Itaia 10:6 - Te B'aib'ara

⁶ n oreia ni kab'akaia ngkami aomata aika taan onimakiniia anti. I un iroumi, ao N na kanakoia b'a a na buakaningkami. E na anai b'aai aika e tangiri ao e na toubekaingkami kaanga taiani bokaboka ake i nanon kawain nukan te kaawa.

Itaia 10:6 ပူးပေါင်းရင်းမြစ်များ

2.Tamuera 22:43

I taobekaiia i buakon te tano, ao I kamanatuaia kaanga te bokaboka i nanon kawain nako nuukan te kaawa.

2.Uea 18:25

Kam na aki m'aninga are bon te UEA ae E kanakomaiai b'a N na kamaunaa ami botannaomata.”

Itaia 19:17

A na rangi ni maaku i Iuta n te aro are a rootaki naba n te maaku ti ngkana a ongo arana. E na riki i bukin te b'ai are e na karaoia te UEA ni kaaitaraa Aikubita.

Itaia 22:5

E a tia te UEA ae Moan M'aaka n rinea te tai are e na kaonaki iai te M'arua are Kaotioti n taian takaarua ao taiani kamangaongao, ao te tai naba ni butiia taiani maunga b'a a na buokiia.

Itaia 24:5

E a kam'araa te aonnaba i bukiia aomatana aika a aki ongotaeka nakon ana tua nako te Atua, ma n urui aia booraraoi are akea tokiia.

Itaia 29:13

E a tia ni kaangai te UEA: “A neboai aomata aikai n aia taeka ma bon akea raoi nanoia i Rou. A taromauriai ni kakaokioki taian tua ake a karaoaki i rouia aomata.

Itaia 32:6

A taetaekin taeka aika a nanobaba aomata aika a nanobaba. A aki toki ni kaakaraoi babaaire ao ni m'akuri b'aai aika a bure, ma ni karaoa aia kewe i bukin te UEA, ma ni kariaia b'a a na mate ni baki aika a akea kanaia, ma n aki anga te mooi nako ia akana a mate n taka.

Itaia 33:1

Ko konaiia au aomata. Ko a reke n te kangaanga! Ko tuai man ururuakaki, ma ko nang uruakaki; ko tuai man kam'aneaki; ma ko nang kam'aneaki. Ngkana e a bane am uruuru ma am kam'aam'ane, ao ko nang manga uruakaki ma ni kam'aneaki n aron anne.

Itaia 33:14

A titiraki ma te maaku taani bure aika a buakaka ake a maeka i aon te Maunga are Tion, “Ti nang kangaa ni maeka i buakon te urarake ae akea tokina?”

Itaia 41:25

Boni Ngai ae te UEA ae I rinea te tia tautaeka are i meang; ao ngkai e a roko mai mainiku b'a e na neboa arau. E na toubekaia taiani uea kaanga te bokaboka, kaanga taani karaoi m'angko aika a toubekaa te bokaboka.

Itaia 49:17

“E na waekoa ni karaoaki am kaawa nakon waekoan uruana A na keerikaaki ao a na nako akana a buakanna.

Itaia 49:25

Ma E a tia te UEA ni berita b'a E na tei man ara itera ao E na kamaiuia ara ataei mai rouia ara kairiribai aika a korakora ma n tiritiri aikai.

Itaia 5:25

Bon ana Aomata te UEA ngkami, ma kam a tia n rangi ni kaunna, ao e a oroingkami ni baina ae e m'aaka. A ruru taiani maunga, ao e onrake te kaawa ae e buubura n taiani mate kaanga taiani maange. E bon teimatoa naba n un te UEA, ao e tauraoi ni manga oroi riki ngkami.

Itaia 5:29

A bekorara kaanga taian raian ataei ngkana a rawea konaia mani uaakiniia nako nakon te tabo ae akea ae e konaa ni kamaiuia iai.

Itaia 5:5

Ao ngkai N na tuangko b'a tera ae N nang karaoia. N nang korei aroka ake oona ao N na kab'akai atiibu. E na toubekaaki au nne n aroka ni kureebe ma n tiku n uruaki.

Itaia 63:3

“Bon ti Ngai ae I toutoui taiani kureebe! Bon akea riki botannaomata aika a i buobuoki. I toutouia botannaomata nako i bukin marakin nanou ao e kiri uraura au kunnikai n raraaia.

Itaia 63:6

I toutouia botannaomata ni bonon nanou ao I karaoia b'a a na koro ni manging; a tii nako raraaia nakon taabo nako n te aonaaba.”

Itaia 7:17

Ma e na karaoi riki taian kiriwe te UEA nakoia am aomata ao abanueam nakon aika a tia n ataaki man te tai are a raaure nako iai Iteraera man Iuta. E na manga kaoka uean Aturia b'a e na buakaniko.

Itaia 8:4

i bukina b'a i m'aain ae e konaa n taekina ae e kaangai ‘Mamma’ ke ‘B'ab'aa’, ao e na roko uean Aturia ni buaka man uotinako b'aai ni kabane aika a kakaawaki i Tamateko ao Tamaria.

Itaia 8:8

A na kaona Iuta aia tautia kairiribai kaanga te ieka ae e iabuti n roota te roroa. Ma te Atua iroura. E na taakin baina ao e na kamanoa abara.

Itaia 9:17

E a un te UEA irouia ana Aomata ao e bon teimatoa naba ni katuuaia, i bukina ngke a tia ni kaaitaraa. A buakaka ao a taetae n nanobaba. Ao bon anne bukina are e aki nanoangaiia aia roronrikirake ke aia aine aika a tia ni mate buuia ao ataei aika akea aia karo.

Itaia 9:19

E rangi ni un te UEA ae Moan te M'aaka ao e kabonganaiia b'a kaanga te b'aa ni kanaiai are e tiringa aon te aba. A manga bon rairi buareia i bon irouia

Ieremia 25:9

ao ngkai N nang kanako ia botannaomata mai meang b'a a na buakaningkami, bon mai roun au toro are Nebukaneta mai B'aburon. Kam na uruanaki ngkami ma botannaomata akana i rarikimi nako ao kam na tiku n uruaki n aki toki. A na tiaoki aomata akana a noora aron uruakin ami kaawa, ma a na b'ainingarei ngkami.

Ieremia 3:10

Ao te b'ai riki ae moan te buakaka, te botannaomata ae Iuta ngke e bakaaea te okirai.

Ieremia 34:22

N na anga te babaaire, ao a na manga oki nakon te kaawa ae e buubura aei. A na buakanna, a na taua, ao a na kabuokia ni kab'aka. N na karika aia kaawa aika a buubura b'a kaanga taian rereua aika akea aika a maeka iai. Bon aei Au taeka Ngai ae te UEA.

Ieremia 4:14

Ma Ierutarem, e bon reke naba ami tai ni iangoi maiumi Teboki taiani bure mai nanomi ao katoka babaairean iango aika a bure,

Etekiera 29:20

E na riki Aikubita b'a kaniwangana, i bukina ngke e a tia n iri au babaaire ngaia ma ana taanga ni buaka. Bon aei au taeka Ngai ae te UEA ae te Atua.

Etekiera 38:12

Ane ko na kimoai aia b'ai aomata akana maeka n taiani kaawa ake bon taian b'ariko n atiibu ngkoa aika a uruaki. A maeka aomata aika kaanga taian taenikai i abaia ianena, ma a tia n okira Iteraera, te tabo ae te kabanea ni boongana n te aonnaba, ao a manin taiani kao ao a b'ain b'a aia b'ai.

Etekiera 38:13

A na riki kaain Tieba ao kaain Tetan, n reitaki ma taani kabob'ai man taiani kaawa ake a uarereke i Tibein meaang b'a taan raoniko. A na tangiri taian tirewa ma taiani koora, ao ai uana naba ma taian nanai ni man ao b'aai ake a anai ami taanga ni buaka mai Iteraera.

Mika 7:10

Ao a na boni b'aib'ainrang ara kairiribai ngkana a noora aei. E taetae ni kantiab'ai ngkoa te kairiribai ni kaangai, “E ngaa Te UEA ae Atuam?” Ti na ngareakiniia ngkana a konaaki, ma ni b'aka i aon te bokaboka i nanon kawain te kaawa.

Ab'akuka 1:12

Te UEA, bon te Atua Ngkoe mangkoa. Bon te Atua Ngkoe ae ko tabu ae akea tokim te UEA, Atuau, ao otangau. Ko a tia n rinea B'aburon ma ni kakorakoraa b'a tabonibaim n oroira.

Tekaria 10:5

A na ira te buaka, ao a na kaai naba ni kamanatuaia aia kairiribai kaanga te bokaboka. A na buaka, i bukina ngkai N na tei n aia itera Ngai ae te UEA. Ao a na kamanatua aia taanga ni buaka aia kairiribai ake taani buaka mai aoia aoti.

Mataio 15:7

Ngkami aika taani m'am'ana-te-aba! E eti ana taeka Itaia ngke e taekiningkami ni kangai,