Itaia 1:14 - Te B'aib'ara

¹⁴ I ribai ami Toa ae Moan Otin Nam'akaina ao ai uana naba ma ake nikirana ni kabane. Bon taiani b'ai ni karawaawata ao I a kua ni uouoti.

Itaia 1:14 ပူးပေါင်းရင်းမြစ်များ

1.Rongorongo 23:31

A na riai naba n anga aia kaaitau ao n anene n nebonebo ngkana e tabe ni waaki te angakarea ni katoa Taabati, ao ai uana naba ni katoa te Toa ae Moan Otin Nam'akaina ao bootakin riki te aro ake tabeua. A na riai n tau m'aitiia n taai nako kanoan Rewi aika a na m'akuri n te Tembora ni karaoi baika a tangiraki ni katiaaki.

Itaia 29:1

Ierutarem ae ana kaawa Tawita, are nnen au baonikarea, Ko a reke n te kaangaanga! bukamarui am toa n te ririki teuana ma teuana.

Itaia 29:2

N na bon teimatoa naba ni karawaawatako, ao a na tang am aomata ngkana I karaoa te baonikarea i bukim.

Itaia 43:24

Kam tuai man uoti taian b'ai ni kaboiarara aika a raraoi i buku ke n anganai raraoin m'akoron ami man ake taian karea. Ma n onea mwiin anne, kam karawaawataai n ami bure aika a rangi ni buakaka.

Itaia 61:8

I tangira te motikitaeka ae eti Ngai ae te UEA! Ma I ririibaa te kimoa ao te motibuaka. au Aomata, I kamatoa au berita nakoimi b'a N na anganingkami kaniwangami te boraraoi ae akea tokina.

Itaia 66:23

Ni moanibongin te Toa ae Moan Otin Nam'akaina ao ni katoa Taabati, a na bane aomata nako n taromauriai. Bon aio au taeka Ngai ae te UEA.

Itaia 7:13

Ao i mwiina, I taku: Ongora, ngkami ni kabane aika ana utu ni uea Tawita. Kam a tia ni kataa au taotaonaki n nano. Ngkai kam a tia ni kataa ana taotaonaki n nano te Atua ngkai kam rawa n buubutii te b'ai ni kakoaua.

Otea 2:11

N na katoki ana bukamaru Iteraera akea riki manga te Toa ae Moan Otin Nam'akaina, Taian Taabati, ke taian toa ake tabeua.

Otea 5:7

Kam a tia n aki kakaonimaki nako iu, Ngai ae ami UEA; a tia n reke natimi irouia taiani kabekaau. Ma ngaia are, ko na urubekeaki ngkoe ma arokam n tain te Toa ae Moan Otin Nam'akaina.

Amota 2:13

Ao ngkai N na kamanatuako ao ko na ngirangira n ai aron te aenikaa ae on n te uita, man ngirangira i aan rawawatan uotam.

Amota 5:21

E taku te UEA, I ribaai ami botaki n taromauri; I bon aki kan tarai!

Tekaria 11:8

E aki koro teuana te nam'akaina, I aki konaa n taotaona nanou irouia taani kaawakin tiibu aika teniman aika a ribaai, ao I karaoi taekaia.

Maraki 2:17

Kam a tia n rangi ni kakuaa te UEA n ami taeka nako. Ao kam titiraki ni kaangai, “Ti na kangaa ni karaoa anne?” Kam karaoia n ami taeka ngke kam kaangai, “E kukurei te UEA ni karaoa te buakaka ao E aki tabe ma te motiraoi.”