Iotua 23:9 - Te B'aib'ara

⁹ E a tia te UEA ni kamumuniia nako botannaomata aika a korakora mai i m'aaimi, ao bon akea ae konaa n tei ni kaaitarai ngkami.

Iotua 23:9 ပူးပေါင်းရင်းမြစ်များ

1.Uea 21:26

E anuanna n te anua ae moan te buakaka, ae te taromaurii bouananti, ae te anua ae a anuanna naba ngkoa Amoraite, ao a teweaki nako iroun te UEA mai m'aaia Iteraera.

2.Rongorongo 20:7

Atuara, ko kanakoia botannaomata ake a maeka n te aba aei i m'aain riniia am aomata aika Iteraera ikai, ao ko anganiia ana kariki raoraom are Aberaam n aki toki.

Te Otinako 23:23

E na kairingkami au anera nakon abaia kaain Amora, Eta, Berita, Kanaan, Iwa ao Iebuti, ao N na kamaunaiia nako.

Te Otinako 23:30

N na bon kakioia nako ami kairiribai teutana i mwiin teutana ao n angan abami ana tai ni karikirakea korakorana n taua te aba.

M'akuri 7:45

Rimwi riki, ao a anganaki ara bakatibu um'an te Atua irouia aia ikawai, ao e uotia Iotua ma ngaiia ngke a nako n taua te aba b'a abaia mairouia botannaomata ake E kakioia nako te Atua b'a a na aki tiku i m'aaia ara bakatibu; ao e tiku um'an te Atua ikekei ni karokoa ana tai n uea Tawita,

Te Tua-Kaua 11:23

ao E na buokingkami ngkana kam taua te aba. E ngae ngkana iai taian botannaomata aika korakora riki nakoimi, ma E na kanakoia te UEA ngkana kam buakaniia.

Iotua 1:5

Bon akea ae na kona n eekikonako ni karokoa matem. N na mena i roum n ai arou ngke I mena naba iroun Moote. N na memena i roum n taai nako. N na bon aki kiitaniko.

Iotua 15:14

Ao Kareb'a e buakana Eberon mani kakioia nako kanoan Anakim aika Tetiai, Aiman, ao Taremai ma aia baronga nako.

Iotua 23:5

E na kakioia nako te UEA mai m'aaimi ao e na kamumuniia nako ngkana kam buakaniia. E na reke i roumi abaia n aron Ana taeka te UEA nakoimi.

Iotua 23:8

Ma kam na ti kakaonimaki nakon te UEA n ai aromi n taai ake ngkoa ni karokoa ngkai.

Iotua 24:18

Ao ngke ti niniia te aba, ao E kakioia nako taian Amoraite mai m'aaira ake a maeka ngkoa ikai. Ma ngaia are ti bon riai ni beku i bukin te UEA b'a bon ti Ngaia Atuara.”