Itaia 10:1 - Te B'aib'ara

¹ Kam a reke n te kangaanga aomata! Kam a tia ni karaoa te tua ni iowawa ae aki eti

Itaia 10:1 ပူးပေါင်းရင်းမြစ်များ

1.Uea 21:13

Ao a bukinna ni taetaebuaka te Atua ao te uea, ma ngaia are, a uaakinna aomata nako tinaniku ao a karebanaia n atiibu ni karokoa matena.

Taian Areru 58:2

Kam aki! kam ti iaiangoi baika bubuaka aika kam kona ni karaoi, aika m'akuri ni kakeru i aon te aba.

Te Otinako 23:3

Kam na aki tei i bukin te aomata ae e maiu ni kainano ti i bukina ngke e maiu ni kainano.

Te Otinako 23:6

Kam na kakoauaa raoi b'a a anganaki te motikitaeka ae eti raoi n te kabowi aomata aika kainano.

Itaia 29:21

n reitaki ma aomata ni kabane aika a tataekina te kewe n tain te bowi ma n teimatoa n aki anganiia aika akea aia bure te babaire ae e eti.

Itaia 3:11

Tuangiia aomata ake a aki ongotaeka iroun te Atua ni kaangai, “Kam a reke n te kaangaanga ae moan te buubura E na manga riki nakoimi te b'ai are kam a tia ni karaoia nakoia tabem'aang.”

Itaia 3:14

E na bon motikitaekami naba ngkami taan tautaeka ao taani kairiiri i aoia ana botannaomata. Kam tiringa arokana taiani kureebe ao kam kaon ami auti nako ni b'aai aika kam kimoai mairouia aomata aika a maiu ni kainano.

Itaia 5:11

Kam a reke n te kaangaanga! Kam utim'aaka n te kaarangaina ni mooi, ao kam toki ni b'akanakon te tai n te tairiki.

Itaia 5:18

Kam a reke n te kangaanga! Ti te bo te kewe are kam taetaekinna ma te roobu are kam kabaei man uaakin iai taiani bure ma te buakaka.

Itaia 5:23

Kam kanakoa te tia bure ni kainaomata i bukin butim'aean te m'akuri ni kamaraato, ao kam aki karaoa ae e eti ni kabowian te aomata ae akea ana bure.

Itaia 5:8

Kam a reke n te kaangaanga ae buubura! Kam anaa te auti teuana i mwiin teuana ao te tawaana teuana i mwiin teuana, ni karokoa akea nikiran te tabo i bukiia riki tabeman i aon te aba ni kabutaa.

Itaia 59:13

Ti a tia ni kaaitarako ma n rawa n iriko. A iango n aonikai nanora, ngaia are ti b'anga ni kewe iai; ti babaairea aron kabuakakaia tem'aangina ao ti rairaki nako mai roum.

Itaia 59:4

Kam bukiniia tem'angina n te aro ni kewe ao kam taekina te kewe n te kabowi ni kaburebure; araia natimi boni buure ma kangaanga.

Ieremia 22:13

Te Uea ae Ieoiakim, ko a reke n te kaangaanga! Ko karaoa te bareti ae a rangi ni buubura ruuna ake i eta.

Amota 2:7

A toubekaia aika a mamara aika akea aroia, ao a butuia nako aika a kainano mai m'ain kawaia. Ane ana uaia, te karo ma te nati, ni kawara te toro ae te aine ae ti temanna ao ana kamatauninga arau ae tabu.

Mika 6:16

E na riki aei nakoim i bukina ngke ko katotoong ana m'akuri te uea are Omri, ma natina naba are te uea are Aaba. Ko reitanako aia m'akuri, ma ngaia are, N na uruko, ao a na bane ni kakeaa manenam aomata nako. Bon akea temanna ae e na karineko.

Ab'akuka 2:12

Ko na b'aka, b'a ko aana am kaawa ni m'akuri aika bure, ao ko kateia n te tiritiri.

Ab'akuka 2:15

Ko na b'aka. Ko a tia ni kamamaaia, ao ni kakeaia kaain rarikim, ao ni karaoia b'a ana tatatata ni koro ni manging.

Ab'akuka 2:19

Ko na b'aka b'a ko kaangai nakon te m'akoro ni kai, “Uti!” ke nakon te m'akoro n atibu, “teirake!” E kona ni kaoti b'aai te bouannanti nakoim? E tii kabiraki aona n te tirewa ma te koora ma bon akea te maiu i nanona.

Ab'akuka 2:6

Aomata ake a taenikai, a b'ainingareia ake a konaia man kakanikoia. A taku nakon B'aburon, “Ko anai baika tiaki am b'ai ma ae E nang oroiko te Atua. Ai ti maanra ngkoe n aia kaub'ai man anaaki am m'ane mai rouia aomata?

Ab'akuka 2:9

Ko na b'aka. Ko kab'aib'aia am utu man baika ko karekei n te iowawa. Ko a tia ni kataia ni kamanoa man te kabuanib'ai, ao te kangaanga.

Mataio 11:21

ao E kangai, “A na reke kaimi kaaini Koratin! A na reke kaimi kaaini Betetaita! B'a ngke arona b'a a tia ni karaoaki m'akuri aika kamimii i Turo ao i Titon, ake m'akuri ake a karaoaki i Koratin ao i Betetaita, ao kaain Turo ma Titon a na kamani karin i aoia kunnikai ake a b'ab'ainaki n tain te rawawata, ma ni kabiri mataia ni mannang b'a kaotan rairan nanoia.

Mataio 23:23

A na reke kaimi, taani koroboki ma B'aritaio, aika taani m'am'ana-te-aba! B'a kam angaanga teuana te katebwina ni m'akoro mani m'aitin ami b'ai are te minte ma te aneto, ma te kumino, ao kam katiku taekani b'aai aika kakannato n taekan te Tua, n ai aron te kaeti raoi taekani b'aai, ma te nanoanga, ma te kakaonimaki nakon ana kaantaninga te Atua.

Mataio 23:27

A na reke kaimi, taani koroboki ma B'aritaio, aika taani m'am'ana-te-aba! B'a ai aron ruua ni mate aika kamainainaki ngkami; a tara n tamaroa mai tinanikuia, ma a on nanoia n riia maate ma baika mka n aekaia nako.

Mataio 23:29

A na reke kaimi, taani koroboki ma B'aritaio, aika taani m'am'ana-te-aba! B'a kam karaoi ruani mateia burabeti, ao kam katamaroai aon ruani mateia aomata ake a raoiroi;

Mataio 26:24

E ira nanon taekana Natin te Aomata n ai aron are e koreaki i bukina; ma e na reke kain te aomata are kam'anea Natin te Aomata! E raoiroi riki iroun te aomata anne ngke tao e aki bungiaki.”

Ruka 11:52

A na reke kaimi rooia! B'a kam a tia n uota nako kingini mataroan te atatai; kam aki rin ngkami ao kam tukiia te koraki ake a kan rin.

Ioane 19:6

Ngke a noria ngkanne ibonga ake mataniwi ma bureitimanin te Tembora, ao a takarua ni kaangai, “Kamatea n te kaibangaki, kamatea n te kaibangaki.” E taku Birato nakoia, “Anaia ngkami, ao kamatea n te kaibangaki, b'a akea ana bure ae I kunea.”

Ioane 9:22

A atonga aei ana karo b'a a makuia I-Iutaia, i bukin are a tia ni kabo nanoia n taku b'a te aomata ane atonga Iesu b'a te Kristo, ao a na tukiia b'a e na aki manga roko ni m'aneabaia I-Iutaia.

Iuta 1:11

A na reke kaiia! B'a a karaoa te baere e karaoia Kain, ao a kataua karaoan te kaairua are e karaoia B'araam i bukini kani karekeani boon aia m'akuri. A rawa ni kan tautaekanaki n ai aroni Kora, ao a mate.