Itaia 13:11 - Te B'aib'ara

¹¹ N na katuaaea te aonnaba ae e buakaka aei ma aomatana i bukin aia bure nako. N na kamanatuaia taani kainikatonga aika a kakamaaku aika a iowawa.

Itaia 13:11 ပူးပေါင်းရင်းမြစ်များ

Iobi 40:12

Eng, taraia, ao uotia rikaaki, kamanatuaia aomata aika buakaka n te tabo are a mena iai.

Taeka n Rabakau 11:31

Ngkana a anganaki kaniwangaia aomata aika a raoiroi i aon te aonnaba aei, ao a na bon katuaaeaki aomata ni kabane aika a iowawa man teinibaba.

Taeka n Rabakau 8:13

Ngkana ko karinea te UEA, ao ko na ribaa te buakaka. I ribaa te kamoamoa ao te kainikatonga ao te kewe ni kam'aam'ane.

Itaia 11:4

E na karaoaki raoi te eti ma te riai nakoia aomata aika a maiu ni kainano ao a tangira buokaia. Ana riki ana taeka b'a taian tua i aon te aba ni kabutaa, ao a na bane n tiringaki taani bure.

Itaia 14:21

Ti na tiringiia natim m'aane b'a kaboan mwiin aia bure aia bakatibu. A na bon aki taua taekan te aonnaba ke taiani kaawa aika a buubura n taabo nako n te aonnaba.

Itaia 14:5

E a tia ni kamanatuai m'aakaia uea ake a buakaka te UEA,

Itaia 2:11

Ngkana e roko te UEA, ao a na kananorinanoaki aomata ngkoa ake a kamoamoa, ao e na neboaki te UEA n ti ngaia.

Itaia 2:12

E a tia te UEA ae Moan te M'aaka n rinea te bong are a na b'aka iai aomata ake a kamoamoa ao a kainikatonga.

Itaia 2:17

Ngkana e roko te bong anne, ao a na bane aika a kamoamoa ni kab'akaaki. Bon ti te UEA ae e na neboaki.

Itaia 22:14

E a tia n taetae nako iu te UEA ae Moan te M'aaka n taekina te berita aei: “N na bon aki kab'arai aia bure i bukin aei, ngkai a maiu.”

Itaia 23:9

Bon te UEA ae Moan te M'aaka ae e baaireia b'a e na karokoa te mamaa ma te b'ainrang nakoia akana a karineaki irouia aomata nako n te aonnaba.

Itaia 24:21

E na katuaaia taian m'aaka ake i karawa ao uean nako te aonnaba te UEA n te bong arei.

Itaia 25:3

Ao ngkai a nang maakuko ma ni karineko botannaomata aika a korakora ma ni iowawa.

Itaia 25:5

A oroira ianena aikai kaanga korakoran kabuebuen te rereua. Ma ko bon riki b'a te nang, are e kataniira man kabuebuen taai. Ko katoka anenean te anene n tokanikai irouia ara kairiribai.

Itaia 26:21

E na otinako te UEA ao e na katuaaia aomata nako i aon te aonnaba i bukin aia bure. Ao ane a na ataaki ma ni katuaaeaki aomata aika a tia ni karaoi buure aika a korakora ngkana E waaki.

Itaia 29:20

A na bane aika a iowawa ma aika a kainikatonga n nako n aki manga oki. Ao a na mauna nako aika maiuakina te bure,

Itaia 29:5

Ao i mwiina, e na karina ni uotaki nako am kairiribai ae moan te tiritiri n ai aron baareka i nanon te angibuaka.

Itaia 3:11

Tuangiia aomata ake a aki ongotaeka iroun te Atua ni kaangai, “Kam a reke n te kaangaanga ae moan te buubura E na manga riki nakoimi te b'ai are kam a tia ni karaoia nakoia tabem'aang.”

Itaia 5:15

A tia ni kab'akaaki kaaina, ao a tia ni kamaamaaeaki aomatana ake a kamoamoa.

Itaia 65:7

Bon Ngai ae te UEA ae N na karaoia b'a a na kabooa mwiina i bukin aia bure nako ao i bukiia aia bakatibu a tia ni kab'ainrangai ngke a kabuoki taian b'aini kaboiarara i aon taiani maunga.

Ieremia 48:29

I ataa ami kamoamoa, ma aromi ao tikatikami n nakonako ma ni kainikatonga.

Taniera 4:34

E taku te uea, “Ngke e a koro itiua te ririki, ao I tararake nako karawa, ao e oki nanou. I neboa te Atua ae e m'aaka, ao I anga te karinerine ma te kamoamoa nakon teuae E maiu n aki toki. “E na tautaeka n aki toki, ao akea tokin ueana.”

Ab'akuka 2:4

Ao aio te rongorongo, “Ana bon aki tiku ni maiu aika a buakaka, ma aika a raoiroi ana bon maiu i bukin aia kakaonimaki nakon te Atua.”