Itaia 1:1 - Te B'aib'ara

¹ Bon Itaia ngai ae natin Amota. Ao aio te rongorongo are I anganaki i bukin Iuta ao Ierutarem ngke a uea Utia, Iotam, Aati, ao Etekia i aon Iuta:

Itaia 1:1 ပူးပေါင်းရင်းမြစ်များ

2.Uea 15:1

E uea Ataria are natin Amatia te m'aane i aon Iuta n ana ka 27 n ririki ni uea Ieroboam i aon Iteraera

2.Uea 15:13

E uea Tiarum i aon Iteraera n ana ka 39 n ririki Ataria ni uea i aon Iuta. Ma ti teuana te nam'akaina i mwiin rikin Tiarum ni uea.

2.Uea 15:32

E a manga riki Iotam are natin Ataria te m'aane b'a uean Iuta n ana ka uoua n ririki ni uea Bika i aon Iteraera.

2.Uea 15:7

E mate Ataria, ao e taunaki i rarikiia ana bakatibu i Ierutarem. E a manga uea natina te m'aane are Iotam.

2.Uea 18:1

E a manga riki b'a uean Iuta Etekia are natin Aati te m'aane i nanon ana katenua n ririki ni uea Otea n tautaekana Iteraera.

2.Uea 19:2

E tuanga te mataniwi n te bareti are Eriakim, ana kauoman are Tebena, ao mataniwiia ibonga b'a a na kunnikaiia ni kunnikai aika a mangaingai ao e tuanga te burabeti are Itaia ni kaangai:

2.Rongorongo 26:1

I mwin maten te uea are Amatia, ao a manga katokaa ana baunuea natina te m'aane are Utia

2.Rongorongo 26:22

Ao b'aai n kabane ake e karaoi Utia i nanon ana tai ni uea a mena n te rongorongo are e koreia te burabeti are Itaia are natin Amoti te m'aane.

2.Rongorongo 27:1

Ai uabwi ma nimaua ana ririki ni maiu Iotam ngke e a riki b'a te uea i aon Iuta, ao e tautaeka mai Ierutarem i nanon tebwi ma onoua te ririki. Aran tinana bon Nei Ierutia bon natin Tatoka te aine.

2.Rongorongo 28:1

E moana ueana Aati i aon Iuta ngke ai tib'a uabwi ana ririki ni maiu, ao e tautaeka mai Ierutarem i nanon tebwi ma onoua te ririki. E bon aki katotoonga ana bakatibu are Tawita te uea are Aati. E aki ongotaeka iroun te UEA

2.Rongorongo 29:33

Onobubua taian kao ao tenibubua taian tiibu ake a uotaki b'a taiani karea i bukin butian te UEA ana kakab'aia.

Taian Areru 89:19

Ko taku n taai ake ngkoa i nanoni te mii nakoia am Toro ake a kakaonimaki, “I a tia ni buoka te tautia ae bati n ataaki; I a tia n anga te kaintokanuea nakon temanna ae I rineia mai buakon te botannaomata.

Itaia 13:1

Aio te rongorongo ae I anga i bukin B'aburon:

Itaia 2:1

Aio te rongorongo mai roun te Atua ae anganaki Itaia are natin Amoti i bukin Iuta ao Ierutarem:

Itaia 20:2

Ni bon te tai naba aei ao e tuangai te UEA ni kaangai, “Itaia, buuti am kunnikai ni kabane, n ikotaki naba ma am kauniwae!” I karaoa aei, ao I nakonako n aki karabaanai ao n aki kauniwaenai

Itaia 21:2

Bon te kaotioti ae e kakamaaku are e kaotaki nako iu te kaotioti i bukin te kam'aam'ane ao te urub'ai. Tuanga Eram ao Miria b'a a na katobibia man buakaniia kaain B'aburon. E a tia n tuea te UEA b'a na katoka te karawaawata are a karikia.

Itaia 37:2

E tuanga te Buraiminitita are Eriakim, te kauoman ni buraiminitita are Tebena, ao te ibonga b'a a na kunnikaiia ni kunnikai aika a mangaingai ao a na kaangai nakon Itaia:

Itaia 38:1

Ni bon te tai naba anne, ao e a aoraki Etekia ao e a kani mate. Ma ngaia are, I a nakoina ao I taku, “E taku te UEA b'a ko na aki marurung. Ko nang mate, ma ngaia are, ko a riai ni karaoi m'akuri aika a kainanoaki aika a riai ni katiaaki.”

Itaia 40:9

Bon iai te rongorongo ae e raoiroi i bukin te kaawa ae e buubura ae Tion Takaaruaia n tokin korakoran b'anaam mai taubukin te maunga ae te kabanea n rietaata ni maunga. Ko na aki maaku n takaarua nakon kaawan nako Iuta, “E mena te Atua ikai!”

Itaia 6:1

N te ririki are e mate iai te uea are Utia, ao I noora te kaotioti i bukin te UEA. E tekateka i aon te kaintokanuea i eta, ao e kaona nanon te Tembora niiniirana.

Itaia 7:1

Aati bon natin Iotam ao tibun Utia te m'aane, bon te uea i aon Iuta ngke a m'ananga uean Turia are Retin ao Bika are natin Remaria te m'aane are Uean Iteraera b'a a na buakana Ierutarem. Ma e aki koro bukin aia iango.

Ieremia 23:16

Kam na aki ongo nakon aia kewe burabeti ni kewe aikai, ngkami aika kaain Iuta! Te rongorongo ae a tataekinna bon ti aia iango; e bon aki nako mairou, Ngai ae te UEA ae Moan te M'aaka.

Etekiera 1:1

Ni kanimauani bongin te kaaua n nam'akaina n te katenibwi n ririki, I maeka Ngai ae Etekiera ae te ibonga are natin Buti te m'aane, ma Iutaia ake taenikai i rarikin te Karaanga are Keeb'ara i B'aburon. E uki karawa, ao I noora ana kaotioti te Atua.

Otea 1:1

Otea Ngai ae natin Beeri te m'aane. Ngke e uea Utia, Iotam, Aati, ao Etekia i aon Iuta, ngke e uea Ieroboam are natin Ioati i Iteraera, ao E taekina te rongorongo aei te UEA nako iu.

Amota 1:1

Aikai ana taeka Amota, are te tia kawakin tiibu man te kaawa are Tekoa Uoua te ririki i m'ain te m'aeiei, ngke e uea iai Utia i aon Iuta ao Ieroboam are natin Ioati e uea i aon Iteraera, ao te Atua E kaoti baikai ni kabane nakon Amota.

Amota 4:5

Naako kabuoki kariki b'a karea ni kaitau nakon te Atua, ao uotii naba ami karea n anganano man kamooi ngkami iai! B'a bon te b'ai ae kam tatangiria.

Mika 1:1

E roko Ana taeka te UEA aika taekan kaawa aika Tamaria ao Ierutarem iroun Mika, are kaain te kaawa are Moroteta i nanon aia tai ni uea Iotam, Aati, ma Etekia i aon Iuta.

Naum 1:1

Aio rongorongon Ninewe ake a reke iroun Naum n te mii. E maeka Naum n te kaawa ae Erekoti.

Ab'akuka 2:2

Ao E kaekaai te UEA ao E kaangai, “Koroi ni kaotai raoi i aon baaba ni koroboki baika N na kaoti nakoim, b'a a aonga ni kai warekaki.

Warekaia Iteraera 12:6

Ao ngke a tia n tuangiia b'a a na kakauongo raoi, ao E taku: “Bon te UEA Ngai, ae taetae nakoia burabeti n taiani kaotioti ma taiani mii.

Warekaia Iteraera 24:16

E roko rabakau mairoun te Atua ae Moan te Rietaata, ae Moan te M'aaka. I bobaraaki nako Ina, ao I noori taiani kaotioti i bukiia Iteraera.

Warekaia Iteraera 24:4

E roko mairoun te UEA te Atua ae Moan te M'aaka. I bobaraaki nako Ina, ao I noora te kaotioti i bukiia Iteraera.

Mataio 17:9

Ngke a tabe n ruo rikaaki mai aon te maunga, ao E kamatoa ana taeka Iesu nako ia ni kangai, “Akea temanna ae kam na tuangnga taekan te baere kam a tia n noria, ni karokoa E a manga kamaiuaki Natin te Aomata mai buakoia maate.”

M'akuri 10:17

Ngke e tabe Betero ni mimi n ana iango b'a tera nanon te baere kanga te mii are e noria, ao akea b'a a tei i rarikini mataroan te kawai n rin n ana auti Timon aomata ake a kanakoaki irouni Korenerio, b'a a tia n ata nen ana auti.

M'akuri 26:19

Ma ngaia are, te uea ae Akerib'a, I aki rawa nakon te baere kanga te mii are kaoti mai karawa;

2.I-Korinto 12:1

I bon riai ni kamoamoaai, e ngae ngkana akea te bae na reke iai; ma N na taekini baika kanga ai aron te mii ma baika kaotaki iroun te UEA.

2.Betero 1:21

b'a bon akea te taetae ni burabeti ae roko n te tai teuana man oin nanon te aomata; ma aomata a taekina te taeka are roko mairoun te Atua, ni kairaia iroun te Tamnei are Raoiroi.