Itaia 13:19 - Te B'aib'ara

¹⁹ E mimitong ao e korakora te kaawa ae e buubura ae B'aburon, kakatongaia botannaomata. Ma e na riki b'a kaanga taiani kaawa aika a buubura ake Tootom ao Komora i mwiin uruakana Irou Ngai ae te UEA.

Itaia 13:19 ပူးပေါင်းရင်းမြစ်များ

Karikani B'aai 19:24

Ao e a kab'aka naba te karau te ai ao te atiibu te UEA mai karawa i aon Tootom ma Komora

Karikani B'aai 19:25

ni kamaunaia ma te m'arua ni kabane, n ikotaki naba ma aomata ni kabane ma b'aai ni kabane ake a maiu i aon te aba.

Itaia 13:1

Aio te rongorongo ae I anga i bukin B'aburon:

Itaia 21:9

Ao ngkai I a nooriia taanga n tautia teuana ma teuana aika boorein aika taan toka i aoia aoti.” Ao e takaarua temanna ni kaangai, “E a b'aka B'aburon! a bane ni wene n uruaki taiani bouannanti i aon tano ni uruaki.”

Itaia 47:5

B'aburon, kainab'aabu! Tekateka n te roo. Ko nang aki manga butim'aeaki irouia botannaomata nako b'a aia ueanaine ngkoe.

Itaia 48:14

Bootaki i rarikiu, ngkami ni kabane! kakauongo nakon te b'ai ae N na taekinna. Iai mairouia ami bouannanti aika a kaman taekinna b'a a na riki baikai? A taekinna b'a e na karaoa te b'ai ae a tangiria raoraou nakon ae N na karaoia nakon B'aburon?

Ieremia 25:12

Ngkana e a roko n tokina te tai anne, N na manga katuaaea te uea ma ana aomata i bukin taiani kairua ni kabane ake a tia ni karaoi, ao N na manga onika te aba nakon te aba ae akea manenana n aki toki.

Ieremia 49:18

ae kaanga ai aron buakakan te urub'ai nakon ngkoa Totom ma Komora ao kaawa nako ake i rarikiia. E na akea kaain te kaawa ae Etom.

Ieremia 50:40

I urua Totom ma Komora ao kaawa nako ake i rarikiia, ao N na bon urua naba B'aburon ni kabanea raoi n ai aron naba anne. Bon akea temanna ae e na maiu ikekei.

Ieremia 51:26

E na aki kamanenaaki am buriki atiibu i bukin atiibun taiani koona ke taian aana, ao I berita b'a kam na riki b'a te rereua n aki toki. Bon aei Au taeka Ngai ae te UEA.

Ieremia 51:29

E unoraki ao e rairaki te aonnaba nakon te kamarakaki ae e korakora, i bukina ngke I iangoia b'a N na karika B'aburon b'a e na rereua ae akea ae e na konaa ni maiu iai, ao I aki konaa ni bita nanou.

Ieremia 51:41

A bane n neboa B'aburon botannaomata nako, ma ngkana e tauaki, a na maaku naba botannaomata ake a neboia akekei.

Ieremia 51:62

ao i mwiina, ko na tataro ni kaangai, “Ara UEA, Ko berita ngkoa b'a Ko na onika te tabo aei nakon te rereua ike akea aomata ke taiani man ae a na maiu iai.”

Taniera 4:30

ao e taku, “Nooria, ai korakorara B'aburon. I kateia b'a au kaawa ae atuun au tautaeka b'a kaotan korakorau ma m'aakau, ma mimitongiu, ao kakannatou.”

Amota 4:11

“I tiringiia tabem'aang mai buakomi n ai aroia I-Totom ma I-Komora. Ao ake a reke maiuia ai aron te kai ae bue ae butakinako mai nanon te ai. Ma kam bon teimatoa naba n aki kan onimakinai.” Bon ana taeka te UEA “Ma ngaia are ngkami aika I-Iteraera, N na bon katuaai ngkami ao kam na riai ni kataua motikan taekami i bukin aei.”

Teb'ania 2:9

Boni Ngai te UEA ae I maiu, te Atua ae kakawakiniia Iteraera ma ngaia ae I karaoa te berita ae e matoa b'a ana bon mate aomatan Moaba ma Ammon n ai aroia aomatan Totom ma Komora. “Ana riki abaia b'a te tabo ae e on n te kanib'anib'a n taoro ao e na bon akea ae e kona n ununiki iai. Ti uteute kain aona. Nikira ni maiu irouia au aomata a na anaa te aba anne mai nanon baiia i Moaba n te buaka, ma aia b'ai nako,” bon ana taeka te UEA.

I-Rom 9:29

Ao e taku naba Itaia, “Ngke arona b'a te UEA are Moan te M'aka. E aki kamaiuia tabem'aang mai buakoia ara koraki, ao ti na kaman tia ni kamaunaki, n ai aroni kaawa ake Totom ma Komora.”

Te Tua-Kaua 29:23

b'a e a riki b'a te rereua ae rangi ni kabuebue ae taari aona ni kabane, ao te bubu ae m'auteretere, ao akea te aroka ae e kona ni unikaki iai, akea te aroka ae kona ni bwebwee iai, ao bon akea naba te aroka ae e kona ni maiu iai. A na riki abami b'a kaanga aron maten aaba ake i rarikin kaawa ake a buubura ake Tootom, Komora, Atema, ao Teboiim i mwiin unin te UEA irouia ao E kamaunaia.

Te Kaotioti 18:11

Ao a tang man tanginiwenei taani bitineti i bukina, b'a ai akea temanna ae na manga kabooi aia kaako mai rouia,

Te Kaotioti 18:19

A kaaki te tano i aon atuia b'a a nanokawaki, ao a tang ma n tanginiwenei, ao a kaangai, “Ai kaawa ra, ai kaawa ra, te kaawa are kakannato, are a bane n reke mai iai kaub'aia te koraki ni kabane ake iai aia kaibuke i marawa, ni kaub'aina; b'a a kamaunaki kaub'aina i nanon teuana te aoa.”