Itaia 13:16 - Te B'aib'ara

¹⁶ Ane a na nooriia natiia m'aane ngkana a oreaki ma taiani b'a, a na iraeaki mwengaia, ao a na tangakoaki buuia.

Itaia 13:16 ပူးပေါင်းရင်းမြစ်များ

Itaia 13:18

A tiringiia rorobuaka n aia kanoanikatebe; e na bon akea te nanoanga ae e na nooraki nakoia ataei aika a uarereke ao naati.

Itaia 14:21

Ti na tiringiia natim m'aane b'a kaboan mwiin aia bure aia bakatibu. A na bon aki taua taekan te aonnaba ke taiani kaawa aika a buubura n taabo nako n te aonnaba.

Itaia 47:9

A na toki korakoran m'aakam n tabunea ma am b'ainikawai, ao ane e na akea buum ao a na mauna nako natim.

Ieremia 51:22

ao ai uana naba ma mm'aane ao aine, ataei ao kaara,

B'aeb'aeti 5:11

A tauia buura i aon te maunga are Tion, ao a kairoroia natira ataei n aine b'a ana anga rab'ataia i nanon kaawan Iuta.

Otea 10:14

Ma ngaia are, e na roko te buaka, ao a na uruakaki ami nono nako. Ao ami kairiribai a na karaoa nakoim te b'ai are e karaoia Tiareman nakoia kaain Beta-Arebera a na oreaki ma te b'aa tiina ma natiia ni karokoa mateia.

Naum 3:10

Ma e ngae n anne, ao a boni bane n uotaki nako naba kaain Teebe nakon te kataenikaiaki. A oroia ataei ni uaa mateia ni katawanangin nanon te kaawa. A kabaeaki n taurekereke taani kairiri, ma n tib'aaki nakoia taani kairiia taenikai.

Tekaria 14:2

Ma te moan b'ai ae e na karaoaki, E na karokoia moa botannaomata nako b'a a na buakana Ierutarem-a na iraeaki b'ain nako te mwenga, a na tauaki aine, ao a na katikitikaki iteran te botannaomata, e ngae ngke iai tabeman ake a na kariaiakaki n tiku.