Itaia 1:7 - Te B'aib'ara

⁷ E a wene n uruaki abami; a mannang ami kaawa. E a anaaki abami man uruakaki irouia ianena ao Iruwa ngke kam boni matakuakiniia.

Itaia 1:7 ပူးပေါင်းရင်းမြစ်များ

2.Rongorongo 28:5

A bure ao a tannako mairoun te UEA ae te Atua are e taataromauriaki irouia aia bakatibu Aati ma kaain Iuta. Ma ngaia are, e katuuaia te UEA ni kataenikaiia irouia aia kairiribai.

Taian Areru 107:34

Ao te aba ae uaa b'a te raereke ae tarika, i bukin aia bure akana maeka iai.

Taian Areru 107:39

Ngke a riki b'a taenikai, ngke a kab'ainrangaki n aaro aika a riki n rawaawata ma ni maraki iai,

Taian Areru 109:11

A bia anaaki ana b'ai ni kabane iroun ane iai baena i rouna; Ao a bia anaaki uaan ana m'akuri irouia iruwa.

Itaia 1:8

A katobibia Ierutarem ana kairiribai, n ti ngaia kaanga te um'atoro i nanon te nne n aroka ni kureebe ke i nanon te tawaana ni kukamb'a.

Itaia 3:8

Ierutarem ma Iuta, kam kakaitaraa ami UEA ae e mimitong e boni kab'akai ngkami ami taeka ma ami m'akuri.

Itaia 34:9

Ane a na oneaki taian raanga n ran ake i Etom nakon te taa ao e na riki tanona b'a taian burimton ao ane e na ura aon te aba ni kabane.

Itaia 49:19

E a maenikun ngkai Ierutarem! Bon akea te b'ai teuana ae e tiku n te kaawa. Ma e na manga moan karaoaki ao e na manga waekoa n onrake n te aomata; ao a na kairiribai aika a iowawaa a na bane n nako n taabo aika a raroa.

Itaia 5:17

A na riki ana aomata b'a kaanga taian tiibu aika a am'arake ni bon oin aia uteute, ao a na uotinako b'aai ake a kiitanaki irouia tem'angina.

Itaia 5:9

Ma e a tia ni karaoa ana berita aei te UEA ae Moan te M'aaka nako iu: A na akea kanoan taian auti akana a buubura man tamaroa akanne, ao a na akea naba te tia kaawakin.

Itaia 6:11

Ao i mwiina, I a titirakina te UEA ni kaangai, “A toki n ningai baikai?” Ao e kaeka te UEA: Ni karokoa a mauna nako aia kaawa nako ao a rereua aia auti, ni karokoa akea kanoan aia tawaana,

Itaia 60:15

E riiribaaki ngkoa ao e kiitanaki, ao e katinanikuaki ngkoa irouia aomata nako. Ma N na katikiraoiko, te kaawa ae e na kamoamoaaki i nanon taai aika a nako roko.

Itaia 62:8

E a tia n anga ana taeka te UEA ao e karaoa te berita aei: N na aki manga anga riki nakoia ami kairiribai taian uita ao taiani kureebe aika kam bon bekutata ni karaoia.

Itaia 64:10

A tia n riki b'a n rereua am kaawa nako, ma ai ti Ierutarem nikirana.

Itaia 9:18

E raababa nako te buakaka kaanga te buakonikai ae e urarake mani kabuoki taian buakoako ni kai aika a kateketeke ma ni kawaerakea te bubu.

Itaia 9:5

E a tia n urarake ao ni kanaki n te ai aia kauniwae taani buaka ake a m'aati ao aia kaboraoi ake a memea n te raraa.

Ieremia 2:15

A bekorara ami kairiribai kaanga raian ao a urua te aba; a wene n urarake kaawa ma akea kaaia.

Ieremia 4:7

E na oti nako te taanga ni buaka, kaanga te raian mani nena. E na tiringiia botannaomata ma ni katikui ami kaawa ma akea kaaia ao ni urubekebeke.”

Ieremia 44:6

Ao n tokina, e a oro uniu kaanga te ieka ae e korakora, ao n te bong aei e a wene Ierutarem ao kaawan nako Iuta n akea kanoana ma n uruaki.

Ieremia 6:8

Ongora i Rou, ngkami aika kaain Ierutarem ao kaain Iuta. N na kiitaningkami, ao e na riki abami b'a te rereua ae akea kanoana.

Ieremia 7:34

Ngkana e a bane te b'ai are N na karaoia nakon abami, ao ane e na akea te b'anaa ae e konaa n ongo te aba ni b'ain nako Ierutarem ake a uruaki ma kaawan Iuta, akea te b'anaa ni kukurei, akea b'anaan te bootaki ni kukurei ke karongoaan te bootaki ni mare.

B'aeb'aeti 5:2

A b'aini ara b'ai ianena; A maeka iruwa ni mwengara.

Etekiera 25:4

Ngkai N nang karaoingkami b'a kam na kataenikaiaki irouia barongan rereuan mainiku. A na katea aia kaemb'a i nanon abami ao a na kang uaan arokami ao a na nim ami miriki.

Etekiera 30:12

N na kaika ranin te Karaanga are te Naire, ao i mwiina, N na kabooa nako te aba nakoia taani boob'ai aika a buakaka. N na kanakoia iruwa b'a a na onika ami botannaomata nakon te rereua. Bon aei au taeka Ngai ae te UEA.

Otea 7:9

A taraa n ae a aki ataa mamaaraia ma koreaia: a mainaina iraia, ngkai a tautaeka ianena.

Otea 8:7

Ngkana kam kamaae n unika te ang n onea mwiin te uita, kam na bon taia te ukeukenanti ao ana akea ami uita. E ngae ngkana kam taia te uita ana manga kimoaia kairiribai ni kabane.

Nakoaia Ibonga 26:33

Ngkana I a tia n urui ami kaawa nako aika a uarereke ma abami n te bo ni buaka, ao N na kamaenakoingkami i buakoia botannaomata.

Nakoaia Ibonga 26:34

Ao te aba e na kim'areirei n taabatin ana ririki ni kabane i nanon taai ake e wene iai ni kitanaki iroumi.

Mika 5:11

N na urui kaawan abam nako, ao N na urubekei am tabo nako ake a nonoaki.

Mika 6:13

Ma ngaia are, I a tia ni moana uruam ma kamaunaam i bukin am bure aikai.

Te Tua-Kaua 28:33

Ane kam na m'akuri korakora n ami nne n aroka, ma b'aai ni kabane akana kam taii a na manga kanaki ni kabane irouia i anena, ake a na karaoa ae aki raoiroi ao n taekini taeka aika rangi ni buakaka.

Te Tua-Kaua 28:43

Ao a na rikirake ni kaub'ai ma ni korakora aomata aika iruwa i nanon ami kaawa nako, ao ngkami kam na rikirake ni kainano ma ni mamaara.

Te Tua-Kaua 29:23

b'a e a riki b'a te rereua ae rangi ni kabuebue ae taari aona ni kabane, ao te bubu ae m'auteretere, ao akea te aroka ae e kona ni unikaki iai, akea te aroka ae kona ni bwebwee iai, ao bon akea naba te aroka ae e kona ni maiu iai. A na riki abami b'a kaanga aron maten aaba ake i rarikin kaawa ake a buubura ake Tootom, Komora, Atema, ao Teboiim i mwiin unin te UEA irouia ao E kamaunaia.