Itaia 12:5 - Te B'aib'ara

⁵ Ti na anenea neboam i bukin am m'akuri aika a kamimii n taabo nako n te aonnaba aio.”

Itaia 12:5 ပူးပေါင်းရင်းမြစ်များ

Taian Areru 105:2

Anene nakoina, anenea karaoiroana: Taekini baika kamimii ake E a tia ni karaoi.

Taian Areru 72:19

Kamoamoa n aki toki arana ae mimitong! E bia buta aonnaba ni mimitongina. Amen! Amen!

Taian Areru 98:1

Kam na anenea te anene ae boou nakon te UEA; B'a E a tia ni karaoi baika kamimii! E reke i rouna te tokanikai n oini m'akana n Atua ao ni korakorana.

Te Otinako 15:1

Ao a anenea te anene aei Moote ma Iteraera nakon te UEA: “N anene nakon te UEA i bukina ngke E a tia n reke i Rouna te tokanikai ae kakannato; E a tia n karenakoia taian aoti ma taan toka i aoia nako nanon taari.

Te Otinako 15:21

Ao e anene Nei Miriam nako ia: “Anene nakon te UEA b'a E a tia ni karekea te tokanikai ae mimitong; E a tia n tewenakoia taian aoti ma taan toka i aoia aoti i taari.”

Itaia 24:14

A na takaarua aomata ake i maeao; a na neboa teuare E Karineaki ma te kukurei.

Itaia 40:9

Bon iai te rongorongo ae e raoiroi i bukin te kaawa ae e buubura ae Tion Takaaruaia n tokin korakoran b'anaam mai taubukin te maunga ae te kabanea n rietaata ni maunga. Ko na aki maaku n takaarua nakon kaawan nako Iuta, “E mena te Atua ikai!”

Itaia 42:10

Tuanga te aonnaba ni kabane b'a e na anenea te anene ae e boou nakon te UEA! Tuangiia akana a ieie i marawa ao akana a maeka n taabo aika a raroa b'a a na ira te nebonebo.

Itaia 42:11

Tuangiia baronga akana n te rereua ao aomata akana i aon taiani maunga b'a a na bootaki ni kukurei ao n anene.

Itaia 44:23

Kam na tuangiia taiani karawa ma aonaaba b'a a nang moana aia anene! Tuangiia taiani maunga ao taian aroka ni kabane n te buakonikai b'a a na ira buakon te anene! E a tia te UEA ni kamaiuia ana Aomata; ao ngkai a nang taromauria.

Ab'akuka 2:14

Ao e na onrake te aonnaba n ataakin mimitongin te UEA n ai aron taari ae e kaona marawa.

Maraki 1:11

E neboaki arau man te karangaina ni karokoa te airoo irouia botannaomata ni kabane n te aonnaba, ngkana a kabuoka te b'ai ni kaboiarara ma n anga te karea ae e boni kaantaningaaki nako iu.

Te Kaotioti 15:3

Ao a anenea ana anene Mote are ana toro te Atua, ma ana anene te Tiibuteteei, ao a kaangai, “Te Uea ae te Atua, ae Moan te M'aaka, A kakannato am m'akuri ao a kamimii! A eti ma ni koaua arom, Ngkoe ae aia Uea botannaomata!