Itaia 13:14 - Te B'aib'ara

¹⁴ A na bane ni biri nakoni mwengaia aomata nako, kaanga aron birin te ria ae e kakioaki, ao tiibu aika a uamaae nako ngkana akea te tia kaawakin tiibu.

Itaia 13:14 ပူးပေါင်းရင်းမြစ်များ

1.Uea 22:17

Ao e taku Mikaia, “I nanon te kaotioti are I nooria, ao I nooriia tautian Iteraera b'a a m'ananga ni katobibi i aon taian tabuki n aroia tiibu aika akea te tia kaawakiniia. Ao e taku te UEA, “Akea aia tia kairiiri taian tautia aikai. A riai n okira mwengaia ao a na aki buaka.”

1.Uea 22:36

Ao ngke e a bungitaai, ao e takaarua temanna tautian Iteraera nakoia raona ni kaangai, “Keerikaaki! Okiri mwengami.”

Itaia 17:13

Ma e ngae ngkana a rurunga kaanga te ieka ae e kakamaaku, E na tuangiia te Atua b'a a na oki rikaaki. A na riki b'a kaanga te bubu, ke kaanga te uteute ae e ukaki nako n te ang are e karabinobinoaki ri aon taian tabuki n te angibuaka.

Itaia 21:15

A kua ma ni kainano i mwiin kakioakiia irouia aia kairiribai ma taian kabaang ao taiani kainikatebe.

Itaia 47:15

Bon aikai taan kaiwa aika kam a tia ni karaoa te m'akuri ni bitineti ma ngaiia ni kabane bongini maium. Ma a bon aki ataa te tabo ae a na nako iai, a aki konaa ni kamaiungkami.

Ieremia 25:12

Ngkana e a roko n tokina te tai anne, N na manga katuaaea te uea ma ana aomata i bukin taiani kairua ni kabane ake a tia ni karaoi, ao N na manga onika te aba nakon te aba ae akea manenana n aki toki.

Ieremia 50:16

Bon akea riki temanna ae e tiku i B'aburon n ununiki ke taia uan taian tawaana. Taiani iruwa naba ake a maeka ngkoa ikekei a tia n okiri oin abaia nako, a maakuia aia taanga ni buaka kairiribai.

Ieremia 51:9

Ao a kaeka ianena ni kaangai, “Ti a tia ni kataia ni b'ainaorakiia ikoakin nako B'aburon, ma a bon aki buokaki. Nako mai, ti a okiri mwengara n oin abara nako. Bon akea te b'ai ae e tiku i B'aburon; a bane n uruaki b'aai nako.”

Naum 3:18

Te Emberoa n Aturia, a mate am mataniwi, ao a matunako am aomata aika a kakannato n aki manga uti. A uamaae nako am aomata i aon maunga, ao akea temanna ae e na kaokiia riki nakon mwengaia.

Mataio 9:36

Ngke E noriia aomata aika rangi ni bati, ao E nanoangaiia: kaanga ai aroia tiibu aika tiku n akea te tia kawakinia.

Mareko 6:34

Ngke E roko Iesu n te aba, ao E noriia aomata aika m'aiti, ao E nanoangaiia, b'a ai aroia tiibu aika akea te tia kawakiniia; ao E moanna n reireiia baika bati.

1.Betero 2:25

B'a kam tiotio nako ngkoa n ai aroia tiibu; ma kam a oki ngkai nakon te Tia Kawakini maiumi ma te Tia Tararuai.