa ni koro nanoia, ao baika I tuangko ana bane ni koro bukiia. E taraa ni kiriaria, ma tataninga b'a ana bon roko baikai, ao ana bon aki taonaki taiia.

Teb'ania 2:14

E na riki b'a nneia ni maeka nanai ni man n aekaia nako. E na maeka te aure i marenan baina aika a uruaki, man tangitang man kamamaa, ao e tangitang te reeben i matan mataroa. Ana bane n taekaki nako kain autina ake a karaoaki man taian tiira.

Te Tua-Kaua 32:35

A na reke kaiia ara kairiribai n te tai ae aki maan ao ane a na karina ni marannako ao e na waekoa n taorimwiiaki n te kabuanib'ai ae korakora.

2.Betero 2:3

I bukin aroia ni kani b'aib'ai ao ane a na karekei aia b'ai mai roumi n taeka n reirei ni kewe. E a kaman tauraoi ma ngkoa i bukiia motikan taekaia ni kabuakakaki, ao ae e teimatoa naba n tiku n taningaia te aro are a na kamaunaki iai.