Itaia 10:34 - Te B'aib'ara

³⁴ E na tiring taian aroka ni kabane n te tanai te UEA ae e mimitong i buakonikain Reb'anon.

Itaia 10:34 ပူးပေါင်းရင်းမြစ်များ

Taian Areru 103:20

Karaoiroa te UEA, ngkami aika anera aika kam korakora, Aika kam ongeaba nakon ana taeka ao kam ongora n te bae E taekinna.

Itaia 10:18

E na karaoai am buakonikai aika a tamaroa ao am tawaana aika a maiu reirei te UEA b'a a na karaurau ni mka nako.

Itaia 2:13

A na mate tiiran Reb'anon ake a rangi n rietaata ao ai aron naba taian kai ake oken Batian,

Itaia 31:8

Ane a na tiringaki kaain Aturia, ma a na aki mate n aia kabaang aomata. Ane a na kataia rorobuakana ni biri nako n rawei maiuia, ma a na manga bon reke ma ni kairoroaki b'a a na riki b'a tooro.

Itaia 33:9

A m'au ma n akea arokan aon taian tawaana; E mauna raoiroin te Maunga are Reb'anon n te maamaa. E a riki b'a te rereua te M'arua are Tiaron; a mrara baan arokan buakonikain Batian ao Karemera.

Itaia 37:24

Ko karaoia am mataniwi b'a a na kabuakakaai, Ngai ae te UEA. Ao aei te b'ai are ko taekinna bon i bukim, “I kairiia au kaanibuaka nako aon te kabanea n rietaata ni maungan nako Reb'anon. I rinnako i buakon buakonikaina, ma ni koroi tiirana ao m'aiangona aika taiani kabanea n raoiroi.

Itaia 37:36

E kanakoa te anera te UEA nakon aia kaemb'a kaain Aturia, ao e tiringiia tebubua waningaun ma niman tengaa te aomata n teuana te tairiki. N te bong are i mwiina, ao e a onrake te maeka arei n taiani mate.

Ieremia 22:7

N na kanako ia taanga ni buaka b'a a na urubekeia, ao a na anaaki kaina ake taian tiira aika a tamaroa b'a taian aia.

Ieremia 48:2

Akea ae e na karineko, Moaba. Ana iangoa aron tiringakim kairiribai i Etibon. E na ti katuka te aki kakarongoa Au kabaang n oin ami kaawa are e aranaki b'a “Aki Karongoaa.”

Etekiera 31:3

Iai ngkoa te kai ae te tiira i Reb'anon iai m'aangana, aika a rangi ni korakora aika a roota karawa.

Taniera 4:23

Ngke ko bon tabe ni mataku te uea ae ko karineaki, ao e ruo rikaaki te anera mai karawa ao e taku, ‘Korea te aroka n tiringnga, ma katuka teutana botona i nanon te tano. Niira botona ane teutana anne ni kabaea n te biti ma te buraonti, ao katikua ikanne i nanon te tawaana i buakon taian uteute. Ke e ruo te aoi i aon te m'aane anne, ao kamaekaa ikanne i buakoia maan i nanon itiua te ririki.

Naum 1:12

Aio ana taeka te UEA nakoia ana aomata aika Iteraera: “E ngae ngke e korakora Aturia mani m'aiti ana aomata, a na boni b'aka mani mauna nako.” Au aomata, I bati ni karawawataingkami, ma N na bon aki manga karaoa riki aei nakoimi.

2.I-Tetaronike 1:7

ao E na anganingkami, ngkami akana kam karawawataki, kabebeteami ma ngaira, ngkana E kaoti ara Uea are Iesu mai karawa ma ana anera aika m'aaka,

2.Betero 2:11

Ao anera, aika korakora riki ma ni m'aaka riki, a aki kabuakakaia n taetaebuakaia taan reirei ni kewe aikai i matan te Atua.

Te Kaotioti 10:1

Ao I nora te anera temanna ae korakora b'a e ruo mai karawa. E kunnikaiaki n te nang, ao Nei Wirara i aon atuna; ao ubuna ai aron taai, ao rangana ai aron tein taraan te ai ae tei b'a kanga te boua.

Te Kaotioti 18:21

Ao temanna te anera ae korakora e tabeka te atibu ae ab'akin te atibu n ii b'araua, ae te atibu ae ab'ab'aki, ao e tewea nako marawa; ao e kaangai, “Ao aio aroni B'aburon, are te kaawa are kakannato: e na kab'akaki ni karurunginakoaki, ao e na aki manga noraki.