Iotua 15:45 - Te B'aib'ara

⁴⁵ Aikai kaawan te kanimaua ni m'akoro are a anganaki naba utuun te baronga are Iuta b'a abaia, ake taian kaawa ake n abaia I-Biritia are i mataniwiin taari, aika; Ekiron ma kaawana aika a uarereke, ao taian maeka nako i rarikina,

Iotua 15:45 ပူးပေါင်းရင်းမြစ်များ

Karikani B'aai 25:16

Bon aia bakatibu baronga ake tengaun ma uoman ngaiia, ao a ingoanaki aia kaawa ma aia maeka n araia.

Amota 1:8

N na kam'aeia nako taan tautaeka n te kaawa ae Atitota ao Atikeron. N na orea te kaawa ae Ekeron, ao nikiraia I-Biritia ake a maiu ana bane ni mate.”

Teb'ania 2:4

Bon akea ae e na tiku i m'aiu i Kata. E na riki b'a te tabo ae akea kaina. Ana kanakoaki i Atitota n te tawanou ao aomatan Ekiron ana kanakoaki man aia kaawa.

Iotua 13:3

ma abaia naba taian Awim nako maiaki, (aaba ake man te karaanga are Tiora, are n tian Aikubita, nako iaang nakon tian Ekiron e atongaki b'a abaia I-Kanaan; a maeka uean Biritia i Kata, i Atitota, i Atikeron, ao i Ekiron.)

Iotua 15:11

E a manga birinako te tia nakoni maunga ake i meangin Ekiron, ao e a manga b'aoua ni kaitaraa Tikeron, ri rarikin te maunga are B'aara, ni manga biri nako Timna ao e toki n taari are te Mereterenian,

Iotua 15:44

Keira, Aketib'a, ao Maretia. Bon ruaiwa kaawa aikai ni ikotaki ma kaawa aika a uarereke ake i rarikiia.

Iotua 15:46

ao taian kaawa ma kaawa naba aika a uarereke i rarikin Atitota, mai Ekiron ni karokoa taari are te Mereterenian.

Iotua 19:43

Eron, Timna, Ekiron,

1.Tamuera 5:10

ma ngaia are, a manga kanakoa te Atiniberita nako Ekeron. Ma i m'aiin are a karinna ni mataroan te kaawa, ao a bane n takaarua kaain Ekeron ni kaangai, “A uotaamai te Atiniberita are Ana b'ai Atuaia Iteraera! Ane na tiringiira ma ara utu!”

1.Tamuera 6:17

Ao anne aroia kaain Biritia n anga aia b'aintangira i bukin kab'araan aia bure i bukina ngke a anaa te Atiniberita. Ao a kanakoi taiani kinaka ake koora ake nimaua nakon aia kaawa n tatabeua nako ake Atitota, Kata, Atikeron, Kata, ao Ekeron.