Itaia 1:26 - Te B'aib'ara

²⁶ Ierutarem, N na rinea te tia motikitaeka ao te tia iango aika ai aron ake mai m'aaina. Arami ae e boou bon “Te Eti ma te Kakaonimaki.”

Itaia 1:26 ပူးပေါင်းရင်းမြစ်များ

Itaia 1:21

Ierutarem, ti te bo ngkoe ma te ainenum'a ae e aki kakaonimaki. A rangi n raoiroi ngkoa am taani Motikitaeka ao a maiuakina te raoiroi am aomata; ngkai ko a riki b'a te kaawa ae e buubura ae e on irouia taan tiriaomata.

Itaia 2:3

A na m'aiti aomata ake a na roko ao a na kaangai, “Ti a nakon ana Maunga te UEA ae Atuan Iakob'a ma n taromauri n ana Tembora.” E na reireiniira te UEA ana Tua mai Ierutarem, ao ti na ongotaeka i rouna.

Itaia 33:5

Boni Ngkoe te UEA, i aoia atua ni kabane, ao ko maeka n taian karawa. Ao ko a tia ni karokoa te eti ao te eti nako Ierutarem;

Itaia 54:14

Ko na kateaki i aon te eti ao ko na aki maakuia akana a kaakaraoa ae e aki eti; a na bane ni kararoaaki mairoum akana ko raraomaeakiniia.

Itaia 60:14

A na bane ni katorobubua i matam aia kariki am kairiribai ake a ribaiko ma ni karaoa ae aki raoiroi nakoim. A na kaangai, “Bon Tion ngkoe, are ana kaawa te UEA, are Atuaia Iteraera ae e tabu.”

Itaia 60:21

A na maiu raoi ami aomata ma n teimatoa ni b'aina te aba; bon taian aroka ngaia aika I unikia b'a a na neboai.

Ieremia 31:23

E taku te UEA ae Moan te M'aaka ae Atuaia Iteraera: I berita b'a N na kainaomataia kaain Iuta ma ni kairiia rikaaki nakon aia kaawa ni koaua. Ao ngkana I karaoa aei, a na manga taetae riki ni kaangai, “Ti tataro b'a E na kakab'aia mwengana te UEA, te maunga ae e tabu i Ierutarem ike e tei iai ana Tembora.”

Ieremia 33:11

b'anaan te kukurei ao karongoaan taiani bootaki ni kukurei ma taiani baka ni mare. Ao ngkana a rin n au Tembora b'a a na anga karea i bukin kakukureiau, ao ko na ongo ae e kaangai irouia: “Ti neboiko, te UEA ae Moan te M'aaka! Ko karaoa ae e raoiroi nakoira, ao e bon aki konaa ni matebuaka Am tangira.” E na manga okira arona te aba ni kariki uaa.

Ieremia 33:7

N na manga anga riki te aba aei nako ia Iteraera ma Iuta, ao N na manga kakorakoraia n aroia are rimoa.

Etekiera 45:8

E na riki te tabo aei b'a tib'an te tia tautaeka n abaia Iteraera, b'a e aonga n aki manga karawaawataia aomata, ma e na anga nikiran te aba nakoia barongan nako Iteraera.

Mika 4:8

Ao ngkoe, Ierutarem ae ana taua n taratara te Atua n taraia ana aomata n ai aron te Tia Kawakin Tiibu, ko na manga okira tib'angam are bon atuun te aba n uea ae b'anin, ake ko abani ngkoa.

Teb'ania 3:13

Ngkami aika Iteraera aika nikira ni maiu, ana bon aki karaoa te kairua nakoia tabem'aang, ana aki kewe, ana aki uarao. Ana katotongia tiibu aika a am'arake ma te rau, ana rawei motirawaia ao akea ae e na kamaiuia.

Teb'ania 3:9

“Ao N na kaitiaka aia taeka botannaomata nako, b'a aonga n riki aia taeka b'a b'ain neboau; ao a na aki manga neboia anti riki tabem'aang.

Tekaria 8:3

N na okira Ierutarem ma ni maeka ikekei i aon te Maunga are Tion. Ao ane e na ataaki iai b'a te kaawa ae e kakaonimaki, ao e na ataaki Tion b'a te maunga ae e tabu.

Tekaria 8:8

ao N na uotiia ni kamaekaia i Ierutarem. A na riki b'a au aomata, ao N na riki b'a Atuaia, ae E kakaonimaki ni karaoa te eti.

Warekaia Iteraera 12:3

B'a kaanga ai bon antai ngaia n ana iango? E bon tataetae naba te UEA nako ira tiaki tii ngaia.” E bon ongo te UEA ngurengureia

Warekaia Iteraera 16:15

Ao e a rangi n un Moote, ao e taku nakon te UEA, “Ko na tai ongora i rouia mm'aane aikai! I bon tuai ni karaoa te kaairua nako ia. I bon tuai naba man anaa aia aati temanna.

Te Kaotioti 21:27

Ao e na bon aki kona n rin i nanona te b'ai ae kam'ara, ke ane e karaoa ae riai ni bati n ribaaki ma ni b'ab'aina te kewe; ma a na rin iai ti te koraki ake a tia ni m'akoro araia ni bokin te maiu are ana b'ai te Tiibuteteei.