Itaia 1:4 - Te B'aib'ara

⁴ Iteraera, bon te botannaomata ngkoe ae ko buubure, ao ko onrake n te kaairua. Ko rangi ni buakaka, ao ko kam'araa ao ko a tia n tannako mai roun te UEA, ae Atuaia Iteraera ae te Atua ae tabu.

Itaia 1:4 ပူးပေါင်းရင်းမြစ်များ

Karikani B'aai 13:13

are te kaawa are a buakaka kaaina, are a bubure nakon te UEA.

2.Uea 21:22

e aki kani kakaonimaki nakon te UEA, te Atua are a tataromauria ana bakatibu.

2.Rongorongo 12:1

N te tai ae e aki maan ngke e a tia Reoboam n taua taekan abanueana, ao e a manga aki ongotaeka iroun te UEA ngaia ma kaain Iuta ni kabane.

2.Rongorongo 27:2

E ongotaeka Iotam iroun te UEA ao e karaoa ae e raoiroi. E katotoonga tamana are Utia, ma e aki roko n te kabuoka te b'ai ni kaboiarara n te Tembora n aron are e a tia ni karaoia tamana. Ma a bon teimatoa naba ni bure nakon te UEA kaain Iuta.

Neemia 1:7

ngke I rineia b'a n na aki ongotaeka iroum ao n aki iri nanon am tua ma am reirei ake ko angan Moote are am toro.

Taian Areru 58:3

A kamani bure maiuia akana buakaka; a kaman rabakau ni kewe mai nanoni biroton tinaia.

Taian Areru 71:22

Atuau, Ko kakaonimaki nakoia am Aomata; Ma ngaia ae N na anene ma te b'ai ni katangitang n neboiko. N na katang anene n au b'ai ni katangitang nakoim, Ngkoe ae Atuaia Iteraera ae Tabu.

Taian Areru 78:40

Ai batiraa aia tai n rarawa ni kan aan-taeka i rouna n te rereua! Ao m'aiti ra te tai ae a kananokawakia iai!

Taian Areru 78:41

A okioki aia m'akuri ni kataa te Atua, Ao a kamaraka te Atua ae Tabu ae Atuaia Iteraera.

Taian Areru 78:57

A rawa ni kan aan-taeka ao a aki kakaonimaki n ai aroia aia bakatibu. Akea onimakinaia.

Taian Areru 78:8

A na aki katotongiia aia bakatibu, ake te roro n aki ongotaeka ma n rawa ni kan aan-taeka, Ake a tuai man nene onimakinan te Atua irouia, Ao a tuai naba n teimatoa ni kakaonimaki nakoina.

Taian Areru 89:18

Boni Ngkoe, te UEA, ae Ko rinea ae na kamanoira; Boni Ngkoe, Atuan Iteraera ae tabu, ae Ko anganira ara uea.

Te Otinako 32:7

E taku te UEA nakon Moote: Kawaekoako n oki rikaaki! A riki b'a kaanga baaba aomata ake ko kaotinakoia mai Aikubita.

Itaia 1:23

A tia taani kairiiri n katinanikuai ao a manga riki b'a raoia koraki ake taani baabakanikawai; ao ami taan tautaeka a iangoi reken taiani b'aintangira ao m'akuri ni baabakanikawai. Bon akea itin te motikitaeka nakoia aine aika a tia ni mate buuia ao ataei aika akea aia karo.

Itaia 1:28

Ma a na bane ni mauna nako, koraki aika taani kaaitaraa aika taani bure, aika a kamangao, Ngai te UEA.

Itaia 10:6

n oreia ni kab'akaia ngkami aomata aika taan onimakiniia anti. I un iroumi, ao N na kanakoia b'a a na buakaningkami. E na anai b'aai aika e tangiri ao e na toubekaingkami kaanga taiani bokaboka ake i nanon kawain nukan te kaawa.

Itaia 12:6

Anene, ngkami kaain Tion! Bukamarua kakannaton UEAN Iteraera ae e tabu. E mena ikai te Atua b'a e na buokiko.

Itaia 14:20

Ko na aki taunaki ma taiani uea: ko urua abam ao ko tiringiia am aomata. Bon te mannikaakang ngkoe ae e buakaka! Ti kaantaningaia b'a a na m'anuokinaki taekaia am utu n aki toki.

Itaia 29:19

Ane a na bootaki ni kukurei ma n takaarua aomata aika a maiu ni kainano ma aika a tangira buokaia i bukin te UEA ae Atuaia Iteraera ae E tabu.

Itaia 3:8

Ierutarem ma Iuta, kam kakaitaraa ami UEA ae e mimitong e boni kab'akai ngkami ami taeka ma ami m'akuri.

Itaia 30:1

Aio ana rongorongo te UEA i bukiia ana Aomata aika a kamangao: Kam iri oin ami babaaire ao kam aki iri au babaaire; kam karaoi taiani boraraoi i marenami ma tautaeka tabeua ao kam titirakinai moa, ao kam teimatoa ni buubure.

Itaia 30:15

E a tia n tuangiira ni kabane te UEA ae E tabu ae Atuaia Iteraera ni kaangai, “N na kaawakiningkami ngkana kam oki Nakoiu ma ni karau nanomi. N na manga kakorakoraingkami ngkana kam nanoraoi n onimakinai.” Ma i mwiina kam a manga bonotaninga

Itaia 30:9

A tia ni kaaitaraa te UEA ao a aki konaa n onimakinaki. A tia n rawa nakon ana taeka n reirei

Itaia 31:2

E a aki baba te UEA! E karaoi baika e a tia ni berita iai ni kabane, ao e konaa ni karokoa te kangaanga. Ngkana ko bon buakaka naba, ao ko na bon kamaunaaki.

Itaia 37:23

Tennakeriba, ko a kamaraiaaki, ko takaarua, ao ko ngare ni kakaniko nako iu, Ngai ae Atuan Iteraera ae e tabu.

Itaia 41:14

Kaain Iteraera kam na aki raraoma, ngkana a kaangai tem'angina, Bon ti te m'ata Iteraera!” Bon Atuan Iteraera ae e tabu Ngai, ae E kamaiuko ma ni kaawakiniko.

Itaia 41:16

Ane e na kamaaenakoia te ang ae e korakora nakon taabo aika a kakaokoro. Ao i mwiina, kam na karaoa ami bootaki ni kukurei ibuku ao kam na neboai, Ngai ae ami UEA, ae Atuaia Iteraera ae e tabu.

Itaia 41:20

Ana bane aomata n noora te baei ao a na ataia b'a boni Ngai aia UEA Iteraera ae tabu, ae e kariki b'aai nako.

Itaia 5:19

Ao kam taku, “Ke e kawaekoaa Atuan Iteraera ae e tabu ni karaoa te b'ai are e a tia ni berita iai, b'a ti aonga ni bon nooria ngaira.”

Itaia 5:24

Kam na urarake kaanga te b'ab'ati ni uteute! Kam a tia ni katinanikua ana reirei te UEA ae e tabu ae Atuan Iteraera ae Moan te M'aaka. Ngaia ae ngkai, a na mka wakaami, ao a na riki ni bubu nako ueemi.

Itaia 57:17

E kamaraka nanou nanonrangim. Ao bon anne bukina are I katuuaingkami iai ao I ribaa rekeu iroumi, i nanon ami tai n okiri maiumi nikawai aika a bure.

Itaia 58:2

Kam katoa bong n taromauria ao kam taraa ni kan atai ana reirei nako. Kam karaoa aron te botannaomata ae e kan karaoa ae e raoiroi n ongotaeka nakon ana Tua nako. Buubutia ana motikitaeka ae e eti, ao taekinna b'a ko tangiria n taromauria te UEA.

Itaia 65:11

“Ma e na kaangaanga nakoimi ngkami aika kam m'anuokinai, ao ngkami naba aika kam m'anuokina Tion, au Maunga are Tabu, ao ma n taromauria Kaata, ao Meni, ake atuan te tekeraoi ma tokin te waaki.

Itaia 65:3

A kaunai n taai nako b'a a mata ni kakanikoai, ngkana a angakarea nakon aia bouannanti i nanon aia nne n aroka ao a kabuoki taiani kaboiarara nakoia i aon taiani buriki.

Itaia 9:17

E a un te UEA irouia ana Aomata ao e bon teimatoa naba ni katuuaia, i bukina ngke a tia ni kaaitaraa. A buakaka ao a taetae n nanobaba. Ao bon anne bukina are e aki nanoangaiia aia roronrikirake ke aia aine aika a tia ni mate buuia ao ataei aika akea aia karo.

Ieremia 15:6

Au aomata, kam a tia ni katukai ma ni kitanai. I a kua ni kaotan te akoi. ao bon anne bukina ngkai N na tiringkami

Ieremia 2:13

Kam a tia ni bure ngkami aika au aomata ni b'aai aika uoua kam a tia ni katinanikuai, Ngai ae Nen te ran ni kamaiu ao kam kataia n itiia ami ran n taian ni ne n ran aika tabwenaua aika a raran aika a kekenaki i nanon te tano.

Ieremia 2:17

Bon am bure! Ko katoka iriiraku, Ngai ae te UEA ae te Atua,

Ieremia 2:19

Ane a na katuaeko am bure, b'a bon te bure ae moan te buakaka b'a kam kiitanai ao kam aki roko n te maaka te rekenikai. Bon aei Au taeka Ngai ae te UEA ae Moan te M'aaka.

Ieremia 2:31

Ao ngkai kam na ongo nakon te b'ai ae I taekinna! Iai te tai ae I kiitaningkami iai i nanon te rereua ke I katobibingkami n te rootongitong? Bon au aomata ngkami, ao i rarikin anne kam a tia ni kaangai nako iu, “Ti na karaoa te b'ai ae ti tangiria, ao ti rawa n taromauriko!”

Ieremia 2:33

Kam rangi ni wanawana ngkana kam kakaaia ami tangira n te aro are kam konaa n anga ami reirei nakon te aine ae ainen matawa.

Ieremia 2:5

ao N na taetae Ngai ae te UEA. I aki roko n te karaoa ae e buakaka nako ia ami bakatibu, ma a kiitanai ao a riki n aki manena ngke a iriia bouananti aika akea manenaia.

Ieremia 32:32

i bukin m'akuri aika a buakaka ni kabane aika a tia ni karaoaki irouia kaain Iuta ma Iteraera, n reitaki ma ibonga ma burabeti.

Ieremia 50:29

Buakana B'aburon, aia taani katebe kairiribai; katea ami autinrianna ni katobibia te kaawa are e buubura, ao tai kabiri nakoa temanna. A kakaotinakoai, Ngai ae te Atua ae e Tabu, ma ngaia are, karaoa nakoina te b'ai are e karaoia nako ia kaawa aika a buubura ake tabeua.

Ieremia 51:5

A bane ni bure aomata ni kabane i Iteraera ma Iuta. Ma I bon tuai ni kiitaniia Ngai ae te UEA ae Moan te m'aaka, te Atua ae e mimitong.

Ieremia 7:19

Ma a bon aki ti kamatauningaai, ma a bon kamatauningaia naba ni karaoi baika a na kamamaaeaki iai.

Ieremia 7:26

Ma kam aki kubarai ao kam karikirakea riki taningabonomi ao karaoan te bure nakon are a karaoia ami bakatibu!

Etekiera 14:5

Tao a na bae n okirai ke ni katoka taromauriakiia bouannanti ngkana a ongo au rongorongo.

Etekiera 16:33

E kabooaki ainen mataawa, ma ngkoe ko anga b'aintangira nakoia am tangira ao ko kamaraa atoia b'a aonga n roko ni matu ma ngkoe.

Etekiera 16:45

Ko bon katotoonga tinam, ae ribaa buuna ma oin natina. Ko bon katotoonga naba tarim, ake a ribaia buuia ao natiia. Bon kaain Amora tamam, ao tinam kaain Eta.

Taniera 9:11

A bane n urua am Tua Iteraera, ao a rawa n ongo nakon te b'ai are Ko taekinna. Ti bure nakoim, ma ngaia ae Ko karokoa taian maraia i aora ake a koreaki n ana tua Moote are am toro.

Teb'ania 1:6

N na kamaunaia ake a tia n oki ma a aki irai, ake a aki nako iu man rawa n taubeakinaki Irou.

Warekaia Iteraera 32:14

Ao ngkai kam a manga karaoa naba te aro arei ngkami aomatan Reuben ao Kata; kam a rangi ni kauna riki te UEA.

Mataio 11:28

“Bane mai nako Iu, ngkami akana kam kua ao kam rawawata, ao N na motiki rawami.

Mataio 23:33

Ngkami aika naeta, aika buniia naeta aika kamamate, kam na kanga ni kamaiungkami mani motikan taekami are kam na karawawataki iai i Keenna?

Mataio 3:7

Ngke e noriia B'aritaio ma Tarukaio aika bati Ioane b'a a roko b'a a na b'abetitoaki, ao e taku nako ia, “Ngkami aika buniia naeta, antai ae tuangngkami b'a kam na biri nako man te un are a kan roko?

I-Rom 8:7

B'a nanon te rab'ata bon te riba te Atua, b'a e aki mena i aan ana tua te Atua, ao e bon aki kona;

1.I-Korinto 10:22

Ke ti tangira ae E na un te UEA? Ti korakora riki nako Ina?

Te Tua-Kaua 29:25

Ao a na anganaki te kaeka ae kaangai: A tataromauria te UEA ara bakatibu ngkoa, ma i mwiina, ngke E a tia te UEA ni kaotinakoia mai Aikubita ma ni karaoa te boraraoi ma ngaiia, ao a manga aki ira nanon te boraraoi

Te Tua-Kaua 31:16

Ao E taku te UEA: Moote, Ko na mate n te tai ae e aki maan, ao a nangi rin Iteraera n te aba ike a taataromauriaki iai atua riki tabeman, ao ane a na rawa irou Iteraera ma ni moana taromauriaia atua aikai. Ane a na urua te boraraoi aomata n aron are I a tia ni karaoia ma ngaiia,

Te Tua-Kaua 32:19

Bon natin te UEA ngkoa ngkami, ma kam kaunna. Ngaia are, E a aki kubaringkami

Te Tua-Kaua 32:5

Ma ngkami kam kewetaia ao kam karaoi m'akuri ni baabakanikawai ao kam aki kakaonimaki nakoina, ao kam aki tau n riki b'a ana Aomata kam bon kamamaaeingkami ao bon akea manenami n riki b'a natina.

I-Korote 1:24

I kim'areirei ngkai ni marakiu i bukimi, b'a I a kona ni kakororaoa iai marakin Kristo ni marakin rab'atau i bukin rab'atana, ae te ekaretia;

Te Kaotioti 18:5

B'a a rota karawa ana bure, ao te Atua E aki m'aninga taekan ana bure.

Tani Motiki-taeka 10:10

Ao a bubutiia te UEA buokaia ao a raraoma nakoina ni kaangai, Ti a tia n aki kakaonimaki nakoim. Ti a tia ni katoka taromauriam ma n taromauriia Bara.