Itaia 10:21 - Te B'aib'ara

²¹ A na rangi n rawata aomata kaanga m'aitin taian tano i mataniwiin taari, ma a na bon ti tabeman aika a na tiku ni maiu ma n okira Atuaia Iteraera ae e m'aaka.

Itaia 10:21 ပူးပေါင်းရင်းမြစ်များ

Etira 1:4

A na riai aomata nako ni katauraoi b'aai ni kabane aika a na kainanoaki. A na riai n anga te m'aane, b'aai, ao taiani man, ao ai uana naba ma taiani b'aintangira i bukin manga katean ana Tembora te Atua.

Itaia 19:22

Ane a na rairaki aomata nakoina, ngkana e a tia te UEA ni katuaaea Aikubita. Ao i mwiina, e na kaekaa aia tataro, ao a na kamaiuaki kaain Aikubita.

Itaia 37:31

Koraki aika a tiku ni maiu i Iuta bon te koraki aika ai aron taian kureebe ake a kanene wakaaia rikaaki ao a kariki ua.

Itaia 46:3

Ngkami aika nikira ni maiu i Iteraera, tii ongora irou, Ngai ae te UEA. I a kaman uouotingkami ni moa man te tai are kam a tib'a bungiaki iai.

Itaia 55:7

Kaaki kawaim nako aika b'aoua ao am iango aika a buakaka. Okira te UEA ae Atuara. E na nanoangaiko ao ane E na kab'arai am bure nako.

Itaia 59:20

Boni Ngai ae te UEA ae I a tia ni berita b'a N na kamaiua te kaawa are Tion ao ana kariki Iakob'a ake a rairaki man aia bure.

Itaia 7:3

Ao i mwiina, e taku te UEA nako iu: Kaira natim te m'aane ane Teaiatuba ao naako kawara te Uea are Aati. E na reke iroum i aon te kawai i rarikin ana tabo te tia karao kunnikai are n tokin te kanare are e uota te ran man nnen te ran are i eta.

Itaia 9:13

Ma a bon aki okirikaaki naba Iteraera nakon te UEA ae Moan te M'aaka ma n taromauriia.

Itaia 9:6

E a tia ni bungiaki te teei i bukira. Ti a tia n anganaki te nati te m'aane are e na riki b'a ara tia tautaeka. Aikai arana Te Tia Iango Ae Kamimii ao te Atua ae e M'aaka, te Tama ae Akea Tokina ao Te Uea n Raoi.

Ieremia 50:20

N na kamaiuia ti tabeman mai Iteraera ao Iuta. N na kab'ara raoi aia bure n te aro ae a na bon mauna nako raoi aia bure ma aia kaairua, ao a na aki manga nooraki.

Otea 14:1

Iteraera, rairaki! Oki rikaaki nakon te UEA, ae Atuam. E a tia ni kab'akako te bure.

Otea 6:1

Ti a okira te UEA. E a tia n raeraeira ni kauarerekeira, ma E na kabaei ikoakira ao E na manga kamarurungiira.

Otea 7:10

Bon te UEA Ngai ae Atuaia, ma a aki konaa n rairaki nako iu n aia kangaanga ni kabane i bukin aia kainikatonga.

Otea 7:16

ao a rawa n ongotaeka irou, Akea riki bonganaia nakon te kanoanikatebe ae e b'aoua. A na mate aia tia kairiiri n te buaka i bukin taekinan b'aai aika a nanobaba. A na ngareakinaki irouia kaain Aikubita.

M'akuri 26:20

ma I tuangiia moa I-Tamateko, ao rimwi I-Ierutarem ma I-Iutaia ni kabaneia, ma aomata naba ake tiaki I-Iutaia, b'a a na rairi nanoia n rairaki nakon te Atua, ao ni karaoi m'akuri aika a na kaotiia iai b'a a tia n rairi nanoia.