Itaia 11:12 - Te B'aib'ara

¹² E na anga ana kanikina nakoia botannaomata akanne, ao e na manga ikotiia taan rawei maiuia mai Iuta, ake a tia ni uamaae nako i aon te aonnaba ni kabutaa.

Itaia 11:12 ပူးပေါင်းရင်းမြစ်များ

Taian Areru 107:3

Ake E kaokiia man taabo nako: mai mainiku ao mai maeao, mai meaang ao mai maiaki.

Taian Areru 147:2

E a kaokaki Ierutarem nakon arona are rimoa iroun te UEA; E a kaokiia ake a tia n riki b'a taenikai.

Taian Areru 60:4

Ko a tia ni kanakoa am Taeka ni Katauraoi nakoia ake iai karineam irouia, b'a a aonga ni maiu man te kabuanib'ai ngkana e roko.

Taian Areru 68:22

E kaangai ana taeka te Uea, “N na kaokiia ami kairiribai mai Batian; N na kaokiia mai kabini marawa,

Itaia 11:10

E na roko te tai are e na anga iai te kanikina nakoia aomatan te botannaomata b'a a na ikotaki. A na iri ana kaetieti, ao a na tanoata taekaia ake bon oin ana botannaomata.

Itaia 18:3

Kaain te aonnaba aei ni kabane, kakauongo raoi! E na kanakoaki te kanikina i aon taian maunga, ao ane kam na ongo tangin taiani buu.

Itaia 24:16

E na ongo te aba taian anene n nebo i bukin ana motikitaeka ae eti te Atua. Ma e rangi ni korakora ma n aki rau n te rawaawata n nano. Bon iai ae e konaa n onimakinaki? Bon angiina taani kewe!

Itaia 27:13

E na ongo te aba tangin te bu ae e tangi m'aaka. Ao i mwiina, a na oki n taromauria te UEA i aon ana maunga ae e tabu i Ierutarem aomatan Iteraera ake a uaakinaki nako ngkoa nako Aturia ao Aikubita.

Itaia 43:6

N na kaangai nakon meang ao maiaki, “Kainaomataia natiu m'aane ma natiu aine! kaokiia man aaba aika a raroa.

Itaia 49:22

E taku te UEA ae te Atua: “N na anga te kanikina n te tai ae e waekoa nakoia botannaomata nako b'a a na kaokiia natimi m'aane ao natimi aine nako nanoni bain Ierutarem.

Itaia 49:5

E a kaman rineai te UEA ae te Atua i m'aain bungiakiu b'a N na m'akuri i bukina ao ni kaokiia Iteraera. Ma ngaia are, e a tia ni karineai te UEA ma ni kakorakoraai.

Itaia 54:7

I katinanikuingkami ngkoa, ma ngkai I a manga rab'atiko naba n au tangira ao nanou.

Itaia 56:8

I berita Ngai ae te UEA b'a N na ikotiia au aomata ake a uotaki nako kiraroa, ma ni manga bootia ma ake tekorakina.

Itaia 59:19

E na buaka kaanga te ieka i nanon te angibuaka ae e korakora. Ane a na karinea ma n neboa arana ae e kamimii botannaomata ake i maeao ao i mainiku.

Itaia 60:4

Kauki matam! Taratara nako! A roko taian aomata. I aoni kawaia natimi m'aane n roko man taabo aika a raroa nako; ao a uotaki natimi aine kaanga ataei aika a uarereke.

Itaia 62:10

Kaain Ierutarem, kauki mataroan ami kaawa nako! Manga karaoa te kawai nakon te kaawa ao kaitiakia ni kanakoi taian atiibu; irakea te man ni buokiia botannaomata b'a a aonga n noora kawaia.

Itaia 66:19

man kakoauaan te b'ai ae I konaa ni karaoia. N na karokoia taiani nikira ni maiu mai Taretiti, Bura, Ruuta, Meteka, Tubara, Iawan, ni karokoa abam'akoro ake a raroa nako. N na kanakoia b'a a na katanoataa mimitongiu ae e kamimii nakoia botannaomata nako aika a tuai man ongongo taekau.

Ieremia 23:3

N na kaokiia ni kabane Au aomata nakon mwengaia man aaba ake I a tia ni kamaaenako ia nako iai, ao a na rikirake b'a te botannaomata ae e korakora.

Ieremia 30:17

Akea ae e tangiria n riki b'a raoraomi ke n tabe n te b'ai ae e riki nako imi. Ma N na kamaoi ikoakimi, ao kam na manga marurung.

Ieremia 50:4

E taku te UEA: Kaain Iteraera ma Iuta, Ngkana a riki baikai ao kam na tang, ao kam na kaai n okira abami n taromauriai, Ngai ae te UEA ae Atuami.

Ieremia 51:12

Irakea te buraeki are te kanikina ao buakana oon nako te kaawa. Kateirakeia riki taan tei aika a bati. Tuangiia tautia b'a a na tararuaa te kaawa ma ni katea te taanga ni buaka ni bakairaa. I a tia ni karaoa te kawai i bukin uruakakin B'aburon, ao akea te b'ai teuana ae e na konaa ni katokai.

Etekiera 28:25

E taku te UEA ae te Atua: N te bong teuana N na ikotiia Iteraera mani botannaomata nako ake e uamaae nako i buakoia, ao a na bane n nooria botannaomata b'a I tabu. A na manga maeka riki Iteraera n te aba are I angan Au toro ngkoa are Iakob'a.

Otea 1:11

A na manga ikotaki Iteraera ma Iuta ao a na rinea aia tia kairiiri ti temanna. Ao i mwiina, a na kaoki abaia, ao e na riki te bong aei b'a ana bong Ietireera ae e kakannato.

Otea 2:2

Bukinna! Bukina tinam! Ai tiaaki buu, ao ai tiaki buuna Ngai ae te UEA. Butiia b'a e na katoka arona n riki b'a ainen matawa ma ana aki kakaonimaki nakon buuna,

Teb'ania 3:10

Ake a raroa i Itiobia ake au aomata ake a uamaae nako; ana uotii mai naba aia karea nako iu.

Tekaria 10:6

N na kakorakoraa te abanuea are Iuta ao Iteraera. Ao N na kaota te akoi i bukina b'a bon te UEA Ngai ae Atuaia. N na kaekai aia tataro ma ni kaokiia nakon mwengaia. Ao e na taraa n ae I tuai man katinanikuia.

Tekaria 8:7

N na kamaiuia aika a anaaki nakon aaba ake i mainiku ao i maeao,

Ioane 7:35

A taku I-Iutaia ngkanne i bon i rouia, “E nga te tabo ae E na nako iai ngkai E na aki reke iroura? E na nako n aia kaawa I-Erene ike a maeka iai kaain ara botannaomata, b'a E na reireiia I-Erene?

Te Tua-Kaua 32:26

I tangiria ni kamaenakoingkami b'a e aonga n aki ataaki b'a kam boni maeka ngkoa ikanne.

Iakobo 1:1

Mairoun Iakobo, ae ana toro te Atua ma te Uea are Iesu Kristo; nakoia ana aomata nako te Atua ake a uamaae i aonnaba; kam na mauri.

Te Kaotioti 5:9

Ao a anene n te anene ae boou, ao a anene ni kaangai, “Ko riai n anaa te niira ni boki ma ni kanakoi b'aini kanim'ana ake kanikina. B'a Ko kamateaki; ao Ko kamaiuia aomata n raraam b'a ana b'ai te Atua mai buakoia baronga nako, ma reeti n aomata nako, ma aomata nako aika a kakaokoro aia taetae,

Te Kaotioti 7:1

Ao i mwin arei ao I noriia anera aika aman b'a a tei ni maninganingan aonnaba, ake maninganingana ake aua, ao a tau angin aonnaba, ake aang ake aua, b'a e na aki uki te ang i aonnaba, ao i marawa, ao e na aki uka te kai tekaina n neakinna.