Itaia 1:18 - Te B'aib'ara

¹⁸ Ngai, ae te UEA, ae I kaoingkami b'a kam na nakomai ma ni maroroakinna. A turu urauran ami bure, ao a na mainaina kaanga te tinoo ke buraen te tiibu.

Itaia 1:18 ပူးပေါင်းရင်းမြစ်များ

Iobi 9:33

Ma bon akea temanna ae kona n tei i marenara akea ae kona n roko n anga ana moti i aora ni kauoman.

Taian Areru 51:7

Kaitiaki au bure mairou, ao I a itiaki iai. Tebokai, ao N na mainaina riki i aon te tinoo.

Taian Areru 51:9

Karabai matam man au bure nako, Ao kamaunai arou nako aika bubuaka.

Itaia 1:23

A tia taani kairiiri n katinanikuai ao a manga riki b'a raoia koraki ake taani baabakanikawai; ao ami taan tautaeka a iangoi reken taiani b'aintangira ao m'akuri ni baabakanikawai. Bon akea itin te motikitaeka nakoia aine aika a tia ni mate buuia ao ataei aika akea aia karo.

Itaia 3:13

E a tauraoi te UEA ni bukiniia ao ni motikititaekaia botannaomata ni kabaneia.

Itaia 41:1

Tai kakarongoa ao kakauongo, abam'akoro ni kabane i nanon te marawa. Kakorakoraingkami ao kaaningkami, aomata ni kabane aika taiani botannaomata. Ti na iangoa aron te b'ai ae e riki aei!

Itaia 41:21

Bon te UEA Ngai ae Atuaia Iteraera! Nakomai kaetieti ma Ngai. Kaoti am b'ai ni kakoaua.

Itaia 44:22

Kam na okirai? I a tia ni kamaiungkami ao I kaitiaki ami bure nako ngke a matenten kaanga taiani karau.

Itaia 50:8

E mena i rarikiu te tia kaawakinai, bon akea ae e konaa n tei ikai ni bukinai n te kaairua teuana.

Itaia 55:7

Kaaki kawaim nako aika b'aoua ao am iango aika a buakaka. Okira te UEA ae Atuara. E na nanoangaiko ao ane E na kab'arai am bure nako.

Ieremia 2:5

ao N na taetae Ngai ae te UEA. I aki roko n te karaoa ae e buakaka nako ia ami bakatibu, ma a kiitanai ao a riki n aki manena ngke a iriia bouananti aika akea manenaia.

Etekiera 18:27

Ao ngkana a manga moana karaoan ae e raoiroi aomata aika a buakaka, ao a boni kamaiuia i bon irouia iai man te rekenikai.

Etekiera 33:16

A na kab'araaki buren aia kairua ake ngkoa, ao a na maiu b'a a tia ni karaoa ae raoiroi.

Mika 6:2

Ngkami aika maunga, aika bouan te aonnaba ma ngkoa, ongora nakon Ana kauntaeka te UEA! Iai Ana kauntaeka te UEA i marenana ma Ana aomata aika Iteraera are E na tabekaarake taekana.

M'akuri 17:2

Ao e rin B'auro n te m'aneaba n aron are e tataneiai iai, ao e reireiia aomata koaua man te B'aib'ara i nanon tenua te Taabati,

M'akuri 18:4

E aki toki B'auro ni kakarabakau ni m'aneabaia I-Iutaia n te Taabati ae koraki, b'a e kan anai nanoia I-Iutaia ma I-Erene.

M'akuri 24:25

Ao ngke e kakarabakauakina taekan te raoiroi ma te taubaang ma te motiki-taeka are na roko, ao e taonaki n te maku ae bati Berika, ao e taku, “Ko na nako moa ngkai; ao ngkana e reke au tai, ao N na manga weteiko.”

I-Rom 5:20

Ma e roko te Tua b'a e aonga ni m'aiti te bure; ma ike e m'aiti iai te bure, ao e a manga m'aiti riki iai te akoi.

Te Kaotioti 7:14

Ao I taku nakoina, “Teuae ko karineaki i rou, ko bon ataiia.” Ao e kaangai nako iu, “Aomata aikai ake a butaki nako mai aan te rawawata are korakora, ao a teboki aia kunnikai ake a m'am'arai ao a kamainainai n raraan te Tiibuteteei.

1.Tamuera 12:7

Ao ngkai E na riki te UEA b'a ami tia moti. Ma ngaia are, kam na tei ao kakauongo, ngkana I kauringngkami aron te UEA ngke E aki toki ni kakamaiungkami ma ami bakatibu mairouia ami kairiribai.