Iotua 8:33 - Te B'aib'ara

³³ A tei aomatan Iteraera ma aia mataniwi ma aia b'akuaku, ao aia taani moti, n reitaki naba ma iruwa ake i buakoia. A tei aomatan Iteraera ni iteran te Atiniberita ake uoua ni kaaitaraia ibonga ake kanoan Rewi ake a uouota te Atiniberita. A tei aomata ake n te iterana ni bukin atuua te maunga are Keritim, ao ake tekorakina a bukin atuua te maunga are Eeb'ara. Bon aio ana taeka Moote ngkoa nakoia b'a a na karaoa te aro aei ngkana e a roko aia tai ni kakab'aiaki.

Iotua 8:33 ပူးပေါင်းရင်းမြစ်များ

Te Otinako 12:49

E na kamanenaaki naba te kaetieti aei nako ia naba aika bon ataeinimm'aanen raoi Iteraera ao nakoia naba ianena ake a maeka i buakomi.”

Nakoaia Ibonga 24:22

Boni Ngai te UEA ae Atuami, ao I tangiria b'a e na ti te tikina te motiraoi nako imi Iteraera ao nakoia naba akana a maeka n iruwa i buakomi.

Warekaia Iteraera 15:15

E na bon aki manga oneaki te tua aei. Bon te UEA Ngai ae ti te arona aomata ni kabane i Rou.

Warekaia Iteraera 15:16

Ti te arona Iteraera ma te iruwa ae maeka i buakomi.

Warekaia Iteraera 15:29

E na kamanenaaki naba te tua aei nakoia aomata nako aika a karaoa te bure n tiaki nanoia, b'a tao te Iteraera, ke tao te iruwa ae maeka i buakomi.

Ioane 4:20

A tataromauri I-Tamaria ake ara bakatibu i aon te maunga aei; ao ngkami aika I-Iutaia kam taku b'a Ierutarem boni ngaia te tabo are a na tataromauri iai aomata.”

Te Tua-Kaua 11:29

Ngkana E tia te UEA ae Atuami ni buokingkami n taua te aba, ao kam na karaoa te bootaki ike kam na katanoata iai Ana kakab'aia te UEA man te Maunga are Keritim, ao Ana kamaraia man te maunga are Eeb'ara.

Te Tua-Kaua 31:12

A na riai ni bane n roko aomata ni kabane--m'aane, aine, ataei, ao taian iruwa naba akana maeka n ami kaawa nako. Ao a na ongora rooro nako ma n reireiniia taromauriakin te UEA ae Atuami ma te maaku ao te ruru ma ni karaoi raoi b'aai ni kabane akana taekinaki n ana Tua te Atua.

Te Tua-Kaua 31:25

ao i mwiina, e nakoia kanoan Rewi ake a uouota te Atiniberita ao e taku:

Te Tua-Kaua 31:9

Ao e koroi tuua ma reirei aikai ni kabane Moote ao e anganiia ibonga ma taani kairiiri i aoia Iteraera. A nako man te baronga are Rewi aomata aika taiani ibonga, ao a uouota te Atiniberita.

Iotua 23:2

Ma ngaia are e a weteia Iteraera ni kabane, ana unim'aane ma ana taan kairiri ao ana taan moti ma ana b'akuaku ao e taku nakoia, “I a rangi ni kara ngkai.

Iotua 24:1

E a bootia barongan Iteraera ni kabane Iotua i Tekem. E weteia unim'aane ma taan kairiri, ma taan moti, ma b'akuakun Iteraera ni kabane b'a a na ikotaki i matan Ana Ati ni Berita te UEA.

Iotua 3:14

E a tao ranin te karaanga n te tai arei b'a bon tain te tai, ao a uouota te Atiniberita ibonga rimoaia aomata,

Iotua 3:3

ma n tuangiia aomata ni kaangai, “Ngkana kam nooria ibonga n uouota Ana Ati ni Berita te UEA ae Atuami, ao kam na baarongai ami b'ai ao kam na rimwiia nako.

Iotua 3:6

Ao e a manga tuangiia ibonga b'a a na rimoaia aomata ma te Ati ni Berita, ao a karaoa are a tuangaki.

Iotua 4:10

A tei ibonga i nukan te Ioretan ni karokoa banen raoi baike e tuangaki Iotua i roun te UEA b'a e na tuangiia tibun Iteraera b'a a na karaoi. Bon aikai ana mwioko Moote nakon Iotua. A kawaekoaia aomata akekei n ri nanon te Ioretan.

Iotua 4:18

Ao ngke a bane n aerake raoi ibonga man te karaanga, ao e a manga tao te karaanga n arona are mai m'aaina.

Iotua 6:6

E weteia ibonga Iotua ao e taku nakoia, “Anaa te Atiniberita ao a na rimoan te Atiniberita itiman mai i buakomi ma aia buu.”