Itaia 1:13 - Te B'aib'ara

¹³ Akea boonganan ami karea, ao a rangi n ribaaki ami b'ai ni kaboiarara. I aki konaa moan ami m'akuri aika buakaka aika kam karaoi n ami Toa ae Moan Otin Nam'akaina ke n ami Taabati ao taai n taromauri ake tabeua.

Itaia 1:13 ပူးပေါင်းရင်းမြစ်များ

2.Uea 4:23

Ao e taku teuare buuna, E aera ngkai ko na kawaria n te bong aei, ao kai tiaki ngkai te Taabati ke te Toa ae Moan Otin Nam'akaina.

1.Rongorongo 23:31

A na riai naba n anga aia kaaitau ao n anene n nebonebo ngkana e tabe ni waaki te angakarea ni katoa Taabati, ao ai uana naba ni katoa te Toa ae Moan Otin Nam'akaina ao bootakin riki te aro ake tabeua. A na riai n tau m'aitiia n taai nako kanoan Rewi aika a na m'akuri n te Tembora ni karaoi baika a tangiraki ni katiaaki.

Taian Areru 78:40

Ai batiraa aia tai n rarawa ni kan aan-taeka i rouna n te rereua! Ao m'aiti ra te tai ae a kananokawakia iai!

Te Otinako 12:16

N te moani bong ao n te kaitiua ni bong kam na bootaki n taromauri. Bon akea te m'akuri ae na karaoaki i nanon boong akanne, ma kam riai ni katauraoa te am'arake.

Taeka n Rabakau 21:27

E aki tabeakin aia angab'ai aomata aika a buakaka ma aia iango aika a buakaka te UEA.

Taeka n Rabakau 7:14

“N na anga au karea ao e rangi ni m'aiti nikiran te iriko ni man i bukin te baka n am'arake.

Itaia 66:23

Ni moanibongin te Toa ae Moan Otin Nam'akaina ao ni katoa Taabati, a na bane aomata nako n taromauriai. Bon aio au taeka Ngai ae te UEA.

Itaia 66:3

Kam kareani taiani kaom'aane nako iu, ao kam tiriaomata; kam karean taian tiibu ataei nako iu ao kam karean taian kamea nakoia anti tabem'aang; kam karean taiani uita nako iu ao raraan taiani beeki nakon taian bouannanti; kam kabuoki b'ai ni kaboiarara nako iu ao kam neboi ami bouannanti. Kam a tia ni rinea are kam tangiria b'a kam na karaoia ni karaoi m'akuri aika a rangi n ribaaki aikai aika b'aai aika kam rangi n tangiri ni kan karaoi.

B'aeb'aeti 2:6

E urua te Tembora are ti tataromauria iai ni kamaerikirikia; E katoki bong aika a kakannato ma Taabati. E korakora riki unna irouia uea ma ibonga.

Etekiera 20:39

Waaki nako n taromauria ami bouannanti n te tai aei, ngkoe ae Iteraera, b'a N nang karaoiko b'a ko na aki karineai n te tai ae e aki maan b'a ko nang anga b'aintangira nakoia.

Otea 2:11

N na katoki ana bukamaru Iteraera akea riki manga te Toa ae Moan Otin Nam'akaina, Taian Taabati, ke taian toa ake tabeua.

Ioera 1:14

Tuangiia taani kairiiri ao aomata b'a a na bootaki n au Tembora. Tuangiia b'a a na aki am'aam'arake ao a na tataro ni kakorakoraia.

Ioera 2:15

Katanga te bu i aon Tion! Weteia aomata ni ikotiia. Kaota nanokawakim n aki am'aam'arake.

Nakoaia Ibonga 26:31

N na kamaunai ami kaawa aika a uarereke ma ami auti nako n taromauri, ao N na aki manga kukurei ni boin nako ami karea.

Maraki 1:10

Tera ngke iai temanna ae e kaini mataroan au Tembora, b'a kam aonga ni katoka kabanebuakaan ami tai ni kauraa te ai i aon au baonikarea. I aki kukurei iroumi ngkami aika ibonga, a akea riki ami angab'ai ae N na manga butim'aia.

Warekaia Iteraera 10:2

Karekea te aomata ae na karaoi uoua taiani buu man te tirewa ae amanaki. E na riki te buu anne b'a b'ain ikotaia aomata, ao anganakiia aomata te kanikina b'a a nang kam'ainga aia maeka.

Mataio 15:9

Akea nanon aia taromauri, i bukina b'a a reirei taekan tuua ake a karaoi aomata b'a aongkoa ana tua te Atua!”

Ruka 11:42

Ma a na reke kaimi B'aritaio! B'a kam anganga teuana te katebwina ni m'akoro man aroka aika te minte, te rue, ao aroka aika boiarara baaia, ao kam aki karaoa nanon te eti ma ana tangira te Atua; baikai aika kam riai ni karaoi, n aki kaaki taekaia akekei.

1.I-Korinto 11:17

Man au taeka aikai, ao bon akea iai kamoamoakimi i rou, i bukina b'a aromi ni bobotaki e a kariki riki baika bubuaka nako imi nakoni baika raraoi.

I-Ebeto 4:30

Tai karawaawata te Tamnei are Raoiroi, are Tamnein te Atua, are Ngaia are karika te aki nanokokoraki iroumi, b'a n te tai teuana ao kam na kainaomataaki man te bure.

I-Biribi 1:15

Bon iai tem'angina aika tataekina Kristo i bukin nanoia n nanonibwi ma ni kani kakauntaeka; ma iai naba tabem'aang aika tataekinna ma nanoia ae e raoiroi;