Itaia 1:28 - Te B'aib'ara

²⁸ Ma a na bane ni mauna nako, koraki aika taani kaaitaraa aika taani bure, aika a kamangao, Ngai te UEA.

Itaia 1:28 ပူးပေါင်းရင်းမြစ်များ

1.Rongorongo 28:9

Toromon ae natiu te m'aane, kona riai n taromauria te Atua ao ongotaeka i rouna ma nanom ni kabane ma am iango, n aron are I a tia ni karaoia. E atai am iango ni kabane ao bukin karaoan b'aai iroum, ao ngkana ko tang nakoina, ao E na ongo am tataro nako. Ma ngkana ko aki kubariia, ao e na bon aki tabeakiniko n aki toki.

2.Rongorongo 21:10

ao e aki manga reke tautaekanakin Etom iroun Iuta. E bon kakaitaraaki naba n te kaawa are Ribena n te tai anne. A riki baikai i bukina ngke e a tia n tannako Ioram mairoun te UEA, te Atua are a tia n taromauriia aia bakatibu.

2.Rongorongo 28:23

E taku i bon i rouna, “A tia ngkai antin Aturia ni buokiia aia uea ni kataenikaiai. Tao ngkana I angakarea nakon taian anti aikai, ao a na bae ni buokai.” Bon anne te bure are e a kab'aka Aati, ao ni karokoa naba uruan Iuta.

2.Rongorongo 28:6

E buakana Iuta uean Turia ao e anai aomatana aika a bati mai iai nako Tamateko b'a taian taenikai. Rimwi riki, e kataenikaiia kaain Iuta uean Iteraera are Bika ma n tiringiia tebubua ao uabwi te ngaa mai buakoia ana tautia ake a ninikoria n teuana te bong.

Iobi 31:3

E karokoa te kangaanga ma te urub'ai te Atua ae m'aaka i aoia aomata aika buakaka.

Iobi 34:26

E oroia tani bure i mataia aomata,

Iobi 34:27

i bukina ngke aikoa onimakinna, ma n aki tabe ma Ana tua.

Taian Areru 1:6

A kairiiraki ma ni kawakinaki iroun te UEA aomata akana a raoiroi, ao aomata akana a buakaka a toua kawain te kabuanib'ai.

Taian Areru 104:35

A bia kamaunaki taani bure mai aon te aba; A bia akea aomata aika buakaka. Karaoiroa te UEA, tamneiu! Karaoiroa te UEA!

Taian Areru 125:5

Ma ngkana Ko kareke kaiia akana buakaka, ao e na kareke kaiia naba akana aki ira nanom. Tataro i bukin reken te rau i aoia Iteraera!

Taian Areru 37:38

Ma a na bane ni kamaunaki taani bure, ao ai aroia naba aia kariki.

Taian Areru 5:6

Ko kamaunaiia taani kewekewe Ko ribaa te tiritiri, ao te tia kam'anea te aba.

Taian Areru 73:27

A na kabuanib'ai maiuia akana kitaniko; Ko na kamateia akana aki kakaonimaki nakoim.

Taian Areru 9:5

Ko boaiia botannaomata akana aki onimakiniko, Ko kamateia akana buakaka, ao a na bon aki manga ururingaki ni karokoa akea tokina.

Taian Areru 92:9

Noria, ane a na bane ni mate aiam, ao a na bane n taenikai akana buakaka.

Taeka n Rabakau 29:1

Ngkana ko teimatoa ni bonotaninga ngkana ko a tia n anganaki taiani kauring, ao ane ko na kubanako ni kunea b'a ngaia ko a tia n rangi n raroa nako.

Itaia 1:4

Iteraera, bon te botannaomata ngkoe ae ko buubure, ao ko onrake n te kaairua. Ko rangi ni buakaka, ao ko kam'araa ao ko a tia n tannako mai roun te UEA, ae Atuaia Iteraera ae te Atua ae tabu.

Itaia 24:20

E na bebebebe ma ni ioioaki kaanga te koro ni manging. ke te um'a ae e uarereke n tain te angibuaka. E na taonaki rikaaki n te bure; e na b'aka te aonnaba, ao e na aki manga teirake.

Itaia 30:13

Ti te bo te bure aei ma te tabwena are e karika waekoani b'akan ao maenikunin

Itaia 33:14

A titiraki ma te maaku taani bure aika a buakaka ake a maeka i aon te Maunga are Tion, “Ti nang kangaa ni maeka i buakon te urarake ae akea tokina?”

Itaia 50:1

E taku te UEA, “Ataei, I aki kaaka tinami ke ni kabooa nako i bukin kab'araan taian taarau; I kaakiia ao ni kabooa nako i bukin ami bure.

Itaia 50:11

Rimoa ao nakonako n ootan te ai are ko a tia ni katauraoia. Ma e na bon oreiko ma ni katuuaeko ni bon oin baina.

Itaia 58:2

Kam katoa bong n taromauria ao kam taraa ni kan atai ana reirei nako. Kam karaoa aron te botannaomata ae e kan karaoa ae e raoiroi n ongotaeka nakon ana Tua nako. Buubutia ana motikitaeka ae e eti, ao taekinna b'a ko tangiria n taromauria te UEA.

Itaia 64:6

Ti aki tau n taromauriiko; bon taian motinikunnikai aika a buakaka ara m'akuri n tatabeua nako. Ti m'auteretere kaanga taiani baanikaai; bon te ang aika a korakora ara bure ake a kaubara nakoira.

Itaia 65:11

“Ma e na kaangaanga nakoimi ngkami aika kam m'anuokinai, ao ngkami naba aika kam m'anuokina Tion, au Maunga are Tabu, ao ma n taromauria Kaata, ao Meni, ake atuan te tekeraoi ma tokin te waaki.

Itaia 66:17

Iai tabem'aang mai buakomi aika a katauraoia ao a nakon te nne n aroka b'a a na taromauriia antiia ianena. Kam kang irikon taiani beeki, taian beru, ao taiani kimoa. Ma N na tiringingkami Ngai ae te UEA i bukin karaoa aei.

Itaia 66:24

A na otinako au aomata ni kakaai rab'ataia ake a kakaitaraai. A aki konaa ni mate taian ino ikekei, ao e aki konaa n toki uran te ai, ao a na rangi n ribaaki taraan rab'ataia aomata aikai irouia aomata nako.

Ieremia 17:13

Bon te koburake n ran Ngkoe ae e anganiia Iteraera te maiu ma te kaantaninga. Ma ngkana a aki kubara te b'ai ae Ko taekinna aomata ao a na kamaunaaki nako kaanga taian taeka aika a koreaki i aon te tano.

Ieremia 44:12

Bon ti tabeman ake a tangiria n tiku i Iuta, ao ngkami kam tangiria n nako Aikubita. Ma ane kam na mate n te mate ae e kakamaaku n te buaka ke te baki, n te aro are a na kamanenaa aran Iuta aomata tabem'aang b'a te taeka ni karereanti.

Otea 14:9

Ngkana kam wanawana, kam na ataa nanon te b'ai ae I nanonna. Bon te UEA Ngai, ao I kairingkami n te kawai ae e eti. Ti na kaai n nakonako ngkana kam ongotaeka Irou, ma e na toki waemi ngkana kam buakaka.

1.I-Tetaronike 5:3

Ngkana a kangai aomata, “E a rau te aba ao akea te kakiriwe,” ao ane e na roko ni karina te kabuanib'ai nako ia, kanga ai aron rokon te ariri ni maraki iroun te aine ae nangi bung; ao a na bon aki kona ni kamaiuia maiai.

2.Betero 3:7

Ma karawa ma aon te aba aika iai ngkai a kawakinaki naba n ana taeka te Atua b'a kanaan te ai. A kawakinaki ni karokoa te bong are a na motikaki iai taekaia aomata aika akea reitakiia ma te Atua ao a na kamateaki.

Te Kaotioti 21:8

Ma te koraki akana kimamaaku, ma akana aki onimaki, ma akana riai ni bati n ribaki, ma taani kamateia aomata, ma taani wene ni bure, ma taan tabunea, ma taan taromauri bouananti, ma taani kewekewe, a na reke tib'angaia n te nama are e ura iai te ai ma te burimton, are te mate are te kauoua.”

1.Tamuera 12:25

Ma ngkana kam karaoa te m'akuri ae buakaka ma ami uea, ao E na kamaunaingkami te UEA.