Itaia 10:16 - Te B'aib'ara

¹⁶ E na kanakoa te aoraki ae moan te kamaamate te UEA ae Moan te M'aaka n oroia am taanga ni buaka ao ko na ura n te aoraki ae te kabuebue i aan niiniirana ni uea.

Itaia 10:16 ပူးပေါင်းရင်းမြစ်များ

2.Rongorongo 32:21

ao E kanakoa te anera are e tiringiia tautia ma mataniwiin ana taanga ni buaka Aturia ni kabane ake n aia kaemb'a. Ao e okirikaaki Tennakeriba nako Aturia, ao e rangi ni b'ainrang. Ao n te bong teuana e nako n rin n ana Tembora antina ao e a tiringaki naba iai irouia natina m'aane tabeman.

Taian Areru 106:15

Ma ngaia are E anganiia te baere a butiia; Ao E anganiia naba te aoraki ae kamaamate.

Taian Areru 78:31

Ao e roko unin te Atua ao E ekianako nako. E kamateia ake a rangi ni marurung i buakoia, Ake kabanea n tamaroa n rorobuaka i buakoia Iteraera.

Itaia 10:18

E na karaoai am buakonikai aika a tamaroa ao am tawaana aika a maiu reirei te UEA b'a a na karaurau ni mka nako.

Itaia 17:4

Ngkana e roko te tai arei, e na karuoaki rikaaki te botannaomata ae e mimitong ae Iteraera mai eta; ao a na rinikangenge kaaina ake a mari ngkoa.

Itaia 26:11

E mwemwe baim ao e tauraoi ni katuaaia, ma a aki nooria. Kamamaaia! Kaota korakoran nanom ni kaawakiniira ao karenakoia nako nanon te ai are a na kabuokaki iai am kairiribai nako.

Itaia 31:9

A na b'aka aia nono Ngkana e oroia te kangaanga ao ane a na maaku aia aobitia ma ni biri nako man te buaka. Bon aei te b'ai ae e a tia n taekinna te UEA, are e karaoaki ana nnenikanaiai i aon te Maunga are Tion.

Itaia 37:29

I a tia n noora kainikatongam ao unim ae e rangi ni korakora irou. Ao ngkai N na kaaki te matau i b'airim, ao te b'ai ni bwe i nanoni wiim, ao i mwiina, N na kaokingkami. nakon te tabo are kam nako mai iai.

Itaia 37:36

E kanakoa te anera te UEA nakon aia kaemb'a kaain Aturia, ao e tiringiia tebubua waningaun ma niman tengaa te aomata n teuana te tairiki. N te bong are i mwiina, ao e a onrake te maeka arei n taiani mate.

Itaia 5:17

A na riki ana aomata b'a kaanga taian tiibu aika a am'arake ni bon oin aia uteute, ao a na uotinako b'aai ake a kiitanaki irouia tem'angina.

Itaia 8:7

Ngkai N nang kanakoa uean Aturia b'a e na kaaitaraia ma korakoran ana taanga ni buaka, are e na buakaniia kaanga korakoran te Karaanga are Iuberetiti aika a taonako i mataniwiina nako.

Itaia 9:4

Ko a tia n urua m'aakaia koraki ake a kabuakakaia ao a tautoroniia am Aomata. Ko a tia ni kamaiua n ai aron are ngke ko kamaiuia am Aomata mairouia kaain Miria.

Itaia 9:5

E a tia n urarake ao ni kanaki n te ai aia kauniwae taani buaka ake a m'aati ao aia kaboraoi ake a memea n te raraa.

Ieremia 21:14

ao N na katuaaeko n aron ae ko riai n anganaki. N na kauraa am bareti ao a na bane n urarake b'aai nako akana i rarikim.

Ieremia 48:14

Ko taekinna b'a a korakora ma n ninikoria am tautia.

Etekiera 34:16

ma ni kakaaia ake a bua ma ni kaokiia ake a tiotio nako, ma ni bauti ikoakiia ake a ikoaki, ao n tararuai maiuia aika a mamaara. N na boni kamateia naba aika a marikarika ao a korakora, i bukina b'a I kakaaraoa ae e raoiroi n taai nako.

Naum 1:12

Aio ana taeka te UEA nakoia ana aomata aika Iteraera: “E ngae ngke e korakora Aturia mani m'aiti ana aomata, a na boni b'aka mani mauna nako.” Au aomata, I bati ni karawawataingkami, ma N na bon aki manga karaoa riki aei nakoimi.

Teb'ania 2:13

E na kam'akura m'akana te UEA ni kamaunaia i Aturia. E na karika kaawan Ninewe b'a te tabo ae akea te maiu iai, te rereua ae akea te ran iai.

Tekaria 7:4

Ao bon anne te tai are E tuangai iai te UEA ae Moan te M'aaka b'a N na kaangai nakoia aomata ni kabane n te aba arei, n reitaki ma ibonga:

M'akuri 12:23

Ao e oreaki n te tai naba arei Erote iroun ana anera te Atua, b'a e aki angan te Atua te neboaki; ao e rangi ni baki rab'atana b'a e m'ata nanona, ao e mate n tokina.