Itaia 10:27 - Te B'aib'ara

²⁷ Ao ane a na aki manga tautaekana ami botannaomata. A na bane n nakoraoi b'aai nako nakoimi, ao a na bane n tabekaki rake uotami.

Itaia 10:27 ပူးပေါင်းရင်းမြစ်များ

2.Tamuera 1:21

Ko na aki kab'aka te aoi ke te karau i aon tabukin nako Kireboa. Ko na aki karikirakei taian uita n te tawaana i bukin karikirakean taian uita i bukin taian karea nakon te Atua. A takanana aia otanga taani buaka n taiani bokaboka, ao e a tiku oin ana otanga Tauro n aki karaneaneaaki.

Taian Areru 105:15

Ao E kaangai, Tai riingia au aomata aika rineaki, aika au burabeti, ao tai tabareia.

Taian Areru 132:10

Ko a tia ni kab'aka am Taeka nakon Tawita are am toro, ma ngaia ae tai rawa nakon te uea are Ko rineia.

Taian Areru 2:6

“I a tia ni kamaekaa au king i Tion, are au Maunga are Tabu.”

Taian Areru 20:6

I a ataia ngkai b'a te UEA e na bon anga te tokanikai nakoia ana king ake E a tia n rineia; E na kaekaa man ana karawa are Tabu, ao E na buokiia ni kakatokanikaia ni m'aakana.

Taian Areru 45:7

Ko tangira te maiu ae e raoiroi, ao ko riba ae buakaka. Ao anne bukin ae E rineiko iai te Atua, ae Atuam; Ao E karaoiko b'a ko na kukurei riki nakoia uea nako.

Taian Areru 81:6

I anai uotami aika rawaawata mai aon akuumi, Ao I kainaomataingkami mani m'akuri aika mamatoa.

Taian Areru 84:9

Te Atua, Ko na kakab'aia ara uea, are Ko a tia n rineia.

Itaia 14:25

N na kanakoia kaain Aturia mai abau, ao N na kamanatuaia akana a mena i aon taiani maunga. N na kainaomataia au aomata man te tautoronaki irouia kaain Aturia.

Itaia 30:23

E na kanakoa te karau te UEA b'a e na teboki taian Atiniberita akana iroum-a na manga kariki riki taian uaa am tawaana nako nakon are ko bon tangiria, ao a na am'arake am nanai ni kao n taian tabo n uteute aika a tangaina.

Itaia 37:35

N na bon kaawakinna i bukin karineau ao i bukin naba te berita are I a tia ni karaoia nakon au tia m'akuri are Tawita.

Itaia 52:2

Tion, teirake man te baareka! Kainaomatako man te roobu ane i roroam.

Itaia 55:2

E aera ngkai ko bakataea am m'ane i aoni b'aai aika tiaki raoi taian am'arake? E aera ngkai ko m'akuri korakora i bukin b'aai aika a aki konaa n anganiko te rau n nano? Kakauongo raoi irou ao ane ko na kukurei ni kana te am'arake aika kabanea ni kangkang.

Itaia 9:4

Ko a tia n urua m'aakaia koraki ake a kabuakakaia ao a tautoroniia am Aomata. Ko a tia ni kamaiua n ai aron are ngke ko kamaiuia am Aomata mairouia kaain Miria.

Ieremia 30:8

Kam a riki b'a aia toro ngkai botannaomata ake tekorakina, ma N na motiki aia tiein ao N na urui amoia ake a tautoroningkami.

Etekiera 30:18

Ko rangi ni kainikatonga i bukin m'aakan am botannaomata, ma ngkana I kamanatuaa te m'aaka anne ma n tiringa te kainikatonga anne, ao e na b'aka te rotongitong i aon te kaawa are Teabeneeti. E na rabuna te aba te nang ae roo ngkana ko a uotaki nako b'a te taenikai.

Nakoaia Ibonga 7:35

Anne m'akoron te am'arake are e anganaki te UEA are e anganaki Aaron ma natina m'aane n te bong are a katabuaki iai b'a ibonga.

Ruka 4:18

“E mena Tamnein te Uea i aou, i bukina b'a e a tia n rineai b'a N na tataekina te rongorongo ae raoiroi nakoia akana aki kaub'ai. E kanakoai b'a N na tuangiia ake a riki b'a taenikai kainaomataia, ao ake a mataki b'a a na manga noraba, ao ni kainaomataaki ni kabane ake a karawawataki iai,

Ioane 1:41

E reke moa i rouna tarina are Timon, ao e taku nakoina, “E a reke iroura te Mesia.” (ae nanona “Kristo.”)

M'akuri 4:27

B'a e boni koaua b'a a botaki n te kaawa aei, Erote ma Bontio Birato, ma aomata aika tiaki I-Iutaia, ma aomata aika Iteraera n te kaawa aei, n eekaanako Natim are Raoiroi, are Iesu, are Ko a tia ni kabiria.

1.Ioane 2:20

Kam a tia ni kabiraki iroun Teuare Moan te Raoiroi, ao kam atai b'aai ni kabane.

1.Ioane 2:27

Ao ngkami, E a tia Kristo ni karuoa Tamneina are Raoiroi i aomi. Ngkai e teimatoa aromi anne i Rouna, a aki kai nanomi ngkana kam aki reireiaki iroun temanna. Ma ngkai kam reireiaki iroun Tamneina are Raoiroi ni b'aai ni bane, ao baike e reireingkami iai bon te koaua, tiaki te kewe. Teimatoa n ana reirei te Tamnei are Raoiroi, ao ni maeka n te nano ae ti teuana ma Kristo.