Itaia 10:13 - Te B'aib'ara

¹³ ake a kaangai: I karaoi b'aai aikai ni bon oin m'aakau i bukina b'a I wanawana ao I rabakau. I buakaniia uea kaanga te kao ae e aki manana, ao I anai kaub'aia botannaomata nako.

Itaia 10:13 ပူးပေါင်းရင်းမြစ်များ

2.Uea 15:29

E m'ananga uean Aturia are Tikeraka Biretia ni buakana Iteraera i nanon ana tai n tautaeka Bika. E taui aaba ake i Kireata ao Kariraia, n ikotaki ma te kaawa are Iion are Abera Betamaaka, Ianoa, Kateti, ao Atora, ao ai uana naba ma te aba are Nabetari. I mwiina, e anaiia Iteraera man taabo aikai ao e uotiia nako Aturia b'a taenikai.

2.Uea 16:8

Ao a kanakoi naba taian tirewa ma koora man ana Tembora te UEA, ao mani kaub'ai ake n te bareti b'a a na b'aintangira nakon uean Aturia.

2.Uea 17:24

E anaiia aomata ake a maeka ni kaawa aika a buubura ake B'aburon, Kuta, Awa, Amata, Tebarawaim uean Aturia, ao e kairoroia b'a a na m'ae nako Iteraera. A taui kaawa ake a maeka iai Iteraera, n reitaki ma kaawan te tautaeka ae e buubura are Taamaria.

2.Uea 17:6

i m'aain are e a reke i rouna n ana karuaiwa n ririki ni uea Otea. E uotiia nako Iteraera uean Aturia b'a buure. E kairoroia tabeman mai buakoia b'a a na maeka n te kaawa are Ara, ao tabeman b'a a na maeka i rarikin Karaangan Abora n te aba are Kotan, ao ake tabeman b'a a na maeka ni kaawa ake a maeka naba iai kaain Miria.

2.Uea 18:11

E kairiia Iteraera uean Aturia b'a taenikai, ao e kairoroia tabeman mai buakoia b'a a na maeka n te kaawa are Ara, ao tabeman b'a a na maeka i rarikin te Karaanga are Tabora n te aba are Kotan, ao ake tabeman naba b'a a na maeka ni kaawa ike a maeka iai kaain Miria.

2.Uea 18:15

Ma ngaia are, e rikoi taian tirewa ni kabane Etekia man ana Tembora te UEA ao man ana runikaub'ai te uea.

2.Uea 18:32

i nanon tabeua te tai, ao i mwiina, e na roko n uotingkami nakon te aba ae ai aron abami, ike kam konaa iai n uniki arokami taiani kureebe, man uniki arokami taian uita, ao a na rangi ni bati ami b'aa n oriwa ao ami karewe te manibeeru. Kam na kakoauaai, kam na bon aki mate ni baki ikekei.’ E taekinna Etekia b'a aongkoa E na kamaiungkami te UEA ma kam na aki kaburababaaki i rouna.

1.Rongorongo 5:26

Ma ngaia are, E kanakoa uean Aturia are Tikeraka Birenetera te Atua b'a e na buakaniia barongan Iteraera aikai. E kairiia nako te uea b'a taenikai nako Aturia, ao man n te tai anne are e a kairoroia iai b'a a na maeka i Aba, Abora, Ara, ao i rarikin te Karaanga are Kotan.

Taeka n Rabakau 28:11

A iaiangoia aomata aika a kaub'ai b'a a na rietaata, ma e na nooraki aia iango iroun te aomata ae e maiu ni kainano ae e iango raoi.

Itaia 10:8

E taku Uean Aturia: Bon taiani uea au mataniwi n te taanga ni buaka!

Itaia 5:21

Kam taku b'a kam wanawana man rarabakau.

Ieremia 46:8

Bon Aikubita ae e teirake ma te rurunga kaanga te karaanga ae e korakora raangana ao e taku, “N na kaiekaa te aonnaba, n na kamaunai taiani kaawa aika a buubura, ao n na tiringiia kaaina ni kabane.”

Ieremia 48:14

Ko taekinna b'a a korakora ma n ninikoria am tautia.

Etekiera 25:3

ao tuangiia ni kaangai: Kam karaoa ami bootaki ni kukurei ngkana e uruaki au Tembora, ngkana e b'aka Iteraera, ao ngkana a uotaki nako Au aomata b'a taenikai.

Etekiera 26:2

Etekiera ae natin te aomata, a tia kaain Turo ni karaoa aia bootaki ni kukurei i bukin b'akan Ierutarem ni kunaia ae e kaangai, “E a tia ni b'aka Ierutarem! bon te tabo ni kaboob'ai ngkoa, ae e rangi ni korakora. E kamaaenikunaaki ami kaawa ngkai, ao ko na onea mwiina.”

Etekiera 29:3

Au taeka ae e kaangai: Uean Aikubita, ti te bo ngkoe ma te korokorotaire ae e wene i nanon te karaanga. Ko karaoa aron ae bon am b'ai te Naire ao ko karaoia bon i bukim. Ma ngkai I a riki b'a ami kairiribai Ngai te UEA ae te Atua!

Etekiera 35:13

Ko bon kamatauningaai naba, ma I ongo ni kabane.

Taniera 4:27

Ma ngaia are, ‘Te uea ae ko karineaki, karaoi kanoan au kaetieti. Katoka karaoan te bure, karaoa ae e raoiroi, ao nanoangaia akana aki kaub'ai. Ao i mwiina, e a tib'a kona n rikirake ueam.”

Taniera 4:30

ao e taku, “Nooria, ai korakorara B'aburon. I kateia b'a au kaawa ae atuun au tautaeka b'a kaotan korakorau ma m'aakau, ma mimitongiu, ao kakannatou.”

Amota 5:27

ngke I kairingkami b'a taenikai nakon te aba ri aon Tamateko, bon ana taeka te UEA ae m'aaka.

Amota 6:13

Ko kamoamoako ngke ko taua te kaawa are Roteb'ara. Ko taetae ni kamoamoa iai ni kaangai, “Ti korakora n niniaanako te kaawa are Kaanaim.”

Ab'akuka 1:11

Ao a orea te kaawa ni kaitiakia n ai aron te ang ao i mwina a kitanna, aomata aika korakoraia bon antiia.

Ab'akuka 1:16

A taromauri aia karaun, man angakarea naba nako iai, i bukina b'a a reke b'aai ake a tangiri ni kabane man aia karaun.

Ab'akuka 2:6

Aomata ake a taenikai, a b'ainingareia ake a konaia man kakanikoia. A taku nakon B'aburon, “Ko anai baika tiaki am b'ai ma ae E nang oroiko te Atua. Ai ti maanra ngkoe n aia kaub'ai man anaaki am m'ane mai rouia aomata?

Te Tua-Kaua 8:17

Ngkana kam tetekeraoi, ao kam na aki kaangai, I a kaub'ai, I boni karekei ni korakorau.

Tani Motiki-taeka 7:2

Ao E taku te UEA, “Kiteon, a rangi ni m'aiti kaain am taanga ni buaka. I aki kona n anganiko te tokanikai ngkai a rangi ni m'aiti kaaina. B'a ane a na taku Iteraera b'a a tokanikai i boni irouia, ao akea te b'ai ae I karaoia nakoia.