Itaia 11:16 - Te B'aib'ara

¹⁶ Ao e na karekea te kawai ae e tamaroa mai Aturia i bukiia ana aomata ake nikira ni maiu, n aron te kawai naba ae e tamaroa ngkoa i bukiia aia bakatibu ngke a kiitana Aikubita.

Itaia 11:16 ပူးပေါင်းရင်းမြစ်များ

Te Otinako 14:22

ao a nakonako Iteraera i nanon taari i aon te tano ae m'au, ao taari, a tei kaanga taian o n itera ake uoua.

Itaia 1:9

E na riai n tia ni mauna nako Tion kaanga Tootom ma Komora,

Itaia 10:20

E na roko te tai are a na ti onimakina UEAN Iteraera ae e tabu nikira ni maiu ake a roko mai Iteraera ao Iuta, n onea mwiin onimakinaia botannaomata ake a konaaki irouia.

Itaia 11:11

Ngkana e roko te bong arei, ao e na manga arora baina ae e m'aaka te UEA ni kaokiia ana Aomata nakoni mwengaia ake taian nikira ni maiu mai Aturia, Aikubita, Bateroti, Itiobia, Eeram, Tina. Amata, ao te aba are i mataniwiin taari.

Itaia 19:23

Ane e na iai te kawai ae e raoiroi ae e biri mai Aikubita nako Aturia. Ane a na m'am'ananga iai kaain Aikubita ma kaain Aturia mai Aikubita nako Aturia, ao a na kaai n taromauri.

Itaia 27:13

E na ongo te aba tangin te bu ae e tangi m'aaka. Ao i mwiina, a na oki n taromauria te UEA i aon ana maunga ae e tabu i Ierutarem aomatan Iteraera ake a uaakinaki nako ngkoa nako Aturia ao Aikubita.

Itaia 49:11

N na kaboraoi taiani maunga ao ni karaoi taiani kawai;

Itaia 49:12

Ao i mwiina, a na oki au aomata man aaba aika a raroa mai meang ao maeao ao man te kaawa ae e buubura are Tiene.

Itaia 51:10

Bon tiaki ngkoe ngkoa are ko kaoraa taari are e nano ao ko karaoa te kawai i bukiia am Aomata are a na toua ma ni kaawakinaki raoi iai i nanona ni karokoia n iterana are teuana?

Itaia 57:14

E taku te UEA, “Kaitiaka te kawai! Katauraoia i bukiia au aomata.”

Itaia 62:10

Kaain Ierutarem, kauki mataroan ami kaawa nako! Manga karaoa te kawai nakon te kaawa ao kaitiakia ni kanakoi taian atiibu; irakea te man ni buokiia botannaomata b'a a aonga n noora kawaia.

Teb'ania 2:7

Aomatan Iuta ake nikira ni maiu a na maekana te aba. Ana kam'arakeia aia nanai ikekei ao ana matu n autin Atikeron. Te UEA ae te Atua E na memena irouia ao E na manga kaoki kab'aiaia.