Itaia 11:14 - Te B'aib'ara

¹⁴ Ma a nang ikoikotaki ni buakana Biritia i maeao. Ao i mwiina, a na kataenikaia kaain Etom, kaain Moaaba, ao kaain Ammon ake i mainiku. A na tautaekaniia aomata aikai ma n anai mairouia b'aai ake a tangiri.

Itaia 11:14 ပူးပေါင်းရင်းမြစ်များ

Itaia 14:29

Kam na aki kukurei kaain Biritia ti i bukina ngkai e a uruaki te kai are kam oreaki iai. E na manga riki te kai b'a te naeta ae moan te boitin, ao i mwiina, e a manga riki b'a te raakon ae te ai rab'atana ae e kibakiba.

Itaia 15:1

Aio te rongorongo i bukin Moaaba: A kamaunaaki kaawa aika Are ao Kiri n te tairiki. E tiku n urubekebeke Moaaba!

Itaia 16:14

Ao e taku ngkai, “E raoiroi ae ti tenua te ririki maanin aia tai taani m'akuri ake a kabooaki, ma e na bon aki maan riki nakon anne mimitongin ma kakannaton Moaaba. A na ti tabeman aomatana n tiku ni maiu, ma a na tiku n akea aroia.”

Itaia 25:10

E na kaawakina te maunga aei bain te UEA ae e m'aaka. Ane a na kab'akaaki kaain Moaaba ma ni booketaketa kaanga taian b'ab'ati ni uteute i nanon te m'arua i bukin nakotariia maan.

Itaia 33:1

Ko konaiia au aomata. Ko a reke n te kangaanga! Ko tuai man ururuakaki, ma ko nang uruakaki; ko tuai man kam'aneaki; ma ko nang kam'aneaki. Ngkana e a bane am uruuru ma am kam'aam'ane, ao ko nang manga uruakaki ma ni kam'aneaki n aron anne.

Itaia 59:19

E na buaka kaanga te ieka i nanon te angibuaka ae e korakora. Ane a na karinea ma n neboa arana ae e kamimii botannaomata ake i maeao ao i mainiku.

Itaia 60:14

A na bane ni katorobubua i matam aia kariki am kairiribai ake a ribaiko ma ni karaoa ae aki raoiroi nakoim. A na kaangai, “Bon Tion ngkoe, are ana kaawa te UEA, are Atuaia Iteraera ae e tabu.”

Itaia 63:1

Antai ae aei ae roko mai Botira i Etom ma kunnikaina ae e kakiriurauraaki? Antai te aomata ae e kakannato aei ae e m'ananga ma ana kaboraoi ae e mimitong?

Itaia 9:12

E kanakoia kaain Turia mai mainiku ao kaain Biritia mai maeao ao a kab'auta Iteraera. Ma e bon aki toki naba unna n anne, ma ngaia are, e bon waakina nako naba katuaeakiia.

Ieremia 40:11

I nanon te tai anne, a bane n ongo Iteraera ake a mena i Moaba, Ammon, Etom, ao n aaba ake tabeua ae e a tia uean B'aburon ni kariaia tabeman Iteraera b'a a na tiku i Iuta ao e karika Ketaria b'a aia tia tautaeka.

Ieremia 48:40

Moaba, e kiba rikaaki te kairiribai kaanga te ikare ae e taakin baina i aon abami.

Ieremia 49:2

A na roko boong are N na kanakoa iai te taanga ni buaka b'a e na buakana Rab'a, are ami kaawa n tautaeka. E na tiku n uruaki, ao a na wene ni mannang kaawa aika a uarereke ake i rarikina nako. Kam anai tabeua abaia Iteraera, ma n te bong arei a na anai ami b'ai Iteraera.

Ieremia 49:22

A na kiba rikaaki aiam ni buakaniko kaanga te ikare ae e taakin baina ni kiba ma ni kibakiba i aon Botira. Ane a na tauaki n te maaku am taani buaka.

Ieremia 49:28

Aio te b'ai are e taekinna te UEA i bukin baronga are Keta ao kaawa aika a uarereke n te rereua ake a tauaki i roun Uean B'aburon are Nebukaneta: ake a tia n tauaki i roun uean B'aburon are Nebukaneta Ongo, ngkami aika kaain Keta ma baronga ake te korakina ake n rereua i mainiku. I a tia n tuanga Nebukaneta b'a e na buakaningkami ma ni kamaunaingkami.

Etekiera 25:14

N na kanakoia oin Au aomata b'a a na karekea kaiia kaain Etom n te aro b'a a na namakina korakoran uniu. Ao a na ataai b'a bon te UEA Ngai ae te Atua ngkana I katuaaia.”

Taniera 11:41

Ao e na ekaanako man taua naba te Aba ni Berita, ao n tiringiia tebwina tengaa, ma a na biri nako kaain te aba are Etom, Moaaba ao nikiraia kaain Ammon.

Ioera 3:19

A iowawa ma n akiako Aikubita ma Etom, n te aro ae akea bukina. Ngkai a na riki abaia b'a taian rereua aika akea b'ain aona,

Amota 9:12

b'a a na manga rawea nikiran aban Etom aomatan Iteraera b'a abaia, ao a na tautaekaniia botannaomata b'a Au aomata. Bon Ana taeka te UEA ae E na karaoi baikai.

Ab'akuka 1:8

“A birim'aaka riki aia aoti nakoia reeb'ari, a tiritiri nakoia kameanti aika a baki. A roko aia taan toka i aoia aoti man aaba aika a raroa. A nimta te tano ukin waeia aia aoti. A biri rikaaki n ai aron te ikare ngkana e na rawea kanana.

Teb'ania 2:5

Ngkami i Biritia aika kam nimamate, ngkami aika kam maeka i rarikin taari E a tia bairean taekam iroun te UEA. E na tiringi ngkami, ao bon akea ae na tiku ni maiu.

Teb'ania 2:7

Aomatan Iuta ake nikira ni maiu a na maekana te aba. Ana kam'arakeia aia nanai ikekei ao ana matu n autin Atikeron. Te UEA ae te Atua E na memena irouia ao E na manga kaoki kab'aiaia.

Teb'ania 2:9

Boni Ngai te UEA ae I maiu, te Atua ae kakawakiniia Iteraera ma ngaia ae I karaoa te berita ae e matoa b'a ana bon mate aomatan Moaba ma Ammon n ai aroia aomatan Totom ma Komora. “Ana riki abaia b'a te tabo ae e on n te kanib'anib'a n taoro ao e na bon akea ae e kona n ununiki iai. Ti uteute kain aona. Nikira ni maiu irouia au aomata a na anaa te aba anne mai nanon baiia i Moaba n te buaka, ma aia b'ai nako,” bon ana taeka te UEA.

Warekaia Iteraera 24:17

“A tuai koro bukin baike I noori n te kaotioti, Ma n te bong teuana ane e na kaoti uean Iteraera b'a kaanga te itoi. E na kamaunanakoi ngkami kaain Moaba ma ni kamaunaia baronga aikai kam maeka n te rereua.

Mataio 8:11

Ao I taku nako imi, b'a a na roko aomata aika bati mai mainiku, ao mai maeao, ao a na tekateka n rarikiriki n am'arake ma Aberaam, ma Itaaka, ma Iakob'a, n Uean te Atua;

Tani Motiki-taeka 6:3

Ni katoa te tai are a ribanai arokaia iai Iteraera, ao a aki toki n roko kaain Miiria ni buakaniia ma kaain Amareka ao botannaomata ake i mainiku.