Itaia 1:6 - Te B'aib'ara

⁶ Bon akea taraan te maiu mai taubukin atuum nako taboni waem. A bon aoriia kunikunin rab'atam, m'akorokorona, ao manekana n aki tararuaaki, ke ni kabiraki n te b'a ni katokaki marakina.

Itaia 1:6 ပူးပေါင်းရင်းမြစ်များ

2.Tamuera 14:25

Bon akea i aon Iteraera ae e orea botonim'aanen Abetarom.

Iobi 5:18

E bauti taian ikoaki te Atua ake bon mwiina; E kaikoakiko baina, ao E kamaiuko naba baina.

Taian Areru 77:2

I tataro nakon te UEA n tain te kaangaanga; I tabeki baiu n tataro n te tairiki koraki, ma e aki reke kabebeteau.

Itaia 30:26

Ao i mwiina, e na bauti ikoakiia ana Aomata te UEA ma ni kamaoi ikoakiia ake e bon kariki. E na oota nako ootan nam'akaina kaanga ai aron ootan taai, ao e na oota taai itiua riki rakan ootana nakon aroarona mai m'aaina. E na karina n oota n ai aron ootan itiua te bong n te tai naba arei.

Ieremia 17:9

Kam rangi ni kam'aam'ane ngkami aika kaain Iuta n te aro are kam a manga bon kananobabaingkami i bon iroumi, ao kam aki konaa ni bitaki.

Ieremia 30:12

E taku te UEA: Au aomata, kam a ikoaki ao kam a kani mate.

Ieremia 30:15

Katoki ngurenguremi i bukin ikoakimi; bon akea b'ainaorakiami. N na katuaaingkami n aron aei i bukina ngke a m'aiti ami bure ao a rangi ni korakora ami buakaka.

Ieremia 33:6

A na roko boong are N na kamaiua iai te tabo aei ma kaaina, ao a na kukurei n te rau ae akea tokina.

Ieremia 6:14

Ti te b'ai ae a konaa n anga nako ia au aomata aika a rangi n ikoaki kantaningaan te rau ae akea nanona.

Ieremia 6:7

E raanganako te buakaka man ami kaawa kaanga te ran man te koburake n ran. E na ongo te aba karongoaan taian tiritiri mai nanon oon ami kaawa; A na raea konan te buaka n taabo nako, a ikoaki ao a mate.

Naum 3:19

Akea katokan rawawatam, ao a aki kona ni kamaoaki ikoakim. Ake a ongo taekan uruam a na uboi baiia ni kukurei. B'a a bane aaba nako n rootaki n am m'akuri aika a buakaka.

Maraki 4:2

Ma ngkami aika kam karinea arau, e na oota i aomi te tokanikai kaanga taai ma buraenimata aika a uota te maiu, ao kam na kibakiba rake kaanga taian kao ataei aika a takaakaro.

Mataio 9:12

Ma ngke E ongo Iesu ao E taku, “Akana marurung a aki kainanoa te tia katoki aoraki, ma ti akana aoraki.

Ruka 10:34

E nako ina ao e kab'aroa te b'a ma te wain i aon ikoakina, ao e kabaebaei; e katokaa i aon are bon ana man ao e uotia nakon te auti n iruwa ao e tararuaia iai.