Iona 3:4 - Te B'aib'ara

⁴ E rin Iona n te kaawa, ao e tatakarua ni kabongnga ni kaangai, “Ai ti angaun te bong ao e na uruaki Ninewe!”

Iona 3:4 ပူးပေါင်းရင်းမြစ်များ

2.Uea 20:1

N te tai aei, ao e a aoraki Etekia ao e a kaani mate. Ao e roko Itaia ni kawaria ao e taku nako ina, E taku te UEA b'a e na aki reke marurungim. Ko nangi mate, ma ngaia are, ko a riai ni waakina karaoani b'aai aika a riai ni katiaaki.

2.Uea 20:6

N na kamaiuko i nanon tebwi ma nimaua riki te ririki, ma ni kaawakiniko ao te kaawa ae e buubura mairoun uean Aturia. N na kaawakina te kaawa aei b'a karineau ao karinean au toro are Tawita.

Itaia 30:18

E tataninga te UEA ae te Atua ni kaota m'aitin ana akoi ao n nanoangaingkami. E aki toki te UEA ni kaakaraoa ae e raoiroi; e kakab'aiaia akana a onimakinna.

Ieremia 42:10

I kab'araa Au bure ngke I a tia ni katuaaingkami, ma ngaia are, I tuangkami ngkai b'a kam na tiku ikai i Iuta, ike N na unikingkami ma ni karikirakeingkami iai, n onea mwiin are N na bwenauaingkami ni kab'akaingkami ao n na kouwakaaingkami.

Iona 3:10

Ao te Atua E noori baike a karaoi; b'a a tia n toki man aroia ake a bubuaka. Ma ngaia are, E a bita nanona ma n aki katuaaia n aron are E a tia n taekinna.

Mataio 12:41

Ane a na kaoti I-Ninewe n te bongi ni motikitaeka ma kaain te roro aei, ao ane a na kabuakakaia kaain te roro aei; b'a a rairi nanoia I-Ninewe n ana kab'arab'ara Iona; ao noria, iai ikai ae kakannato riki nakon Iona.

Ruka 11:30

B'a aron te baere e karaoia Iona ngke e riki b'a te kanikina nakoia I-Ninewe, ao ai aron naba are E karaoia Natin te Aomata, e na riki b'a te kanikina nakoia te roro aei.

Ruka 11:32

Ane a na kaoti I-Ninewe n te bongi ni motikitaeka ma kaain te roro aei, ao ane a na kabuakakaia; b'a a rairi nanoia n ana kab'arab'ara Iona, ao noria, iai ikai ae e kakannato riki nakon Iona.

Te Tua-Kaua 18:22

Kam boni kona n ataia b'a ngkana bon te rongorongo mairoun te UEA, ao e na boni koro bukina, ma ngkana e aki korobukin ana taeka te burabeti ao ngkanne kam na ataia b'a e a tia te burabeti ni kewe b'a aongkoa Ana rongorongo te UEA. Kam na aki maaku irouia burabeti aika a taekin rongorongo aika tiaki mairoun te UEA.