Iotua 8:35 - Te B'aib'ara

³⁵ Bon akea te tua teuana ae aki warekia Iotua nakoia aomatan Iteraera ni kabane, m'aane, aine, ataei, ao iruwa naba ake a maeka i buakoia.

Iotua 8:35 ပူးပေါင်းရင်းမြစ်များ

Etira 10:1

Ao ngke e mena Etira i aon bubuaniwaena i matan ana Tembora te Atua, n tataro ma ranni matana i matana, ao e kab'arabure i bukiia Iteraera, ao a ikotaki i rarikina m'aane, aine, ao ataei aika a rangi ni m'aiti ma n tang ni korakai.

Neemia 8:2

Ao i mwiina, a titirakina Etira, are bon te tia reirei n ana Tua Moote, b'a e na wareka nakoia kanoan te Tua anne are e a tia n anga te UEA nakoia ana aomata. Ao e roko Etira ma te Tua ao e tei i mataia te koraki ni m'aane, aine ao ataei akekei aika a boni konaa n ataa nanon te b'ai are e warekaki.

Neemia 8:3

Ao e wareka ana Tua Moote nakoia man te moaningabong ni karokoa te tawanou, ao a bane ni kakauongo raoi.

Te Otinako 12:38

Ao iai naba te koraki n aomata ae korakora ae a iriia aika a m'aiti naba aia tiibu, kooti, ao aia kao aika a kairiia.

Ieremia 26:2

Ieremia, iai Au rongorongo nako ia aomata nako aika a roko mai Iuta b'a a na taromauri n au Tembora. Ko na nako nakon katawanangin te Tembora ao taekin b'aai ni kabane ake I taekin nakoim.

Ioera 2:16

Kakoauaa raoi b'a a na bane aomata n tau nakon taromauriau. Kanakomaia ikawai, ataei, ao taian merimeri, ao kairiia mai naba te taanga aika a tib'a tia ni mare man aia bootaki ni mare.

Tekaria 8:23

Ane a na taua bain te I-Iutaia tengaun aomata man botannaomata aika a kakaokoro aia taetae ao a na kaangai, “Ti na iriko. Ti a tia n ongo b'a E tei Atuami i bukimi.” Bon aei Au taeka Ngai ae te UEA ae Moan te M'aaka!

Mareko 10:14

Ngke E nora aei Iesu ao E rin, ao E taku nakoia ana reirei, “Kanakomaia ataei nako Iu, ao tai tukiia; b'a Uean te Atua bon aia b'ai ataei aika ai aroia aikai.

M'akuri 20:27

B'a akea te b'ai teuana n ana kaantaninga te Atua ae I taua n aki taekinna nakoimi.

M'akuri 21:5

Ao ngke a bane ara bong i Turo, ao ti m'ananga n nako. A bakaborauira te koraki arei ma buuia ma natiia nako tinanikun te kaawa; ao ti katorobubua i aon te bike, ao ti tataro.

Te Tua-Kaua 29:10

Kam a bane n tei i matan te UEA, ngkami aika taani kairiiri, taian aobitia, ami rorobuaka nako,

Te Tua-Kaua 29:11

ateiaine, ataei, ao I-Abatera ake a uraki aia ao a uraki ran i bukimi.

Te Tua-Kaua 29:9

Kaain Iteraera, E a tia te UEA ni karaoa te boraraoi ma ngkami, ao ngkana kam kaawakina tib'angami, ao kam na tetekeraoi ni b'aai ni kabane akana kam karaoi.

Te Tua-Kaua 31:12

A na riai ni bane n roko aomata ni kabane--m'aane, aine, ataei, ao taian iruwa naba akana maeka n ami kaawa nako. Ao a na ongora rooro nako ma n reireiniia taromauriakin te UEA ae Atuami ma te maaku ao te ruru ma ni karaoi raoi b'aai ni kabane akana taekinaki n ana Tua te Atua.

Te Tua-Kaua 4:2

ao ngkai E a manga riki b'a Atuami. I taekin nakoimi tuua ni kabane ake E tuangai, ma ngaia are, kam na aki karakai ke ni kanakoi b'aai tabeua man tuua akanne.