Ioera 3:17 - Te B'aib'ara

¹⁷ Bon te UEA Ngai ae Atuami. Ao kam ataia b'a I maeka i aon Tion, b'a e aonga n tabu Ierutarem, ma n aki kuukuneaki n aia taanga ni buaka ianena.

Ioera 3:17 ပူးပေါင်းရင်းမြစ်များ

Iobi 15:19

A kainaomataaki abaia mairouia i anena, ao bon akea temanna ae roko ni kairiia nako mai roun te Atua.

Taian Areru 76:2

E mena mwengana i Ierutarem; E maeka i aon te maunga are Tion.

Taian Areru 9:11

Kam na anenea karaoiroan te UEA are maeka i Tion! Kam na tataekin ana M'akuri i buakoia botannaomata.

Te Otinako 16:12

“I a tia n ongo ngurengureia Iteraera. Tuangiia b'a e na reke kanaia te iriko nakon te tairiki, ao e na reke kanaia te kariki ae bati nakon te moaningabong. Ao ane a na ataia b'a bon te UEA Ngai ae Atuaia.”

Itaia 11:9

Akea te kabuanib'ai ae e na konaa n riki i aon ana Maunga ae e tabu te UEA. Aron te ran ngkai ae kaona taari ao ai aron naba te aba b'a e na kaonaki irouia aomata antai ae e ataa ma ni karinea te UEA.

Itaia 12:6

Anene, ngkami kaain Tion! Bukamarua kakannaton UEAN Iteraera ae e tabu. E mena ikai te Atua b'a e na buokiko.

Itaia 35:8

E na mena te kawai ae e raoi ikekei, ao e na aranaki b'a “Kawain te Atua ae e Tabu.” bon akea te aomata temanna ae e aki tau n taromauri ae e na toua te kawai arei. Ao bon akea naba te nanobaba ae e na toua te kawai arei.

Itaia 4:3

A na bane n atongaki aomata ake nikira ni maiu i aon Ierutarem b'a aomata aika a tabu,

Itaia 46:13

N na waekoa n roko ni kamaiungkami. I a kaan ao N na bon aki kabane tai; I kakatia iroun Iteraera ao N na kamaiua Iteraera.

Itaia 52:1

Ierutarem, Uti! Teirake ao korakora. Tion te kaawa ae e Tabu karina kunnikaim ae moan te tamaroa. A na aki manga urua am kaawa ae e tabu taian ianena.

Itaia 56:7

N na uotiia nakon au Maunga are e Tabu ike a na karaoa iai aia bootaki ni kukurei i nanon au Tembora. E na teimatoa ni mena aia karea ao aia angab'ai i aon au Baonikarea. Ao e na ataaki au auti b'a te auti n tataro i bukiia botannaomata nako.

Ieremia 31:23

E taku te UEA ae Moan te M'aaka ae Atuaia Iteraera: I berita b'a N na kainaomataia kaain Iuta ma ni kairiia rikaaki nakon aia kaawa ni koaua. Ao ngkana I karaoa aei, a na manga taetae riki ni kaangai, “Ti tataro b'a E na kakab'aia mwengana te UEA, te maunga ae e tabu i Ierutarem ike e tei iai ana Tembora.”

Ieremia 31:40

E na katabuaki naba te M'arua are Innom are e rangi n ribaaki b'a e na riki b'a Au b'ai, ao ai uana naba ma taiani karaabee ake i mainiku ake a ruorikaaki nakon te Mataroa are Aoti nako nanon te M'arua are Kiteron. E na aki manga oki n uruakaki Ierutarem.

Etekiera 20:40

ngkana e roko te bong anne, a na bane n taromauriai Iteraera i aon te Maunga are Tion, are Au maunga are e tabu i Ierutarem. N na manga atongingkami riki b'a Au b'ai, ao N na manga butim'aai ami angab'ai ma ami karea nako.

Etekiera 37:6

N na kabutaa n rabuningkami n taian iia ao te kun ao N na uka te ike ni maiu nakoimi. Ao i mwiina, kam na ataai iai b'a bon te UEA Ngai.”

Etekiera 43:12

A na riai ni katabuaki te tabo are e mena iai te Tembora i aon te maunga are e tabu! Bon aei te kabanea ni kakawaki n tua i bukin te Tembora.

Etekiera 44:9

Ai ngaia are, e kaangai Au taeka Ngai ae te UEA ae te Atua b'a te ianena ae akea atuana ae aki ongotaeka irou ae e na bon aki kariaiakaki i nanon au Tembora. Aio naba i bukiia ianena akana a maeka i Iteraera.

Etekiera 48:35

Ao aran te kaawa ae e boou bon “E mena ikai te UEA.”

Taniera 11:45

Ane e na katea ana um'anrianna n uea ae e korakora i marenan taari ma te maunga n te tabo are e tei iai te Tembora. Ma ane e na mate, ao bon akea temanna ae e na buokia.”

Taniera 9:16

Ko a tia ni kamanoira n taai ake ngkoa, ma ngaia ae Ko nang katoka unim iroun Ierutarem. Bon am kaawa, am tabuki ae e tabu. A bane n taraa Ierutarem ma am Aomata kaain kaawa nako aika i rarikira i bukin ara bure, ao aia m'akuri aika a kam'araa ara bakatibu aika a tia ni karaoi.

Ioera 2:27

Iteraera, kam na ataia b'a I tei i bukimi. Bon te UEA Ngai ae Atuami akea riki anti tabem'aang. Kam na aki manga kamamaaeaki.

Ioera 3:21

I maeka Ngai ae te UEA i aon te Maunga ae Tion. N na katuaaia taani bure ao N na tei i bukiia aika akea aia bure.

Mika 4:7

E ngae ngke a raroa nako man mwengaia ma ni m'auku, ma N na manga waakina te reitaki ae e boou ma nikiraia ake a aki taenikai, b'a a na riki b'a te botannaomata ae e korakora. Ao N na uea i aoia i aon te maunga are Tion ni karokoa tokin aonnaba.”

Naum 1:15

Noria, e ri aon maunga n nakomai te tia uarongorongo, ma te rongorongo ae e raoiroi! I aon kawaina n taekina te tokanikai! Kaain Iuta, karaoi ami toa, ao angan te Atua baike kam a tia ni berita iai nakoina. A na aki konaa ni manga eweka abam aomata aika a buakaka. A tia ni bane ni kamaunaaki.

Tekaria 8:3

N na okira Ierutarem ma ni maeka ikekei i aon te Maunga are Tion. Ao ane e na ataaki iai b'a te kaawa ae e kakaonimaki, ao e na ataaki Tion b'a te maunga ae e tabu.

Te Kaotioti 21:27

Ao e na bon aki kona n rin i nanona te b'ai ae kam'ara, ke ane e karaoa ae riai ni bati n ribaaki ma ni b'ab'aina te kewe; ma a na rin iai ti te koraki ake a tia ni m'akoro araia ni bokin te maiu are ana b'ai te Tiibuteteei.