Itaia 1:17 - Te B'aib'ara

¹⁷ ao reireiningkami ni maiuakina te raoiroi. Kakoaua raoi b'a e na karaoaki te babaaire ae e eti. Teei i bukiia aine aika a tia ni mate buuia ao ataei aika akea aia karo ao buokiia aika a tangira buokaia.”

Itaia 1:17 ပူးပေါင်းရင်းမြစ်များ

Taian Areru 34:14

Taan nako man te buakaka, Ao karaoa ae e raoiroi. Kekeiaki ni b'aina te rau ni maium.

Te Otinako 22:21

Kam na aki kabuakakaia Iruwa aika maeka i buakomi. Uringnga b'a bon iruwa ngkami i Aikubita.

Taeka n Rabakau 15:25

E uruaka mwengaia akana a kainikatonga te UEA, ma e kaawakin aia b'ai aine nako aika akea buuia.

Taeka n Rabakau 21:3

Karaoan ae e raoiroi ao ae e riai e boni kakukureia riki te UEA nakon te angab'ai.

Taeka n Rabakau 31:9

Karaoa ae riai ao n anga te babaaire ae e raoiroi nakoia aika a maiu ni kainano ao aika akea mwengaia.

Itaia 1:23

A tia taani kairiiri n katinanikuai ao a manga riki b'a raoia koraki ake taani baabakanikawai; ao ami taan tautaeka a iangoi reken taiani b'aintangira ao m'akuri ni baabakanikawai. Bon akea itin te motikitaeka nakoia aine aika a tia ni mate buuia ao ataei aika akea aia karo.

Itaia 10:2

are kam na karaoa iai ae e aki raoiroi nakoia aomata aika a maiu ni kainano aika a tangira buokaia ao aine aika a tia ni mate buuia ao ataei aika akea aia karo.

Itaia 56:1

E taku te UEA: Ko na maiuna te raoiroi ao te eti! N na roko ni kamaiuko n te tai ae e waekoa; e na nooraki m'aakau ni kakamaiu n taabo nako n te aonnaba.

Itaia 58:6

N na tuangngkami nanon raoi taromaurian te UEA. Kanakoi tieiniia buure ake a kabaeaki n te aro ae e aki eti. Kainaomataia akana a kabuakakaki!

Ieremia 21:12

Kam riai ni kakoaua raoi b'a kam karaoa te motikitaeka ae eti ni katoa te bong ae e boou, ma ni kamaiuia akana a tia ni kimoaaki. b'a i mwiina ao e na rikirake uran unu kaanga te ai ae e aki konaa n tiringaki.

Ieremia 22:3

A a tia n riki aomata aika akea aia bure b'a konan ami m'akuri n tiritiri, ao tabeman mai buakoia a tia n tiringaki. Ma I tuangkami ngkai b'a kam na karaoa ae e raoiroi ao ni kakoaua b'a e karaoaki te motiraoi. Kamaiuia aomata nako akana a karawaawataaki n te motibuaka.

Ieremia 35:15

Kam aki kan ongo irouia Au burabeti, aika a aki toki n taetae nako imi ni kaangai, “Katoka karaoan te m'akuri ae e buakaka ao taromauriaia anti tabem'aang! Moana ongotaekami i roun te UEA ao ane E na kamaiungkami n te aba aei are e anganiia ami bakatibu.”

Etekiera 18:31

Kaaki arom aika a buakaka ao moana iangoan iango aika a raoiroi. Ao kakaonimaki nako iu! Ko tangiria b'a ko na tiringaki i bukin am bure!

Etekiera 22:7

Bon akea maibuakomi ae e karinea ana karo, ao kam m'am'anaia iruwa, ataei aika akea tamaia, ao aine aika a mate buuia.

Etekiera 45:9

E taku te UEA ae te Atua: Kam a tia ngkami aika taan tautaeka i Iteraera, e a bati n tau kimoaia ma keweia Au aomata! I tangiringkami b'a kam na katoka karaoan te bure ao kam na moana karaoan te raoiroi ma te eti. Kam na aki manga oki ni kanakoia Au aomata ma te kairoro man oin abaia. Bon aei Au taeka Ngai ae te UEA.

Taniera 4:27

Ma ngaia are, ‘Te uea ae ko karineaki, karaoi kanoan au kaetieti. Katoka karaoan te bure, karaoa ae e raoiroi, ao nanoangaia akana aki kaub'ai. Ao i mwiina, e a tib'a kona n rikirake ueam.”

Mika 6:8

Bon tiaki ngaia anne, E a tia n reireiniira te UEA ataakin ae e raoiroi. Aikai baika E tangiri te UEA mairoura: Ti na karaoa ae e eti, ti na kaota te tangira ae e teimatoa, ao ti na iraorao ma Ngaia ma te nanorinano.

Teb'ania 2:3

Okira te UEA ni kabane ngkami aika kain te aba aika kam nanorinano, ngkami aika kam kawakin Ana tua. Karaoa ae e riai ao nanorinano i matan te UEA, Antai ae e ataia ao e na reke nanoangami iroun te UEA.

Tekaria 8:16

Ma kam riai n b'ab'aina te koaua i marenami n tatabemaningkami nako, ao kam na anga te babaaire ae e eti n te kabowi are e na karekea te rau.

Te Tua-Kaua 14:29

Bon akea abaia kanoan Rewi, ma ngaia are, kam na anganiia kanaia man te autinib'ai. Ao kam na anganiia naba kanaia aomata aika kainano, n reitaki ma ataei aika akea aia karo, aine aika akea buuia, ao taian iruwa,. Ngkana e reke kanaia ae tau nakoia, ao ane E na kukurei iai te UEA ae Atuami, ao E na katekeraoingkami ni b'aai ni kabane akana kam karaoi.

Iakobo 1:27

Aio te Aro ae itiaki ae aki kam'ara i matan te Atua ae te Tama: bon tararuaia akana a mate tamaia ma aine aika a mate buia ni kain nanoia; ao te kawakinna te aomata b'a e na aki baareka ni b'ain aon te aba.