Itaia 10:9 - Te B'aib'ara

⁹ A tia ni konaaki kaawan nako Kareno, Karekemiti, Amata, Arebata, Taamaria, ao Tamateko.

Itaia 10:9 ပူးပေါင်းရင်းမြစ်များ

Karikani B'aai 10:10

A reke ngkoa i nanon abana B'aburon, Ereka, ao Akata, a bane ni mena ni katenua i nanon B'aburon.

2.Tamuera 8:9

A tia ni kairiribai te uea are Toi mai Amata ao te uea are Atatetera. Ma ngaia are, ngke e ongo Toi ae e a tia Tawita ni kataenikaia ana taanga ni buaka ae e b'anin Atatetera, e a kanakoa natina te m'aane are Ioram n angan Tawita te kaaitau.

2.Uea 16:9

Ni bon te tai naba are e reke iai te rongorongo iroun Tikerata Biretia, ao e a m'ananga naba ma ana taanga ni buaka nako Turia. E taua te kaawa n tua are e buubura are Tamateko, ao i mwiina, e anaiia aomata ake a maeka n te kaawa arei nako Kira b'a taian taenikai, ao e tiringa te uea are Retin.

2.Uea 17:24

E anaiia aomata ake a maeka ni kaawa aika a buubura ake B'aburon, Kuta, Awa, Amata, Tebarawaim uean Aturia, ao e kairoroia b'a a na m'ae nako Iteraera. A taui kaawa ake a maeka iai Iteraera, n reitaki ma kaawan te tautaeka ae e buubura are Taamaria.

2.Uea 18:34

Tera ae e riki nakoia antin Amata ma Arebata? Ao tera aroia naba antin Tebarewaim, Ena ao Iwa? A konaa antin Taamaria ni kaawakina abaia mairouia ana taanga ni buaka Aturia?

2.Rongorongo 32:14

Bon akea mai buakoia anti aikai a kamaiuia aia aomata mairoun uean Aturia. Ao ngkami, kam taku b'a e konaa Atuami ni kamaiungkami?

2.Rongorongo 35:20

Tabeua te tai i mwiina, ao e a kairiia ana taanga ni buaka uean Aikubita are Neko nakon te kaawa ae e buubura are Karekemiti n te karaanga are Iuberetiti. Ao e kairiia ana taanga ni buaka Iotia nakoiang ni kawara ana taanga ni buaka Aikubita.

Itaia 10:8

E taku Uean Aturia: Bon taiani uea au mataniwi n te taanga ni buaka!

Itaia 17:1

Aio te rongorongo ae taekan Tamateko: Ko a reke n te kabuanib'ai Tamateko! E na roko n tokina are te uruaki.

Itaia 17:3

A na mauna ana nono nako Iteraera E na mauna nako abanuean Tamateko; a na rangi ni kainano taiani nikira ni maiu iai kaanga aron are e riki nakon Iteraera. E a tia ni berita i bukin aei te UEA ae Moan te M'aaka.

Itaia 33:8

Akea riki ae e a manga m'am'ananga; akea kaain taiani kawai. A uruaki taian boraraoi i bukin te rau ao akea aaro ni karinerine aika kaotaki nakoia aika kawakin berita.

Itaia 36:19

Tera ae riki ngkai nakon antin Tebarewaim? A konaa ni kamaiua abaia kaain Tamaria mairouia tautian Aturia?

Itaia 37:11

Ko bon ongo taekara ngaira aika uean Aturia ngke ti kamaunaia botannaomata ake tabeua. Ao tera ngkanne ae ko taku b'a ko rangi ni mano iai.

Itaia 37:13

A tia naba ni mauna Amata, Arebata, Tebarewaim, Ena, ao Iwa.

Itaia 7:8

Bon ana kaawa n tautaeka Turia Tamateko, ao e tautaeka te Uea are Retin i Tamateko. Bon ana kaawa n tautaeka Iteraera Taamaria.

Ieremia 46:2

N ana kaaua n ririki ni uea Ieoiakim i aon Iuta, e a taenikai uean Aikubita are Neko i roun Uean B'aburon are Nebukaneta n te buaka n te kaawa are Kakemiti i rarikin te Karaanga are Iuberetiti. Ao aei are E tuangai te UEA b'a N na taekinna i bukin ana taanga ni buaka Aikubita:

Ieremia 49:23

E taku te UEA i bukin Tamateko: A a tia n ongo rongorongom ae e aki raoiroi ni kaawa aika Amata ao Arab'ata. A a tia ni bua aia kaantaninga, ao e a taoniia te nanououa kaanga ai aron naon marawa.

Etekiera 47:16

Berota, ao Tiberaim, are bon te tia i marenan taian tautaeka aika uoua aika Tamateko ao Amata. E na toki te tia i Atera Atikon, are bon tian Auran.

Ab'akuka 1:10

A mata ni kakanikoia Uea, ao a ngareakiniia ake a rietaata nakoaia. Bon akea te nano ae e na kona n totokoia, b'a a katabukirake taano i rarikiia ao a taua.

Warekaia Iteraera 34:8

Ao i mwiin anne, e na manga biri nakon Rebo Amata, ao rinukan Tetata, are boni ngaia tokin abami mai meang.