Itaia 10:26 - Te B'aib'ara

²⁶ N na kataereia kaain Aturia n taiani kainikataere, n aron are I a tia ni karaoia nakoia kaain Miria i rarikin te b'a are Orebi. Ao N na kaota nakoia te m'aaka naba are I kamanenaa ngkoa ni karaoa iai te kawai i nuukan taarin Aikubita.

Itaia 10:26 ပူးပေါင်းရင်းမြစ်များ

2.Uea 19:35

E kanakoa te anera te UEA n te tairiki naba arei nakon aia kaemb'a kaain Aturia, ao E tiringiia 185,000 mai buakoia. Ma ngaia are, e a wenerua taiani mate n te ingabong are i mwiina.

Taian Areru 35:23

Te UEA, kauti matam, ao buokai; Tei rake, te Atua ae au Uea, ao taetae i buku.

Taian Areru 83:11

Karaoa nakoia aia toka te baere Ko karaoia nakon Orebi ma Teebi; Katae aia kai aia uea n aron are Ko karaoia nakon Teba ma Taremunna,

Te Otinako 14:16

Tabekaarake okom, ao aroria i aon taari. Ane e na bwenauaaki taari, ao a na kona Iteraera n nakonako i nanon taari i aon te tano ae m'au.

Itaia 10:24

E taku ngkai te UEA ae te Atua ae Moan te M'aaka nakoia ana Aomata i Ierutarem: A oroingkami kaain Aturia n taiani kai ma ni kabuakakaingkami, n aron are a karaoia kaain Aikubita. Ma kam na aki maakuia.

Itaia 11:16

Ao e na karekea te kawai ae e tamaroa mai Aturia i bukiia ana aomata ake nikira ni maiu, n aron te kawai naba ae e tamaroa ngkoa i bukiia aia bakatibu ngke a kiitana Aikubita.

Itaia 30:30

E na rangi ni un te UEA. E na ongo te aba b'anaana ae e kakamaaku, ao e na nooraki baina ae e tauraoi n oro, ao e na riki unna b'a kaanga te ai ae e urub'ai, ae e irianaki ma rebwen taiani baa ao taiani karau atiibu.

Itaia 30:31

Ngkana a ongo b'anaan bain te UEA kaain Aturia ma n nooria n oro n okona te biti, ao ane a na maaku.

Itaia 30:32

E na buakaniia n te buaka, ao ni katoa oreakiia i rouna, ao e na riki b'a tangin taian timbere ao taian aabi.

Itaia 9:3

Ara UEA, ko a tia ni kakorakoraia am botannaomata. E reke mairoum kukureia ao karaoan aia bootaki ni kukurei kaaina kaanga taani m'akuri n tain te tai ke kaanga tautia aika a tib'ai b'aai ake a tia n reke irouia.

Itaia 9:4

Ko a tia n urua m'aakaia koraki ake a kabuakakaia ao a tautoroniia am Aomata. Ko a tia ni kamaiua n ai aron are ngke ko kamaiuia am Aomata mairouia kaain Miria.

Te Kaotioti 11:18

A un botannaomata aika aki onimakina te Atua, ma e a roko unim ao te tai i bukiia maate ni motikaki taekaia. ma te tai are a na anganaki iai boon aia m'akuri am toro ake burabeti ma ake a maka aram, ake te koraki ake a mangori ma ake a kakannato; ao te tai ae a na tiringaki iai akana urua aon te aba!”

Te Kaotioti 19:15

Ao e oti nako mai wina te kabaang ae kakang, b'a E na oreia botannaomata iai, ao E na tauu taekaia ni kairiia ma te matoa; ao E na toutoua aon nen taonani kureebe are ana b'ai korakoran unin te Atua are Moan te M'aaka.

Tani Motiki-taeka 7:25

ao a buoka naba kakioaia kaain Miiria i mainikun te Karaanga are te Ioretan. A taua Reeben ao Kameanti, ake taani kairiiri ake uoman mai Mirian. A tiringa Reeben n te b'a are buubura are e a manga ataaki n arana ae Ana B'a Reeben, ao a tiringa Kameanti i rarikin nnen maangen te wain. A uoti atuuia taani kairiiri ake mai Miiria tautian Eberaim nakon Kiteon.