Itaia 1:24 - Te B'aib'ara

²⁴ Bon te UEA Ngai ae Moan te M'aaka, ae te tia tautaekana Iteraera ae e korakora, ao I karaoa au berita nakoimi ae e kaangai: Bon au kairiribai ngkami ngkai, ao N na kaota uniu nakoimi ni kaoka kaiu iroumi.

Itaia 1:24 ပူးပေါင်းရင်းမြစ်များ

Karikani B'aai 49:24

Ma e bon tiku n ariraki ana kainikatebe ma ana kanoanikatebe. Ao a kakorakoraaki angan baina Ni m'aakan te Atua ae Moan te M'aaka, ae Atuan Iakob'a, Ae te Tia kawakin tiibu, ae te Tia kawakina Iteraera.

Taian Areru 132:2

Te UEA, Ko na uringa ana taeka are kab'aka nakoim, are ana taeka ni bau, ngkoe ae te Atua ae M'aaka ae Atuan Iakob'a:

Itaia 12:6

Anene, ngkami kaain Tion! Bukamarua kakannaton UEAN Iteraera ae e tabu. E mena ikai te Atua b'a e na buokiko.

Itaia 30:29

Ane a na anene ana Aomata te UEA n aron are a karaoia ngke a kauringa te Riao n te tairiki. Te UEA bon ana b'aa ae e korakora Iteraera, ao ane a na kukurei ana Aomata n aroia ngkoa ngke a ira tangin te kaib'ab'aa nakon te Maunga ike e taromauriaki iai.

Itaia 35:4

“Kakukureingkami! Kam na aki maaku. E a roko te Atua b'a e na katuaaia ami kairiribai. Ane e na irantaangaia te Atua ao e na kamaiungkami.”

Itaia 49:26

E na karaoia aomata aika a iowawaa aikai b'a a na bon kana irikoia ao a na mooi boni man raraaia. Ao ane a na ataai aomata nako b'a bon ara Tia kamaiu te UEA; Atuan Iteraera ae Moan te M'aaka are e kamaiuia ana aomata.

Itaia 59:18

E na rangi n un ngkai te UEA ao e na karaoia nako ia aia kairiribai ake a kaan ma ake a raroa te b'ai naba are a karaoia nako ia ana Aomata.

Itaia 60:16

Ko na atiki kaub'aia uea ma botannaomata nako. Ane ko na ataai b'a te UEA Ngai ae e m'aaka ae Atuaia Iteraera, ae I a tia ni kamaiungkami.

Itaia 61:2

Aio te ririki are e E na kaota iai ana nanoanga nakoira te UEA ae te Atua ni katuaaia ara kairiribai nako. E a tia ni kanakoai te UEA b'a N na karaunanoia aika a tang,

Itaia 63:4

I karaoa aei i bukina b'a I irantaanga e a roko te tai i bukin kamaiuaia au aomata.

Ieremia 50:34

Ma bon Ngai ae te UEA ae Moan te M'aaka, ae N na kamaiuia ma ni kaawakiniia. N na kakoroa te rau i aon abaia ao N na karokoa te kangaanga i aon ami b'ai.

Ieremia 9:9

Ko na anganai bukina teuana, b'a e aera ngkai a na aki katuaaeaki. Bon aei au taeka Ngai ae te UEA ae Moan te M'aaka.

Etekiera 16:42

Ao i mwiin anne, e na toki uniu, ao e na rau nanou. N nang aki manga oki n unun ke ni kokoo.

Etekiera 21:17

Ao i mwiin anne, e a tib'a toki uniu, ao N na uboi baiu n tokanikai. Bon aei Au taeka Ngai ae te UEA.

Etekiera 5:12

A na mate katenim'akoromi i nanon Ierutarem ikai n te aoraki ke te baki. Katenim'akoromi a na mate n te buaka. Ao N na kamaaenakoia kabanean katenim'akoromi n aki akaaka, ao i mwiina, N na manga rimwi ngkami n tiringkami.

Etekiera 5:13

Kam na namakina korakoran uniu ni karokoa tian raoi au karekekai. Ao i mwiin anne, kam na ataia b'a I un Ngai ae te UEA i bukin ami aki ongotaeka.

Mika 5:15

I bukin marakin nanou, ao N na kamaunaia te botannaomata ake a rawa n ira nanou.

Te Tua-Kaua 28:63

E rangi ni kukurei te UEA ni katetekeraoingkami ma ni buoka ami botannaomata ni karikirakea ngke kam buakana te aba n taua. Ma ngkana kam aki ongotaeka nakoina ao E na manga bon rangi ni kukurei naba ni koutingkami mani wakaami.

Te Tua-Kaua 32:43

Tuangiia taiani karawa b'a a na karaoa aia bootaki ni kukurei ao taian atua ni kabane b'a a na bobaraaki nakon te UEA, i bukina b'a E na irantaangaia mairouia kairiribai aika ribaaki aika tiringiia ana Aomata. E na kab'arai ana bure Iteraera ma ni kaitiaka abaia.

Ebera 10:13

ao E na tiku ikekei ni kaantaninga te tai are a na kakiaki iai ana kairiribai b'a neni katokaani waena.

Te Kaotioti 18:8

Ma ngaia ae a na roko baika kamamate i rouna n te bong ae ti te bongina, ae te aoraki ae kamamate, ma te nanokawaki ae bati, ma te rongo; ao e na kabuokaki ni kabaneaki n te ai; b'a E m'aaka te Uea ae te Atua ae motika taekana.