Itaia 12:6 - Te B'aib'ara

⁶ Anene, ngkami kaain Tion! Bukamarua kakannaton UEAN Iteraera ae e tabu. E mena ikai te Atua b'a e na buokiko.

Itaia 12:6 ပူးပေါင်းရင်းမြစ်များ

Taian Areru 132:14

Aio te tabo ae N na maeka iai n aki toki; aio nneu ae I tangiria b'a au tabo n tautaeka.

Taian Areru 135:21

Kam na neboa te UEA i Tion, i Ierutarem are mwengana. Kam na neboa te UEA!

Taian Areru 46:5

E mena te Atua n te kaawa anne, Ao e na aki kona n uruaki; E rangi n tauraoi ni buokiia.

Taian Areru 68:16

E aera, ngkoe te maunga ae a bati tabuki bukin aom, ngkai ko tara te maunga are E rineia te Atua b'a nena ni maeka? E na maeka iai te UEA ae te Atua n aki toki!

Taian Areru 71:22

Atuau, Ko kakaonimaki nakoia am Aomata; Ma ngaia ae N na anene ma te b'ai ni katangitang n neboiko. N na katang anene n au b'ai ni katangitang nakoim, Ngkoe ae Atuaia Iteraera ae Tabu.

Taian Areru 89:18

Boni Ngkoe, te UEA, ae Ko rinea ae na kamanoira; Boni Ngkoe, Atuan Iteraera ae tabu, ae Ko anganira ara uea.

Taian Areru 9:11

Kam na anenea karaoiroan te UEA are maeka i Tion! Kam na tataekin ana M'akuri i buakoia botannaomata.

Taian Areru 99:2

E kakannato te UEA i Tion ao e rietaata i aoia botannaomata nako.

Itaia 1:24

Bon te UEA Ngai ae Moan te M'aaka, ae te tia tautaekana Iteraera ae e korakora, ao I karaoa au berita nakoimi ae e kaangai: Bon au kairiribai ngkami ngkai, ao N na kaota uniu nakoimi ni kaoka kaiu iroumi.

Itaia 10:24

E taku ngkai te UEA ae te Atua ae Moan te M'aaka nakoia ana Aomata i Ierutarem: A oroingkami kaain Aturia n taiani kai ma ni kabuakakaingkami, n aron are a karaoia kaain Aikubita. Ma kam na aki maakuia.

Itaia 24:14

A na takaarua aomata ake i maeao; a na neboa teuare E Karineaki ma te kukurei.

Itaia 24:23

A na kaai ni kamaamaaeaki ma ni kab'ainrangaki nam'akaina ma taai. E na tautaeka te UEA ae Moan te M'aaka i aon te Maunga are Tion i Ierutarem, ike e na kaota iai nakoia ana taan tautaeka kamimiin mimitongina.

Itaia 30:19

Kaain Ierutarem, kam a aki riai ni manga tang riki. E akoi te UEA ao ni bon te tai naba are E ongo iai tangimi n tangira buokami, ao e a roko naba.

Itaia 33:21

E na mena i rarikira ara UEA ae e kamimii! A na iai taian karaanga aika a iabuti ao taian karaanga aika a uarereke aika a aki konaa n roko iai aia kaibuke ara kairiribai.

Itaia 33:24

Ane e na kab'arai ami bure te UEA ao ane a na akea mai buakomi ae e na kaangai, “Kaanga I aoraki.”

Itaia 40:9

Bon iai te rongorongo ae e raoiroi i bukin te kaawa ae e buubura ae Tion Takaaruaia n tokin korakoran b'anaam mai taubukin te maunga ae te kabanea n rietaata ni maunga. Ko na aki maaku n takaarua nakon kaawan nako Iuta, “E mena te Atua ikai!”

Itaia 41:14

Kaain Iteraera kam na aki raraoma, ngkana a kaangai tem'angina, Bon ti te m'ata Iteraera!” Bon Atuan Iteraera ae e tabu Ngai, ae E kamaiuko ma ni kaawakiniko.

Itaia 41:16

Ane e na kamaaenakoia te ang ae e korakora nakon taabo aika a kakaokoro. Ao i mwiina, kam na karaoa ami bootaki ni kukurei ibuku ao kam na neboai, Ngai ae ami UEA, ae Atuaia Iteraera ae e tabu.

Itaia 49:26

E na karaoia aomata aika a iowawaa aikai b'a a na bon kana irikoia ao a na mooi boni man raraaia. Ao ane a na ataai aomata nako b'a bon ara Tia kamaiu te UEA; Atuan Iteraera ae Moan te M'aaka are e kamaiuia ana aomata.

Itaia 54:1

Anene n taakarua; e ngae ngkana ko tuai mani kariki! E a tia ni berita te UEA nakoim b'a a na manga reke riki natim nakon temanna ae e a tia ni mare n te tai ae e a maan.

Itaia 60:16

Ko na atiki kaub'aia uea ma botannaomata nako. Ane ko na ataai b'a te UEA Ngai ae e m'aaka ae Atuaia Iteraera, ae I a tia ni kamaiungkami.

Itaia 8:18

Ngai ma natiu bon taian kanikina ni kauring nakoia Iteraera mai roun te UEA ae Moan te M'aaka, are e maeka n te Maunga are Tion.

Ieremia 10:6

Ara UEA, ae E korakora ma ni m'aaka bon ti Ngkoe te Atua.

Etekiera 35:10

Kam taku b'a ami b'ai te botannaomata ae Iuta ao Iteraera, ao ko konaa n taua taekan abaia. Ma bon Atuaia Ngai,

Etekiera 39:7

A na ataai Au aomata aika Iteraera, ao a na aki manga oki ni kamatauningaa Arau. A na bane aomata ni kabane aika i aon te aonnaba n ataai b'a bon te UEA Ngai ae Atuaia Iteraera ae I tabu.

Etekiera 43:7

Etekiera ae natin te aomata, bon Au kaintokanuea te Tembora i aon te aba. N na maeka i buakoia Iteraera ikai n aki toki. A na aki manga oki ni kamatauningaai ngaiia ma aia uea n taromauri taian bouannanti ni baangotan te aba ke ni katei taian kanuringa i bukiia aia uea aika a tia ni mate.

Etekiera 48:35

Ao aran te kaawa ae e boou bon “E mena ikai te UEA.”

Etekiera 48:8

E na riki maiakin te aba are Iuta maiaki b'a te m'akoro n aba ae e kaokoroaki. E na riai n reke ab'akina ae 12.5 te miita, ao rababana e na biri man tian Iteraera maeao are i mainiku nakon Taari are Mereterenian. E na riai ni mena au Tembora n te m'akoro n aba aei.

Otea 11:9

Iteraera, I aki konaa ni kabua nanou ni marakin nanou ma ni manga uruaniko riki. Bon te UEA Ngai ae I tabu tiaki Ngai te aomata, I aki konaa ni katutuka marakin nanou.

Ioera 2:27

Iteraera, kam na ataia b'a I tei i bukimi. Bon te UEA Ngai ae Atuami akea riki anti tabem'aang. Kam na aki manga kamamaaeaki.

Teb'ania 2:5

Ngkami i Biritia aika kam nimamate, ngkami aika kam maeka i rarikin taari E a tia bairean taekam iroun te UEA. E na tiringi ngkami, ao bon akea ae na tiku ni maiu.

Tekaria 2:5

E a tia ni berita te UEA i bon i rouna b'a E na riki b'a te oo te ai ni kaawakina Ierutarem, ao e na riki b'a te mimitong ae e raneanea i nuukan te kaawa.”

Tekaria 2:9

Ma ngaia are, E na kaakingkami nako nanoni baiia ami toro, ao a na kurib'aingkami ma ni kimoaingkami. Ao i mwiina, kam na ataia iai b'a ana burabeti te UEA ae Moan te M'aaka ngai.

Warekaia Iteraera 23:21

Bon te UEA ae te Atua aia Uea Iteraera. E maeka ma ngaiia ikekei, ao E aki kona ni karaoa te b'ai teuana ae buakaka nakoia.

Te Tua-Kaua 23:15

Ngkana a roko i aon Iteraera tooro aika birinako man aaba tabeua i bukin kamanoaia, ao kam na aki anga nakoia aia toka.