Ioera 3:2 - Te B'aib'ara

² N na manga ikotiia botannaomata ake a kamaaenakoia au Aomata n taabo nako n te aonnaba n te M'arua are Motikitaeka A na tib'a abau

Ioera 3:2 ပူးပေါင်းရင်းမြစ်များ

2.Rongorongo 20:26

Ao n aia kaabong, ao a bane ni ikotaki aomata n te M'arua are Beraka ao a anene n nebonebo nakon te UEA. Ao bon anne bukina are e aranaki iai te tabo anne b'a M'aruan te Nebonebo.

Itaia 66:16

E na uota te motikitaeka ae e eti ana taeka te UEA ae e ura nakon taabo nako n te aonnaba aei ao e na tiringiia aomata aika a m'aiti.

Itaia 66:18

I ataia b'aai ni kabane aika kam karaoi ao aika kam iangoi! E a roko ngkai te tai are a na ikotaki iai aomata nako aika a kakaokoro aia taeka ao botannaomata nako ni kaota nakoia mimitongiu

Ieremia 12:14

E taku te UEA, “Bon iai te b'ai ae N na taekinna nako ia raon Iteraera ake a tia ni kurib'aia te aba ake I a tia n anganiia Iteraera. I anga te aba aei nako ia au aomata, ma e a otab'aniniaki irouia kairiribai ma ni buakanaki ma ni kurib'aiaki. Ma ngaia ae, N na koutiia nako man abaia n aron naba ngkoa are I karaoia nako ia kaain Iuta mai abaia.

Ieremia 25:31

E na ongo te aba b'anaau man taabo nako i aon te aonnaba, ngkana I bukiniia botannaomata n aia kaairua ma ni motika taekan te tia bure nakon te mate.

Ieremia 49:1

E taekina te b'ai aei te UEA i bukiia botannaomatan Ammon: A rangi ni m'aiti natiia Iteraera aika a b'aib'ai n te aba. Ma ngaia are, e aera ngkami aika taan taromauria te anti are Mirekom ngkai kam a anai taiani kaawa ao aaba ake aia b'ai kaain te baronga are Kata?

Ieremia 50:17

Iteraera bon te nanai n tiibu ae e maae nako irouia raian aika a bora ni baki. Uean Aturia boni ngaia te moan kab'autiia Iteraera. Ao i mwiina, Nebukaneta, uean B'aburon, are e kangkanta riin Iteraera.

Etekiera 25:8

E taku te UEA ae te Atua, “Kaain Moaba, ngkai ti te bo Iuta ma botannaomata ake tekorakina,

Etekiera 34:6

Ma ngaia are, a maaenako au tiibu ni kabutaa te aonnaba. A tiotio nako i aon tabuki ma maunga, ao bon akea temanna ae e tabeakiniia ni kakaaia.

Etekiera 35:10

Kam taku b'a ami b'ai te botannaomata ae Iuta ao Iteraera, ao ko konaa n taua taekan abaia. Ma bon Atuaia Ngai,

Etekiera 36:1

E taku te UEA: Etekiera ae natin te aomata, ko na tuangiia maungan nako Iteraera

Etekiera 36:5

Ma N na rairaki nakoia botannaomata aikai ma uniu ae e korakora, ai moara ra riki ake a oom'aaka ngareia ni ngareakiniko ma n taui ami tabo n uteute nako.

Etekiera 38:22

N na oroiko n te aoraki ao N na katuaaeko n te mate. Ko na katobibiaki ma am taanga ni buaka ni buakan karawa ma te karau, te karau te aiti, ao te burimton ae e ura.

Etekiera 39:11

Ngke e a tia ni kamaunaaki Koka, N na taunna ma ana taanga ni buaka i Iteraera, n te M'arua are Taani M'am'ananga, i mainikun Taari are Mate. E na bon rangi ni buubura te tabo n taunimate anne n te aro are e na tuuka kawaia aomata ake a kataia n nakonako i nanon te m'arua, are e na ataaki n arana ae M'aruan Ana Taanga ni buaka Koka.

Ioera 3:12

Kam na iri ngkai nakon te M'arua are Motikitaeka, ike E na motikitaekaia iai te UEA botannaomata nako aika i rarikira.

Ioera 3:14

A kaona te M'arua are Te Motikitaeka aomata aika m'aiti. E na roko ana bong n ana Motikitaeka te UEA n te tai ae e aki maan ikai

Amota 1:11

E taku te UEA “A teimatoa ni kakaraoa te bure kain Etom, ao N na bon katuaaia i bukin aei. Aki toki n ririmwiia aia utu, Iteraera, ao a kaota te aki nanoanga. Ngkana a un e bon kanganga tokina, ao aki kona ni kakerikaka uniia.

Mika 4:12

Ma a aki ataa nanon te UEA te botannaomata aei. A aki ataia ae a bootaki b'a a na bane n oreaki n ai aroia taian uita aika a bootaki, b'a a na oreaki ni kaakaki kuniia.

Teb'ania 3:8

“Ma ngaia ae kam na tataninga, bon ana taeka te UEA, “taningaa te bong are n na bairei taekaia botannaomata nako iai. I a tia ni baireia i nanou b'a N na bootia botannaomata nako iai. I a tia ni baireia i nanou b'a n na botiia botannaomata ma aaba n uea nako, n te aro b'a ana namakina korakoran uran uniu.

Te Kaotioti 11:18

A un botannaomata aika aki onimakina te Atua, ma e a roko unim ao te tai i bukiia maate ni motikaki taekaia. ma te tai are a na anganaki iai boon aia m'akuri am toro ake burabeti ma ake a maka aram, ake te koraki ake a mangori ma ake a kakannato; ao te tai ae a na tiringaki iai akana urua aon te aba!”

Te Kaotioti 16:14

bon tamneia taimonio aika kakaraoi kanikina; ao a kawariia uea nako i aonnaba, b'a a na ikotiia nakon te buaka n te Bong are kakannato are ana bong te Atua ae Moan te M'aaka.

Te Kaotioti 16:16

Ao a ikotiia uea nako n te tabo ae aranaki n te taetae n Ebera b'a Aremaketon.

Te Kaotioti 16:6

B'a aomata a katinakoi raraaia te koraki ake a itiaki ma burabeti; ao Ko a tia n anganiia te raraa b'a a na moi iai. A riai n reke kaiia.”

Te Kaotioti 20:8

ao e na nako ni m'am'anaia botannaomata nako ake a mena i aon aaba ni kabane, ake botannaomata ake Koka ma Makoka E na botiia i bukin te buaka; ao m'aitiia ai aroni m'aitin tanon te bike.