Itaia 10:2 - Te B'aib'ara

² are kam na karaoa iai ae e aki raoiroi nakoia aomata aika a maiu ni kainano aika a tangira buokaia ao aine aika a tia ni mate buuia ao ataei aika akea aia karo.

Itaia 10:2 ပူးပေါင်းရင်းမြစ်များ

Iobi 31:16

I bon tuai man rawa ni buoka te aomata ae kananoanga, ao I aki naba kariaia aine aika akea buuia b'a a na kainano,

Taian Areru 94:6

A kamateia aine aika a mate buia, ma ataei akana akea aia karo, Ao a kamateia naba iruwa aika a tia n reke maekaia i abara.

Te Otinako 23:6

Kam na kakoauaa raoi b'a a anganaki te motikitaeka ae eti raoi n te kabowi aomata aika kainano.

Taeka n Rabakau 22:22

Kam na aki karekea aromi mairoun ae e maiu ni kainano ke ni kam'aneia n te kabowi.

Taeka n Rabakau 30:14

ao tabeman a rangi n nano n rang ao a kab'autiia aomata aika a maiu ni kainano ao aika akea mwengaia.

Itaia 1:17

ao reireiningkami ni maiuakina te raoiroi. Kakoaua raoi b'a e na karaoaki te babaaire ae e eti. Teei i bukiia aine aika a tia ni mate buuia ao ataei aika akea aia karo ao buokiia aika a tangira buokaia.”

Itaia 1:23

A tia taani kairiiri n katinanikuai ao a manga riki b'a raoia koraki ake taani baabakanikawai; ao ami taan tautaeka a iangoi reken taiani b'aintangira ao m'akuri ni baabakanikawai. Bon akea itin te motikitaeka nakoia aine aika a tia ni mate buuia ao ataei aika akea aia karo.

Itaia 29:21

n reitaki ma aomata ni kabane aika a tataekina te kewe n tain te bowi ma n teimatoa n aki anganiia aika akea aia bure te babaire ae e eti.

Itaia 3:14

E na bon motikitaekami naba ngkami taan tautaeka ao taani kairiiri i aoia ana botannaomata. Kam tiringa arokana taiani kureebe ao kam kaon ami auti nako ni b'aai aika kam kimoai mairouia aomata aika a maiu ni kainano.

Itaia 3:15

E taku te UEA ae Moan te M'aaka, “Kam a tia ni kamanatuaia au aomata mani kabaarekai mataia aomata aika a maiu ni kainano.”

Itaia 32:6

A taetaekin taeka aika a nanobaba aomata aika a nanobaba. A aki toki ni kaakaraoi babaaire ao ni m'akuri b'aai aika a bure, ma ni karaoa aia kewe i bukin te UEA, ma ni kariaia b'a a na mate ni baki aika a akea kanaia, ma n aki anga te mooi nako ia akana a mate n taka.

Itaia 5:23

Kam kanakoa te tia bure ni kainaomata i bukin butim'aean te m'akuri ni kamaraato, ao kam aki karaoa ae e eti ni kabowian te aomata ae akea ana bure.

Itaia 5:7

Bon te UEA Ngai ae Moan te M'aaka! Bon te nne n aroka ni kureebe Iteraera, ao te nne n aroka Iuta ae I tararuaia. I kaantaningaa te raoiroi ao te eti, ma I tii kunea te buakaka ma tangiran te nanoanga.

Itaia 59:15

A bane aomata n taekina te kewe; tokiia akana a nako man te maiu ae e buakaka bon te urubekebeke. Ngkana e ataia te UEA ae e a tia ni mauna te motiraoi, ao E na bon aki kukurei iai.

Ieremia 7:6

Katoka karawaawataia iruwa, ma ataei aika a akea aia karo, ao aine aika akea buuia. Kam na aki tiringiia aika akea aia bure. Ao katoka taromauriaia anti tabem'aang.

B'aeb'aeti 3:35

E ataia naba ngkana e a aki b'ainaki ana Tua ake E anganiira.

Etekiera 22:7

Bon akea maibuakomi ae e karinea ana karo, ao kam m'am'anaia iruwa, ataei aika akea tamaia, ao aine aika a mate buuia.

Amota 2:6

E taku te UEA, “A teimatoa ni kakaraoa te bure Iteraera, ao N na bon katuaaia i bukin aei. A kabooia nako aomata aika aki kona ni kab'arai aia tarau, aomata aika a kainano aika aki koro boon aia kauniwae.

Amota 2:7

A toubekaia aika a mamara aika akea aroia, ao a butuia nako aika a kainano mai m'ain kawaia. Ane ana uaia, te karo ma te nati, ni kawara te toro ae te aine ae ti temanna ao ana kamatauninga arau ae tabu.

Amota 5:19

Kanga ai aron temanna ae birinako mai m'ain te raian ao e kaitibo ma te bea! Ke kanga ai aron temanna are e roko n te mwenga ao ni kaaki baina i aon te oo-b'a e na tenaaki n te naeta!

Mika 3:1

Ongora ngkami aika taan taua taekan Iteraera! Kam kantaningaaki b'a kam na kaawakina karaoan te eti,

Maraki 3:5

E taku te UEA ae Moan te M'aaka: I aoni kawaiu ngkai ni motika taekami. N na kabuakakaia ni kabane aika a kakaraoa te tabunea ke ni kewe n tain te mare ke n taekina te kewe i nanon te kabowi ke taani m'akuri aika a kimoaaki booia ke aine aika a mate buuia aika a aki karauaki ao naati aika akea aia karo ke iraean aia b'ai ianena ke aika a rawa ni karineai.

Mataio 23:13

Ma a na reke kaimi, taani koroboki ma B'aritaio, aika taani m'am'ana-te-aba! B'a kam kaina mataroan Uean te Atua nakoia aomata; ao ngkami kam aki rin, ao kam tukiia akana kan rin iai.